Jeremia 4:6 - Uwumbɔr aagbaŋ

⁶ Mɔk Sionn aatiŋ aasan man. Li san ban nimi aamɔfal man. Taa taan man. Uwumbɔr nyan ni ŋŋangan wɔb ki joo libiil choo.

Jeremia 4:6 ပူးပေါင်းရင်းမြစ်များ

Aisaya 62:10

Jerusalem aanib, nya kitiŋ ngbaan ni man, ki naan nsan kiir nimi aanib bi gir choo kun ni na. Naan nsan mu waa na man; nyan ŋitakpal mɔmɔk man, ki siin limɔkl aan ŋitimbol mɔmɔk bee ke

Jeremia 10:22

Li pel man. Tibɔchann fuu ni a. Kinikpakpak sakpeŋ fii ŋŋangan wɔb aatimbol ni; laajab ga cha Juda aatim mɔmɔk kpaln nteersakpiin nin chee ikakal koo na.”

Jeremia 18:11

Tɔ, bui Juda ni Jerusalem aanib ke m bi kpokl bi pu la, le ki gor ke m daa bitafal. Bui bi ke bi di cha titunwanbir aabimbin, ki kpeln baabimbin, ni tiwan ni bi ŋani na.

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Jeremia 22:7

M ban m tun ni bijab aan bi nan kuln li. Bi mɔmɔk ga joo ni baachɔm, ki nan gaa geei laagonyaan ŋi bi di santina aadɔ ŋa ŋi na lii, ki di i mee ŋa mmii ni.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 4:21

M ga li ŋun butɔb aafuuk pu ki ti saa bayoonn, ki li ŋun ikpiin aawiil pu kina ki cha?

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Jeremia 50:22

Bi ŋun butɔb aafuuk pu kitiŋ ngbaan pu, le libiil sakpeln bi.

Jeremia 51:12

Tii limɔkl ke ni ban ni ti tak Babiloŋ aagon la. Moo ban bijab kiir man. Kaan bikikiib. Ban bijab bi ga ti loon na man.” Uwumbɔr ŋa Babiloŋ aanib waah len ke u ga ŋa bi pu na.

Jeremia 51:27

“Tii limɔkl ke bi ti tak. Pii ukpiin ki cha ŋitimbol ŋun. Gor ŋitimbol ngbaan ke ŋi ti to Babiloŋ butɔb. Bui Ararat, ni Minni, ni Askenas aanaan ni yaab ke bi ti tak. Ban uninkpel u ga loln bi pu nsan na. Cha itaan dan ke kitoonpaak na.

Jeremia 51:54

Uwumbɔr bui ke, “Li pel man iwiil aafuuk pu Babiloŋ ni, li pel man libiil aakpowiil pu kitiŋ ngbaan pu.

Jeremia 6:1

Benjaminn aanib, li san ban ŋŋmarm man. San nya Jerusalem ni man. Pii ukpiin Tekoa aatiŋ ni, ki tuur limɔkl aamii Bef Hakerem aatiŋ ni man. Tibɔbir ni libiil ban ni nya ni ŋŋangan wɔb ki dan la.

Jeremia 6:22

Uwumbɔr len ke, “Bijab nyan ni ŋŋangan wɔb aatiŋ ni ki choo; litimbol ngbaan pɔɔ sakpen le ki gor kii butɔb.

Esekiel 9:1

M nan ŋun Uwumbɔr teen mpɔɔn pu ke, “Nimi bijab bi ga daa kitiŋ ngbaan aatafal na, dan do man. Li joo ni nimi aajawan man.”

Esekiel 9:2

Libuul ngbaan ni le bijab biloob nyan ni Uwumbɔr Aadichal aapaal aabisamɔb mu bi ŋŋangan wɔb na ni, ubaa mɔk joo tijawan. Uja ubaa nan pee ŋitanyaan aawanpeenkaan ki ŋmal bi ni, ki joo tiwan ni u ga di ŋmee na. Bi mɔmɔk nan dan, le ki nan sil tikumann aatork aabimbiln na chee.

Sefania 1:10

Uwumbɔr ki bui ke, “Liyaadaal ngbaan kan, ni ga ŋun iwiil pu Ujan Aabisamɔb chee, Jerusalem aatiŋ ni. Ni ga ŋun ikpowiil pu baah laa maa tidipɔnn kitiŋ ngbaan ponn ni nin chee na, ki ŋun ŋidichal aah lir pu na aafuuk ŋigongon paab.

Sekaria 6:6

Tɔroku u itanbɔn dar na cha ŋŋangan wɔb Babiloŋ aatiŋ ni la, le itapiin yoo na cha liwilir wɔb, le itachachal yoo na cha kitiŋ ki bi ŋŋangii wɔb na ni.”