Jeremia 41:10 - Uwumbɔr aagbaŋ

¹⁰ le ki chur ubɔr aabisatiib ni binib bi mɔmɔk bi Mispa na, aan bijab aayidaan Nebusaradann nan di ŋa Gedalia aaŋaal ni na tinaagbiir. Ismael nan chur bi le ki di toŋ Amonn aapepel wɔb.

Jeremia 41:10 ပူးပေါင်းရင်းမြစ်များ

Nehemia 2:10

Le Sanbalat, u nyan ni Bef Horonn na, ni Tobia, u ye uninkpel ubaa ki bi Amonn aapepel na, ŋun ke unii ubaa dan u nan ter Israel aanib, le baaŋuul fii sakpen.

Nehemia 2:19

Le Sanbalat, ni Tobia, ni Arab aanii u bi yin u ke Gesem na aah ŋun taah bi kpokl ke ti ŋa pu na, bi nan laa timi, le ki bui ke, “Ni dak ke ni bi ŋani ba na? Ni ban ni fii sil ubɔrkpaan pu la aa?”

Jeremia 22:30

M siin ke uja wee lann waabim ki li ye uja u kaan kan tinyoor na. Waan li kpa yaabitiib bi ga nan li joo Juda aatiŋ ke Ubɔr David aah nan ye pu na. Min Uwumbɔr le len kina.”

Jeremia 38:23

Le m ki len ke, “Saapiib, ni saabim mɔmɔk ga koo Babiloŋ yaab aaŋaal ni, le sin aabaa aan ŋmar bi chee. Babiloŋ aabɔr ga chuu si tinaagbiir, le kitiŋ kimina ga wu mmii pel pel.”

Jeremia 39:6

Ribla aatiŋ ngbaan ponn ni, le Sedekia nan ka lik, le Nebukadnesar ku ujapɔtiib, ki ku waaninkpiib mu.

Jeremia 40:14

le ki nan bui u ke, “Saa nyi ke Amonn Aabɔr Baalis tun ni Ismael ke u nan ku si la aa?” Tɔ, Gedalia aa nan kii tii bi.

Jeremia 40:7

Juda aaninkpiib ni baajab bibaa aa nan di bibaa tii Babiloŋ yaab. Bi nan ŋun ke Babiloŋ aabɔr nan di Gedalia ŋa Juda aayidaan, le u joo binib bi mɔmɔk nan gur kitiŋ ngbaan ni, baa nan di bi buen Babiloŋ ni, ki ye bigiim na.