Jeremia 41:5 - Uwumbɔr aagbaŋ

⁵ bijab imonko inaa nan nyan ni Sekem, ni Silo, ni Samaria. Bi nan kuu bilangban, ki kar kar baawanpeenkaan, ki kpa tidaan biwon pu. Bi nan joo ni tijikaar ni tulalee aayon ke bi nan tii ipiin Uwumbɔr Aadichal ni.

Jeremia 41:5 ပူးပေါင်းရင်းမြစ်များ

Mpiin 33:18

Kina le Jakob nan nyan ni Mesopotamia ki cha le ki ti fuu Sekem aatiŋ, ni laafee; kitiŋ ngbaan nan bi Kanaann aapepel ni la, le u kal nkpaakon mubaa ni, kitiŋ ngbaan chee,

Mpiin 34:2

Ubɔr Hamor u nan ye Hif aanii na aajapɔɔn Sekem nan kan Daina, le ki chuu u mpɔɔn ki doon u chee.

Mpiin 37:12

Daalbaadaal le Josef aakpetiib di bite aawakor buen Sekem aatiŋ ni, timoor ponn ni.

2 Samuel 10:4

Le Hanunn chuu David aatuun ngbaan, ki kuu bilangban lipepel libaabaa, ki gii gii baawanpeenkaan mu bichaŋ mɔk, ki di bi lii, ke bi li cha.

1 Bibɔrb 12:1

Rehoboam nan buen Sekem, nin chee Israel aanib bi mɔmɔk bi ŋŋangan wɔb na nan kuun ke bi kaan u nnaan na.

1 Bibɔrb 12:25

Israel yaab aabɔr Jeroboam nan maa ŋigon kiir Sekem aatiŋ ki bi Efraim aagongon aatiŋ pu na, ki koo nima ni yunn siib, le ki nyan nima ki buen ti maa ŋigon gob Penuel aatiŋ.

1 Bibɔrb 16:24

le ki nin daa Samaria aagongoln aatiŋ tikunabr aamombil ŋichur ŋiloob, uja u bi nan yin u ke Semer na chee. Omri nan maa kitiŋ nima, le ki maa ŋigon gob ki, le ki di Semer, u nan yeh ligongoln ngbaan na aayimbil ki di yin ki ke Samaria.

1 Bibɔrb 16:29

Ubɔr Asa aah nan ye Juda yaab aabɔr pu na aabin piitaa ni ŋiniin ponn ni le Omri aajapɔɔn Ahab jin Israel aatiŋ aanaan, le ki nan bi Samaria aatiŋ ni ki joo waanib ki ti saa ŋibin moninko ni ŋilee.

2 Bibɔrb 25:9

U nan see Uwumbɔr Aadichal, ni libɔrdichal, ni binikpaam bi mɔmɔk nan bi Jerusalem aatiŋ ni na aadichal lii;

1 Bibɔrb Aabɔr 19:4

Le Hanunn chuu David aatuuntiib ngbaan, ki kuu bilangban lipepel libaabaa, ki gii gii baawanpeenkaan mu bikpimɔju mɔk, ki di bi lii ke bi li cha.

Ilahn 102:14

Kaah ber ki kuln pu na, saatutum beenin gee ki la; kaah gur tilangbenn pu na, bi san ki kinimbaak la.

Ilahn 78:60

U nan nyan cha Waabool li nan bi Silo aatiŋ ni ki nan ye Waadichal li ponn ni u nan koo tikaasisik ni na.

Aisaya 15:2

Dibonn yaab jon ligongoln paab ki ti wii kiwaachuk ni. Moab yaab wii Nebo ni Medeba aatim aanib pu; bi kuu biyikpir ni bilangban mpombiin pu.

Jeremia 16:6

Biwankpadam ni bigiim mɔmɔk ga kpo kitiŋ kee pu, ubaa mu aan sub bi, kaan wii baakpuul. Ubaa aan daan ubaa, kaan kuu uyikpir ki mɔk ke usui aa piin.

Jeremia 41:4

Kitaak aah woln, waahr aan ubaa nin ŋun ke bi ku Gedalia na,

Jeremia 47:5

Mpombiin sakpiin fuu ni Gasa aanib chee a, le Askelonn aanib ŋmin chii. Filistia yaab bi gur na ga wii ikpowiil ti saa bayoonn?

Jeremia 48:37

Bi mɔmɔk kuu biyikpir ni bilangban lii. Bi di njum geei ki daan biŋaal, le bi mɔmɔk pee tiwanpeenkaan ni saak kuub na.

Jeremia 7:12

Li cha man Silo aatiŋ ni, libuul li ni m nan puen lee ke ni li dooni mi nima na, ki ti lik maah ŋa nima chee, maanib Israel yaab aatunwanbir pu na.

Jeremia 7:14

Maah nan ŋa Silo pu na, m ga ŋa Maadichal li ni di naadii tii li na kina. Libuul li m di tii nimi ni niyaajatiib na, m ga ŋa li ke maah nan ŋa Silo aatiŋ pu na.

Joel 2:13

Cha nimi aasuugar mɔk nimi aapombiin, naa ye ke ni daa kar nimi aawanpeenkaan baanja.” Gir ni Nidindaan Uwumbɔr chee man. U kpa tiŋann ki ye unimbaasaln daan la; u kpa limɔr ki ŋmaa joo waah puu tipuur ti na; n‑yoonn mɔmɔk kan, u gor ki kii ke u di cha pinn binib. Waa ban ke u daa bitafal.

Ikaal 14:1

“Ni ye Nidindaan Uwumbɔr aanib la. Nima pu na, nimi aanii yaa kpo kan, ni taa di kijuk gii niwon nibaa chee, ki mu taa kuu niyigbeer pu aayikpir lii, ke ŋinibol ŋiken aah ŋani pu na.

Josua 18:1

Baah nan nyaŋ ki gaa kitiŋ ngbaan mɔmɔk doo na, le Israel yaab mɔmɔk kuun buen Silo aatiŋ ni, ki ti ŋa Uwumbɔr Aabool nima chee.

Josua 24:32

Josef aah nan kpo Ijipt aatiŋ ni, aan Israel yaab joo ni waakpab i na, bi nan di i sub Sekem aatiŋ ni, kitiŋ ki Jakob nan daa Hamor aajapɔtiib chee na. Hamor nan ye Sekem aate la. Jakob nan daa kitiŋ ngbaan tikunabr aamombil nkub la. Josef aayaabitiib le nan jin ki lifaal.

Bibɔjirb 18:31

Maika aawaal ngbaan nan bi nima chee n‑yoonn mu mɔmɔk Uwumbɔr Aabool nan bi Silo aatiŋ ni na.

Bibɔjirb 9:1

Gideonn aajapɔɔn Abimelek nan buen Sekem aatiŋ ni, una aado yaab mɔmɔk aah bi nin chee na, le ki ti tuk bi

1 Samuel 1:7

Ni nan bi kina le ŋibin mɔmɔk; n‑yoonn mumɔk bi nan ti buen Uwumbɔr Aadichal ponn ni na kan, Penina nan bii Hana aasui sakpen le u ti piin ki wii, ki yii kaan ji nibaa.