Jeremia 4:4 - Uwumbɔr aagbaŋ

⁴ Li joo man tipuur ti ni nan puu tii mi Uwumbɔr na. Nimi Juda ni Jerusalem aanib, di nibaa tii mi man. Ni yaa kaa ye kina kan, maaŋuul ga fii ke mmii na, titunwanbir ti ni tun na pu. Li ga fii, le ubaa aan li bi ki sɔŋ li.”

Jeremia 4:4 ပူးပေါင်းရင်းမြစ်များ

2 Bibɔrb Aabɔr 34:25

Bi yii mi le ki dooni ŋiwaa, li ki di baah tun pu na mɔmɔk fiin maaŋuul. Maaŋuul fii Jerusalem aanib pu, kaan sɔŋ.

Aisaya 10:17

Uwumbɔr u ye Israel yaab aawiihn na ga kpaln mmii. Israel yaab Aawumbɔr u bi chain na ga kpaln mmiigaal mu ga di nwiin mubaa baanja ki di wu tiwan mɔmɔk doo na, hali ikokon ni ŋinaabukar mɔmɔk ga wu.

Aisaya 30:33

N‑yoonn mu jer na, bi nan puen toor libuul li ponn ni bi ga nan di Asiria aabɔrkpaan ngbaan see mmiisakpiin ni na. Li nyoo le ki waa, le bi pii idɔ ti gbiin li; le Uwumbɔr ga fuur mmiigaal mu ti gaa u ni idɔ ngbaan li ponn ni.

Aisaya 51:17

Fii sil, Jerusalem yaab, fii sil man. Nyal ki fii sil man paacham. Ni jin ntafadaan aafalaa u Uwumbɔr gee liŋuul ki tii nimi ke ni ji na; ni jin falaa ngbaan, le u cha ni chuun gbeer.

Jeremia 15:14

M ga cha bi ti li tun lituln tii bidim, kitiŋ ki pu baa nyi kaabɔr kpala na, ba pu? maaŋuul naahn mmii la, le ki ga wu kaan junn.”

Jeremia 21:5

M ga di maapɔɔn mɔmɔk, ni maaŋuusakpeln na mɔmɔk jan si kijaak.

Jeremia 23:19

Waaŋuul ye kitaabuŋ la, li ye libupɔɔl li ga daa bibiindam aayil pu,

Jeremia 36:7

Nibaakan bi ga mee Uwumbɔr ki fenn bipuwɔb tii baatunwanbir, ba pu? Uwumbɔr aaŋuusakpeln ni, le u puu ke u ga daa bitafal pam.”

Jeremia 44:22

Din wee na, nimi aatiŋ dɔ nkuun, le ubaa aa bi ki pu. Binib gur san ki ijawaan la, le Uwumbɔr aah kaa nan ki ŋmaa gaa nimi aabiin ni titunwanbir pu na, le binib gur joo kaayimbil puuni lir biken pu.

Jeremia 9:25

Uwumbɔr nan ki bui ke, “N‑yoonn choo, le m ga nan daa Ijipt, ni Juda, ni Edom, ni Amonn, ni Moab, ni nteersakpiin ni aanib bi chee biyigbeer pu aayikpir na aatafal. Ba pu? Bi kaa ye Juda aanib binib bimina ponn ni na gii ŋichakpan, le kaa dii mi. Juda aanib ma kan, bi gii ŋichakpan, kaa tee joo lichakpangeei aakaal aah mɔk pu na.”

Inandalahn 4:11

Uwumbɔr nan buur waaŋuusakpeln lii; U nan tuur mmii Sionn aatiŋ ponn ni le mu wun ki pel pel.

Esekiel 16:38

M ga di kidagook ni linikul le mɔk saabɔr aah bii pu na, le maaŋuul li fii ki pɔɔ na ni, m di nkun daa aatafal.

Esekiel 18:31

Di cha titunwanbir ti mɔmɔk ni tun na man, ki ban isuupɔɔn, ni ilandak pɔɔn tii nibaa. Ba ŋa nimi Israel yaab ban ke ni kpo?

Esekiel 20:33

“Maah ye Nidindaan Uwumbɔr ki bi n‑yoonn mɔmɔk na, m sak nimi ke maaŋuul ponn ni, m ga di maapɔɔn joo nimi, aan ni li pɔɔ ni pu.

Esekiel 21:17

M mu ga kpaar ŋŋaal, le maaŋuul ga sɔŋ. Min Uwumbɔr le len kina.”

Esekiel 24:13

Jerusalem, saaninsuŋ aatuln le bii si. M pɔɔn mbaa ke m ŋa si chain, le aa beenin kpa tijɔŋ. Saan ki li bi chain, see aa ti kan maaŋuul aah pɔɔ pu na.

Esekiel 24:8

M di cha nsin ngbaan nin chee mu aan ŋmaa bɔr na, nima chee le mu dɔ ki joo liŋuul ban mu teen lipɔln.”

Esekiel 44:7

Buyoonn bi bi joo kitork aawakor aakpan ni nsin tii mi na, le bi cha biwɔwɔm bi kaa gii ŋichakpan ki ye binib bi kaa kii maamɔb na koo ni Maadichal ni ki bii li. Kina le maanib ŋani tiwan ni sukr ponn ni na ki yii maah puu tipuur ti na tii bi.

Esekiel 6:12

Binib bi bi dandar na ga buŋ le ki kpo; le binib bi bi duun na ga kpo butɔb ni; le bi gur na ga kpo nkon pu. Bi ga kan maaŋuul aah pɔɔ pu na mɔmɔk.

Esekiel 8:18

Bi ga kan maaŋuul aah pɔɔ pu na mɔmɔk. Maan san bi kinimbaak, kaan di cha pinn bi mu. Bi ga li tar mpɔɔn pu sakpen ki mee mi limeel, le maan gar bi.”

Liifai Yaab 26:28

min mbaa le ga lir ni pu, ki ki daa nitafal ki kpee nfum mulole pu mu ga li bir ki jer njan yaan na.

Liifai Yaab 26:41

ki cha m fenn daa bitafal, aan ki cha baadim chur bi buen baatim ni tinaagbiir ni na. Aayaabitiib yaa nan sunn bibaa taab, ki kan baah bii pu na aatafadaan kan,

Amos 5:6

Li cha man Uwumbɔr chee ki ti kan limɔfal. Ni yaa kaa ŋa kina kan, u ga dan Israel yaab pu ke kimosakpeŋ aamii na la. Mmii ngbaan ga wu Betel yaab, le ubaa aan ŋmaa junn mu.

Sefania 2:2

waahr aan ki nin kuur ki kpo ke mmopuun na, waahr aan Uwumbɔr nin mɔk waaŋuul li wu ke mmii na aawiin nin fuu ni aa chee.

Rom Yaab 2:25

Tɔ, aa yaa joo Moses aakaal kan, lichakpangeei kpa tinyoor. Aa mu yaa gii lichakpaln ki bii Moses aakaal kan, ni mɔk ke saa gii le na.

Ikaal 10:16

Nima pu na, n‑yoonn mue ki joo cha, ni kii Uwumbɔr aamɔb, ki di cha nimi aatafalaaŋun ngbaan.

Ikaal 30:6

Nidindaan Uwumbɔr ga tii nimi ni niyaabitiib nsui mu kpa limɔkiir na, nima kan, ni ga li gee u nisui ni mbamɔm, ki li bi kitiŋ ngbaan ni.

Ikaal 32:22

Maaŋuul ga fii bi pu ke mmiigaal na ki wu tiwan nimɔk bi dulnyaa wee ni na. Mu ga gaa ki ti pii kitekpiitiŋ ni, le ki wu ŋijoo aataab pel pel.

Kolosiya 2:11

Naah kpaan Kristo ni na, le ni bi ke binib bi gii ŋichakpan na; ni mu aa ye ŋichakpan le ni gii, ni ye nimi aabimbikpok le ni gii lii. Ni ye Kristo aah gii pu na la.