Jeremia 40:8 - Uwumbɔr aagbaŋ

⁸ Kina pu le Natania aajapɔɔn Ismael, ni Karea aajapɔɔn Johanann, ni Tanhumef aajapɔɔn Seraya, ni Efai u nyan ni Netofa na aajapɔtiib, ni Jesania u nyan ni Maaka na di baajab buen Mispa aatiŋ ni, Gedalia chee.

Jeremia 40:8 ပူးပေါင်းရင်းမြစ်များ

2 Samuel 10:6

Amonn yaab nan bee ke bi ŋa David baadin, le bi buen Siria ki ti ban bijab ŋichur moninko, Bef Rehob ni Soba aatim ni, ki ban ŋichur kipiik ni ŋilee Tob aatiŋ ni, le ki ban Maaka aabɔr ni waajab lichur, ke bi ti jan tii bi aan bi pa bi.

2 Samuel 10:8

Amonn yaab nan nyan ki ti lul sil baatiyil Raba aabisamɔb, le bijab bi gur ki ye Siria aajab, ni bijab bi nyan ni Tob, ni Maaka na mu lul sil mpaan pu.

2 Bibɔrb 25:23

Juda aaninkpiib ni baajab bi kaa nan di bibaa tii Babiloŋ yaab na aah ŋun kina na, le bi buen Gedalia chee Mispa aatiŋ ni. Bininkpiib ngbaan le nan ye Netania aajapɔɔn Ismael, ni Karea aajapɔɔn Johanann, ni Tanhumef u nyan ni Netofa aatiŋ ni na aajapɔɔn Seraya, ni Maaka aatiŋ aanii Jesania.

2 Bibɔrb 25:25

Tɔ, libinbaal ngbaan aaŋmalole ni, le Netania aajapɔɔn Ismael, u aayaaja nan ye Elisama, aan u nyan ni libɔrdichal ni na, di bijab kipiik buen Mispa aatiŋ ni ki ti tak Gedalia ki ku u. U nan ku Israel yaab, ni Babiloŋ yaab bi nan bi u chee na mu.

1 Bibɔrb Aabɔr 2:48

Kaleb nan ki kpa unaagbiipii uken, le bi yin u ke Maaka. U nan ma u chee mbijabim mulee la. Bima le ye Seber ni Tirana.

1 Bibɔrb Aabɔr 2:54

Salma, u nan naan Betlehem aatiŋ na, le nan ye Netofaf aanib, ni Atrof Bef Joab, ni Sor aanib aayaaja. Sor aanib nan ye Manahaf aatiŋ aataŋaal ilee na ponn ni mubaa la.

Esra 2:2

Binib bi nan ye baasalolm na le nan ye Serubabel, ni Josua, ni Nehemia, ni Seraya, ni Reelaya, ni Modekai, ni Bilsann, ni Mispar, ni Bigfai, ni Rehum, ni Baana.

Nehemia 7:26

Binib bi aayaajatiib nan koo ntim mue ponn ni na mu nan gir ni: Betlehem ni Netofa aatim ponn ni—binib nkub ni imonko inaa ni biniin; Anatof aatiŋ ponn ni—binib nkub ni moninko ni biniin; Bef Asmafef aatiŋ ponn ni—binib imonko ilee ni bilee; Kiriaf Jearim, ni Kefira, ni Beerof aatim ponn ni—binib ikui ilole ni imonko ilee ni bitaa; Rama ni Geba aatim ponn ni—binib ikui iloob ni moninko ni ubaa; Mikmas aatiŋ ponn ni—binib nkub ni moninko ni bilee; Betel ni Ai aatim ponn ni—binib nkub ni moninko ni bitaa; Nebo aatiŋ kiken na ponn ni—binib piiŋmu ni bilee; Elam aatiŋ kiken na ponn ni—binib lichur ni ikui ilee ni piiŋmu ni binaa; Harim aatiŋ ponn ni—binib ikui itaa ni moninko; Jeriko aatiŋ ponn ni—binib ikui itaa ni imonko ilee ni biŋmu; Lod, ni Hadid, ni Ono aatim ponn ni—binib ikui ilole ni moninko ni ubaa; Senaa aatiŋ ponn ni—binib ŋichur ŋitaa ni ikui iwae ni piitaa.

Jeremia 37:15

Bisui nan fii m pu, le bi bui ke bi gbaa mi, ki di mi ti laŋ Jonatann do. U nan ye ubɔr aagbaŋmeer la, le bi nan di udo ŋa tiyondir.

Jeremia 37:20

Tɔ, mpɔɔndaan, m gaŋ si ke aa ŋun tii mi ki ŋa maah tuk si pu na. M gaŋ si ke aa taa ki giin mi kiyondiik ki bi Jonatann do na ni. Aa yaa yii kan, ni ye mbamɔn le ke m ga ti kpo nima.”

Jeremia 38:26

Bui bi ke aa bi gaŋni mi ke m taa di si giin kiyondiik ni aan aa ti kpo nima la.”

Jeremia 40:11

N‑yoonn mue na, Israel yaab bi mɔmɔk bi Moab ni Amonn, ni Edom, ni ntim muken ni na, ŋun ke Babiloŋ aabɔr kii ke Israel yaab bibaa li beenin koo Juda ni, ki di Gedalia ŋa baayidaan.

Jeremia 40:13

Nee aapuwɔb, le Johanann ni bijab ngbaan aayidam bi kaa nan di bibaa tii Babiloŋ aajab na nan dan Mispa ni, Gedalia chee,

Jeremia 40:14

le ki nan bui u ke, “Saa nyi ke Amonn Aabɔr Baalis tun ni Ismael ke u nan ku si la aa?” Tɔ, Gedalia aa nan kii tii bi.

Jeremia 40:15

Le Johanann loon bui u ke, “Cha m buen ki ti ku Ismael aan ubaa taa li nyi unii u ku u na. Taa cha u kan nsan ki ku si. Kina ngbaan ga cha Juu yaab bi dan aa chee na yaa, le ki ga ŋmaa joo ni tibɔbir binib bi mɔmɔk gur Juda do na pu.”

Jeremia 40:6

M nan buen Mispa aatiŋ ni, le ki ti koo Gedalia ni binib bi gur kitiŋ ngbaan pu na ni chee.

Jeremia 41:1

Libinbaal ngbaan aaŋmalole ni, le Ismael, u aate ye Netania, aan uyaaja ye Elisama, ki nyan ni libɔrdichal ni, ki ye ubɔr aaninkpiib ponn ni ubaa na, nan di bijab kipiik buen Mispa ke bi ti kan Gedalia. Baah nan ti kpaan ki ka ji tijikaar na,

Jeremia 41:11

Johanann ni bijab aayidam mɔmɔk nan ŋun Ismael aah bii libiil li na.

Jeremia 41:2

le Ismael ni waajab kipiik na daa nyan baajaak aajum ki ku Gedalia.

Jeremia 42:1

Bijab aasalolm mɔmɔk, ki di kpee Karea aajapɔɔn Johanann, ni Hosaya aajapɔɔn Asaria pu, ni binib mɔmɔk aabɔŋ nan dan m chee,

Jeremia 42:8

le m kuun Johanann, ni bijab bi bi u chee na aasalolm mɔmɔk, ni binib biken mɔmɔk.

Jeremia 43:2

Le Hosaya aajapɔɔn Asaria, ni Karea aajapɔɔn Johanann, ni bigaadam biken na mɔmɔk bui mi ke, “Tidindaan Uwumbɔr aa tun ni si ke aa nan tuk timi ke ti taa buen Ijipt aatiŋ ni ki ti li koo nima. Aa gii la.

Jeremia 43:5

Le Johanann ni bijab aaninkpiib ngbaan mɔmɔk yoor unii umɔk gur Juda aatiŋ pu na buen Ijipt aatiŋ ni; bi nan di binib bi nyan ni baah nan yaa ki bi ŋitimbol ŋi ponn ni ki gir ni na mu buen:

Ikaal 3:14

Le Jair, u nan ye Manase aanibol ni aanii na, nan gaa Agob aapepel mɔmɔk. Bi ki yin nima ke Basann, le waanaanmɔk nan di ti ker Gesur ni Maaka aatim mɔk. U nan di waayimbil le yin ntimbim ngbaan, le bi beenin yin mu ke Jair aatim ki nan saa din.

Josua 12:5

Waanaan ngbaan le nan ki joo Hemonn Aajool, ni Saleka aatiŋ, ni Basann aatim mu, ki yoor kina ki ti ker Gesur ni Maaka aatim mɔk, ni Gilead aapepel ligeln, ki ti saa Hesbonn aabɔr Sihonn aapepel.