Jeremia 41:1 - Uwumbɔr aagbaŋ

¹ Libinbaal ngbaan aaŋmalole ni, le Ismael, u aate ye Netania, aan uyaaja ye Elisama, ki nyan ni libɔrdichal ni, ki ye ubɔr aaninkpiib ponn ni ubaa na, nan di bijab kipiik buen Mispa ke bi ti kan Gedalia. Baah nan ti kpaan ki ka ji tijikaar na,

Jeremia 41:1 ပူးပေါင်းရင်းမြစ်များ

2 Samuel 3:27

Abner aah fuu ni Hebronn aatiŋ ni na, le Joab di u nyan n‑gbaan, kitiŋ ngbaan aabisamɔb chee, ke waah ban u loon u chee tibɔr le na, le ki saa gbir upuul nima chee. Abner aah nan ku Joab aanaal Asahel pu na, le Joab mu ku u.

2 Bibɔrb 11:1

Ubɔr Ahasia aana Atalia aah kpaan ŋun ujapɔɔn aakun pu na, le u siin ke bi ku libɔrdichal ni aanib mɔmɔk.

2 Bibɔrb 25:22

Babiloŋ aatiŋ aabɔr Nebukadnesar nan di Ahikam aajapɔɔn Gedalia u aayaaja nan ye Safann na ŋa Juda aayidaan, le ki cha u joo Juda aanib bi mɔmɔk baa nan di bi buen Babiloŋ aatiŋ ni na.

2 Bibɔrb 25:25

Tɔ, libinbaal ngbaan aaŋmalole ni, le Netania aajapɔɔn Ismael, u aayaaja nan ye Elisama, aan u nyan ni libɔrdichal ni na, di bijab kipiik buen Mispa aatiŋ ni ki ti tak Gedalia ki ku u. U nan ku Israel yaab, ni Babiloŋ yaab bi nan bi u chee na mu.

2 Bibɔrb Aabɔr 22:10

Ubɔr Ahasia aana Atalia aah kpaan ŋun ujapɔɔn aakun pu na, le u siin ke bi ku Juda aabɔrdichal ni aanib mɔmɔk.

Ilahn 109:5

Bi joo mbiin le pa mi maaŋann pu, ki joo kinanaŋ pa mi maah gee bi pu na.

Ilahn 41:9

Hali njɔnyaan, u m tii u naadii sakpen na, aan m ni u kpaan ni ji lisambil libaa ni na, uma le fii sil m pu.

Ŋiyataŋak 13:10

Kigaak joo ni kijaak baanja la. Aa yaa ban nsurm kan, ni soor.

Ŋiyataŋak 27:4

Liŋuul aa ŋan ki ki ŋmaa bii tiwan mu, ki mu aa ŋmaa bii tiwan ki ti pii lipiipoln aah ga bii tiwan pu na.

Jeremia 36:12

Le u fii buen libɔrdichal ni ki ti koo libɔrchiln aagbaŋmeer aadiik ni, nin chee bininkpiib ngbaan mɔmɔk nan ka na. Ubɔr aagbaŋmeer Elisama, ni Semaya aajapɔɔn Delaya, ni Akbor aajapɔɔn Elnatann, ni Safann aajapɔɔn Gemaria, ni Hanania aajapɔɔn Sedekia, ni bininkpiib biken na mɔmɔk nan bi nima.

Jeremia 36:20

Bininkpiib ngbaan nan di kigbaŋ ngbaan bil ubɔr aagbaŋmeer Elisama aadiik ni, le ki buen libɔrchiln ni ki ti tuk ubɔr tibɔr ngbaan mɔmɔk.

Jeremia 39:14

nan ti nyan ni mi libɔrchiln ni. Bi nan di mi ŋa Gedalia, u aate ye Ahikam, aan uyaaja ye Safann na aaŋaal ni la, ke u li joo mi mbamɔm ti fuu linampal. Kina pu na, m nan gur koo maanib chee la.

Jeremia 40:13

Nee aapuwɔb, le Johanann ni bijab ngbaan aayidam bi kaa nan di bibaa tii Babiloŋ aajab na nan dan Mispa ni, Gedalia chee,

Jeremia 40:5

Maah kaa nan gar na, le Nebusaradann bui ke, “Gir ki li cha Ahikam, u aate ye Safann na aajapɔɔn Gedalia, u Babiloŋ aabɔr di u ŋa Juda aatim aayidaan na chee. Aa ga ti li ŋmaa koo u chee, ki li bi saanib ni. Aa yaa kaa ti ki gee kina kan, aa ga ŋmaa buen saah gee nin chee na.” U nan tii mi ipiin ni tijikaar ke m li joo cha, le ki di mi lii.

Jeremia 40:6

M nan buen Mispa aatiŋ ni, le ki ti koo Gedalia ni binib bi gur kitiŋ ngbaan pu na ni chee.

Jeremia 40:7

Juda aaninkpiib ni baajab bibaa aa nan di bibaa tii Babiloŋ yaab. Bi nan ŋun ke Babiloŋ aabɔr nan di Gedalia ŋa Juda aayidaan, le u joo binib bi mɔmɔk nan gur kitiŋ ngbaan ni, baa nan di bi buen Babiloŋ ni, ki ye bigiim na.

Jeremia 40:8

Kina pu le Natania aajapɔɔn Ismael, ni Karea aajapɔɔn Johanann, ni Tanhumef aajapɔɔn Seraya, ni Efai u nyan ni Netofa na aajapɔtiib, ni Jesania u nyan ni Maaka na di baajab buen Mispa aatiŋ ni, Gedalia chee.

Esekiel 17:13

U nan yoor ubɔr aadichal ni aanii ubaa, le ki cha bi ŋa kimɔbaan, ki cha u puu ke u ga li dii u mbamɔm. U nan chur kaanikpaam buen,

Jɔnn 13:18

“Maa len ni mɔmɔk pu. M nyi maah nyan bi na aasui ni aah bi pu na, ki nyan nimi ke ni gbiin Uwumbɔr Aagbaŋ aah len pu na ke, ‘M ni unii u kpaan ni ji lisambil ni na, uma le fii sil m pu.’