Jeremia 4:7 - Uwumbɔr aagbaŋ

⁷ Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Jeremia 4:7 ပူးပေါင်းရင်းမြစ်များ

2 Bibɔrb 24:1

Jehoyakim aah nan ye ubɔr na, le Babiloŋ aatiŋ aabɔr Nebukadnesar nan koo ni Juda aatiŋ ni, le ki muk Jehoyakim u bi u taab ki ti saa ŋibin ŋitaa; nee aapuwɔb le u nyan upuwɔb.

2 Bibɔrb 25:1

Sedekia nan nyan Ubɔr Nebukadnesar aapuwɔb, kina pu na, Sedekia aanaan aabiwawaer ponn ni aaŋmapiik aawiin kipiik daal le Nebukadnesar ni waajab mɔmɔk dan nan tak Jerusalem aatiŋ. Bi nan ti kuun kal kitiŋ ngbaan aagbaan, le ki maa ŋibimbin tam tam kaagon ti mann to,

Aisaya 1:7

Nimi aatiŋ kuln a, le mmii wun nimi aatim mɔmɔk. Le ni si lik le biwɔwɔm gaa nimi aakpaakon mɔmɔk, ki gaa nimi aajikaar.

Aisaya 5:9

M ŋun Uwumbɔr Mpɔɔnsakpiindaan len ke, “Ŋidichanyaan sakpiin ŋimina mɔmɔk ga kpaln ŋidichakuun ki lir.”

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Jeremia 2:15

Bi ŋuuni bi pu ke ichinn na la; bi cha baatiŋ kpaln nteersakpiin, le baatim kpaln tilangbenn, ubaa aa ki bi mu ponn ni.

Jeremia 22:6

“M chee kan, Juda aanaan aadichal ŋan ke Gilead aatiŋ, ni Lebanonn aajoo na la; le m ga ŋa li nin chee ubaa aan ŋmaa koo na.

Jeremia 22:7

M ban m tun ni bijab aan bi nan kuln li. Bi mɔmɔk ga joo ni baachɔm, ki nan gaa geei laagonyaan ŋi bi di santina aadɔ ŋa ŋi na lii, ki di i mee ŋa mmii ni.

Jeremia 25:38

Uwumbɔr siir cha waanib ke uchinn aah siir cha waatakpaluŋ pu na la. Butɔb aajawaan, ni Uwumbɔr aaŋuusakpeln cha kitiŋ ngbaan kpaln nteersakpiin a.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 26:9

Ba ŋa aa di Uwumbɔr aayimbil len ke Waadichal lee ga bii ke Silo na, aan kitiŋ kimina mu ga kuln, ubaa taa ki li koo nima?” Binib ngbaan nan mann goln mi.

Jeremia 27:8

“Litimbol, bee nnaan mubaa yaa kaa kii tii u kan, m ga di butɔb, ni nkon, ni iween daa litafal ki ti saa buyoonn m ga cha Nebukadnesar kuln li pel pel na.

Jeremia 33:10

Uwumbɔr bui ke, “Binib len le ke do chee na bi ke nteersakpiin ni na la, ke binib ni tiwakor aa koo nima. Ni mu sil ye mbamɔn; Juda aatim ni Jerusalem aatiŋ ponn ni ye nkuun la; binib ni tiwakor aa bi nima. Tɔ, ntim ngbaan ni, le ni ga ki ŋun mpopiin,

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 4:29

Binib mɔmɔk yaa nan ŋun bitandam ni bipindam pu kan, bi ga san. Bibaa ga san buen kichook ni, biken mu ga jon ŋijootakpal ni. Ntim mɔmɔk ponn ni ga li ye nkuun la, le ubaa aan ki koo mu ni.

Jeremia 44:2

Uwumbɔr Mpɔɔnsakpiindaan, u ye Israel yaab Aawumbɔr na bui ke, “Nimi nibaa nan kan tibɔbir ti m nan cha ti dan Jerusalem ni Juda aatim muken mɔmɔk pu pu na. Ki nan saa din wee, mu beenin ye tilangbenn, le unii ubaa aa bi mu ponn ni; ba pu?

Jeremia 46:18

Min Uwumbɔr Mpɔɔnsakpiindaan le ye ubɔr. Min le ye Uwumbɔr u bi n‑yoonn mɔmɔk na. Unii u ga tak si na ga li kpa mpɔɔn ke Tabor Aajool aah paa jer ŋijoo mɔmɔk pu, ki mu ga li kpa mpɔɔn ke Kamel Aajool aah paa jer nnyusakpem pu na la.

Jeremia 49:19

M ga dan ki nan cha Edom yaab san libuul ni ki nya baatiŋ ni, ke uchinn le aah nyan ni kichook ni ki di bɔ dii Jɔɔdann aagbaan pu ki nan nya timosɔnn ni pu na la, le maah lee usaloln u na ga li joo litimbol ngbaan. M ni ubaa aa ŋak. Ubaa aan ŋmaa kpak mi. Utinjoor ubaa aan ŋmaa kpak mi.

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Jeremia 50:44

“Min Uwumbɔr ga dan ki nan cha Babiloŋ yaab san libuul ni, ki nyan baatiŋ ni, ke uchinn aah nyan ni kichook ni, ki di bɔ dii Jɔɔdann aagbaan pu, ki nan nya timosɔnn ni pu na la. Maah ga lee usaloln u na le ga li joo litimbol ngbaan. M ni ubaa aa ŋak. Ubaa aan kaa ke u kpak mi. Utinjoor ubaa aan ŋmaa kpak mi.

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Esekiel 12:20

Ntim mu ponn ni gbii binib dandana na ga kuln, le litingbaln ngbaan ga kpaln kipɔɔkuun. N‑yoonn ngbaan le bi ga bee ke min le ye Uwumbɔr.”

Esekiel 21:31

M yaa fenn maaŋuul lii ni pu ke mmii mu wu sakpen na kan, le ni ga kan maaŋuul aah pɔɔ pu na; le m ga di nimi tii bibiindam bi nyi baah ga kuln binib pu na.

Esekiel 32:2

ki bui ke, “Unibɔn, di nsakm kpaan tii Ijipt aabɔr. Di maanaŋ imina tii u: Aa ŋani ke saah ye uchinn na le ŋitimbol ŋiken chee, ki mu tee naahn unyiib u yuk lir limɔɔl ni na. Aa joo aataa gbir nnyun ki bii ŋimɔɔ aanyun.

Daniel 5:19

Waah nan kpa mpɔɔn sakpen pu na, ŋitimbol mɔmɔk, ni ŋinibol mɔmɔk, ni iliin mɔmɔk aanib nan san u ijawaan ki jii unimbiin ni. U yaa nan ban u ku unii u na kan, u ŋani kina la; le u yaa ban unii li kpa limɔfal kan, u cha u bi la. U nan nyuŋni ki jinni binib inimɔɔn waah gee pu na la.

Daniel 7:4

Njan yoo nan naahn uchinn, le ki tee kpa likaagiil aafeen. Maah si lik kina na, le m kan ke ifeen na chuu bar nyan lir kitiŋ. Le bi chuu fiin upeel ngbaan siin utaajal ŋilee pu ke unibɔn na, le ki di unibɔn aalandak tii u.

Liifai Yaab 26:31

M ga bii nimi aatim doo, ki bii nin chee ni dooni ŋiwaa na, kaan gaa nimi aatork.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.