Jeremia 4:8 - Uwumbɔr aagbaŋ

⁸ Kina pu na, di tiwanpeenkaan ni saak kuub na peen, ki li wii ki kaani, Uwumbɔr aaŋuusakpeln aah kaan fenn cha Juda pu na pu.

Jeremia 4:8 ပူးပေါင်းရင်းမြစ်များ

Ilahn 78:49

Waaŋuusakpeln ponn ni le u nan cha nkun aatuuntiib dan ki nan bii bi pam.

Aisaya 10:4

Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 22:12

Nidindaan Uwumbɔr Mpɔɔnsakpiindaan, nan bi yin nimi ke ni nan wii, ki wii ikpowiil, ki kuu niyil, ki peen tiwan ni saak kuub na aawanpeenkaan.

Aisaya 32:11

Ni po bi nibaa pu la, kaa kpa ilandak ibaa; dandana ma kan, cha niwon li gbaa ijawaan pu. Gbabr nimi aakeken mee man, ki ban tiwankpir di gbin nichaŋ ni.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 9:12

Siria yaab ga nyan ni liwipuul wɔb, le Filistia yaab mu nyan ni liwilir wɔb, ki waa bimɔi ki ban bi. Nimina aapuwɔb na, Uwumbɔr aaŋuul aan kee sɔŋ; u beenin ban ke u daa bitafal.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Aisaya 9:21

Manase aanib ni Efraim aanib ga to tɔb butɔb, le ki ki gir kpaan ki to Juda yaab butɔb. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 25:34

Nimi biyidam, li wii man, nimi maanib aayidam, wii mpɔɔn pu man. Li wii ikpowiil ki bilni titan ni man. N‑yoonn mu bi ga ku nimi na fuu ni a, bi ga kɔr nimi ke ipihja na, le ŋinikpol ga yaa ni kookoo.

Jeremia 48:20

Bi ga gar ke, ‘Moab aatiŋ lir a, ki jin inimɔɔn a; li wii ki pu man. Moon Anonn Aamɔɔgban ke Moab aatiŋ ber a.’

Jeremia 6:26

Le Uwumbɔr bui waanib ke, “Di tiwanpeenkaan ni saak kuub na peen, ki di nfatan pɔŋ nibaa. Li wii ikpowiil ke lijapɔnbaal aah kpo kan, bi wii pu na; ba pu? unii u choo u nan bii doo nimi na ga fuu ni n‑yoonn mu naa dak u pu na la.

Inandalahn 1:12

Unii umɔk jer na kan, ki wii le ki len ke, “Lik maah bi pu na. Ubaa aa kee kan iween i aaboln m kan na, Uwumbɔr aaŋuul yoonn le u di kina aaween tii ni mi.

Esekiel 21:12

Unibɔn, wii mpɔɔn pu; Kijaak aajuk kimina ga ku maanib Israel yaab aasalolm mɔmɔk la. Ki ga ku maanib ni baasalolm mɔmɔk. Li gbaa aabiŋ mpombiin pu.

Esekiel 30:2

“Unibɔn, nabr ki moon min Dindaan Uwumbɔr aah len pu na. Aa teen ŋimɔbon ŋimina mpɔɔn pu ke: Ijawasakpiin aawiin mubaa choo,

Joel 1:13

Nimi bitotoorb bi dooni Uwumbɔr waatork aabimbiln taab na, peen tiwan ni saak kuub na ki li wii man. Li cha Uwumbɔr Aadichal ni ki ti li wii ikpowiil, ki taa geen man. Njikaabim ni ndaan aa bi ni di toor kitork tii nimi Aawumbɔr.

Amos 8:10

M ga kpeln nimi aajim aayoonn ŋa ŋikpuu, ki kpeln nimi aamɔɔn aalahn ŋa inimbaalahn. M ga cha ni kuu nimi aayikpir ki peen tiwan ni saak kuub na, aan ki cha ni li naahn libibaal li kpo na aate ni una aah wii waakpuul pu na. Nwiin ngbaan daal ga li cho kina le ki ti saa mu aadoon.

Maika 1:16

Juda aanib, kuu nimi aayikpir man ki li wii naah gee nimi aabim bi na pu. Kuu ŋiyikun ke nangba tiib na man, ba pu? bi ga di nimi aabim buen kitiyayaŋ ni ki cha nimi.

Nkahm 25:4

le ki bui Moses ke, “Chuu Israel yaab aayidam mɔmɔk, aan ki ku bi nwiin pu, nnimbiin ni, le maan ki gee liŋuul binib ngbaan pu.”