Jeremia 4:31 - Uwumbɔr aagbaŋ

³¹ M ŋun iwiil pu ke upii u ban u maa na aah wii pu na, iwiil i bi ke upii u ban u maa waajan aabo na aawiil. Jerusalem aanib aawiil le bi na, bi pɔɔni bibaa ke bi fuur la, ki taln biŋaal ki wii ke, “Timi aamɔfal junn a. Bi choo bi nan ku timi la.”

Jeremia 4:31 ပူးပေါင်းရင်းမြစ်များ

Mpiin 27:46

Le Rebeka bui uchal Aisak ke, “Esɔ aapuutiib aabimbin aah bi pu na muk mi sakpen, ki cha naa mɔ mi n‑yoonn mɔmɔk. Jakob mu yaa ki yoor Hef yaab aapiibo ubaa kan, naan ki li mɔ kpala.”

Job Aagbaŋ 10:1

M nuur limɔfal lee. Pel maapombiin aabɔr.

Ilahn 120:5

Ni chee aakookoon aa ŋan ke unii u koo Mesek ni, kaa ŋan ke unii u koo Kedar aanib chee na la.

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Aisaya 13:8

Ijawaan ga chuu bi mɔmɔk, le iween nyaŋ bi, ke imalween aah nyaŋni upudaan pu na. Bi ga li lik tɔb ki san ijawaan la, le inimɔɔn ga ku bi.

Aisaya 21:3

Maah kan ki ŋun tibɔr ti tibɔkpiirkaan ngbaan ponn ni na tii mi ijawaan ni iween, iween i wu ke imalween na.

Aisaya 26:17

Sin Uwumbɔr, aa cha ti wii mpɔɔn pu, ke imalween aah joo upii kan, u wii pu na.

Aisaya 42:14

Uwumbɔr bui ke, “Ni yunn pam maa gar tibɔr; maa nan gar maanib, le dandana, n‑yoonn fuu ni ke m fii sil; m wii ke imalween aah joo upii kan, u wii pu na.

Aisaya 6:5

Le m bui ke, “Maabɔr doo a. Maamɔfal junn le na; ba pu? tibɔr timɔk nyani mmɔb ponn ni na ye titunwanbir aabɔr la, le maah bi binib bi ponn ni na mu aabɔr ye titunwanbir la. Le nimina mɔmɔk aapuwɔb, m kan Ubɔrkpaan ngbaan, Uwumbɔr Mpɔɔnsakpiindaan.”

Jeremia 10:19

Jerusalem aanib le wii ke, “Ti kan titotonn sakpen a, timi aabuun aan yann. Le ti nan dak ke tiwan ngbaan ye tiwan ni ti ga ŋman na la.

Jeremia 13:21

Binib bi aa nan dak ke bi ye aajɔtiib na yaa nan nyaŋ si ki joo si kan, aa ga len kinye? Aa ga nan li bi iween ni, ke upii u ban u maa na la.

Jeremia 14:18

M yaa nyan buen timoor ni kan, m kani binib bi bi ku bi butɔb ni na la; m yaa buen ntim ni kan, m kani nkon aah ku binib bi na la. Uwumbɔr aabɔnabtiib ni bitotoorb chuun tun baatun, le kaa tee nyi baah bi ŋani pu na.”

Jeremia 15:18

Maan li ŋmaa bi ji falaa kina ki cha. Ba ŋa maabuun aa ŋmaa yann? Ba ŋa yaa ŋmaa yann? Aa ban ke aa jinn mi inimɔɔn ke nkpen mu foor kitakuuk na la aa?”

Jeremia 18:21

Tɔ, Uwumbɔr, cha nkon ku baabim; cha bi kpoi butɔb ni. Cha baapiib lann bichatiib ni baabim; cha iween ku bijab, aan baanachipɔm mu kpoi butɔb ni.

Jeremia 22:23

Ni kaa santina bi bi joo ni bi nyan ni Lebanonn aatiŋ ni na ponn ni le ki fuur; tɔ, iween i wu ke upii aamalween na yaa nan pii nimi kan, le ni ga ŋa kinimbaak aanib.

Jeremia 30:6

Tɔ, sil man ki dakl lik. Uja ga ŋmaa maa ubo oo? Tɔ, ni ŋa kinye aan m waa uja mɔmɔk bub joo upuul ke upii u ban u maa na? Ba ŋa unii mɔk naahn ubun kina?

Jeremia 45:2

Le m bui u ke Uwumbɔr, u ye Israel yaab Aawumbɔr na bui ke,

Jeremia 48:41

le ki nyaŋ kaatim, ni ntim mu bi maa ŋigon gob mu na. Liyaadaal ngbaan kan, Moab aajab ga san ijawaan ke imalween aah joo upii u na.

Jeremia 49:22

Bidim ga boon ni ke likaagiil na le ki nan tak Bosra aatiŋ. Liyaadaal ngbaan kan, Edom aajab ga san ijawaan ke upii u imalween joo u na la.”

Jeremia 49:24

Damaskus aanib aawon yɔl le ijawaan cha bi san. Iween ni falaa joo bi ke imalween aah joo upii pu na la.

Jeremia 50:43

Babiloŋ aabɔr aah ŋun tibɔr ngbaan na, uwon yɔl le uŋaal gur jɔn kaakaan. Ijawaan sakpiin chuu u, le ki wu ke upii aamalween na.

Jeremia 6:2

Jerusalem aatiŋ ŋan, le ki mu bii a;

Inandalahn 1:17

M taln ŋŋaal le ubaa aan ter mi. Uwumbɔr yin bidim bi nyan ŋipepel mɔmɔk na nan lii m pu. Le bi ŋani mi ke maah ye tijɔŋ aawan nibaa le na.

Inandalahn 1:20

Uwumbɔr, lik maah bi ntoton mu ponn ni na. Maatunwanbir bii nsui mɔmɔk doo. Bi ku binib kitiŋ ponn ni, hali tidir mu ni, bi ku binib la.

Inandalahn 2:21

Binib bi por na, ni bi kaa por na mɔmɔk kpoi kitiŋ ponn ni la. Bidim aajaak aajum le ku binachipɔm ni bisapɔm mɔmɔk. Saaŋuul aawiin daal le aa kɔr bi mɔmɔk, kaa san bi kinimbaak.

Hosea 13:13

Israel yaab kpa limɔfal aamakl, le ki tee jɔr sakpen ke bi kan limɔfal ngbaan, bi jɔr ke ubo u una ban u maa u aan u yii ke waan nya ni na la.

Maika 4:10

Jerusalem aatiŋ aanib, li mur fenni ki ker idun ke upii u imalween joo u na, ba pu? ni ga nya kitiŋ ponn ni ki ti li koo timoor ni. Ni ga buen Babiloŋ aatiŋ ni; le Uwumbɔr ga ti tee gaa nimi, nimi aadim chee lii nima.

Maika 4:9

Ba ŋa aa wii mpɔɔn pu sakpen kina? Ba ŋa aa ji falaa ke upii u imalween joo u na? Saah kaa kpa ubɔr, aan saasusurb mu kpoi na pu le aa wii ii?

Maika 7:1

Maa kpa nsuupiin. M naahn uja u nkon joo u aan lisubil mu aa gur waasui pu, aan ndaan aasubil mu aa bi ŋaasui pu na la. Bi ker ŋisubil mɔmɔɔn ngbaan mɔmɔk a.

Matiu 21:5

“Tuk Sionn aatiŋ aanib, Lik, nimi aabɔrkpaan choo ni chee la. U sunn ubaa taab le ki dik ubon pu, u dik ubon u laa diin na pu la.”

1 Korenti 9:16

M yaa tuk binib tibɔnyaan tee kan, maan ŋmaa li kpa kipupuk ti pu. Ni muk mi ke m tuk bi. M yaa kaa tuk binib tibɔnyaan tee kan, tibɔbir ga li bi m pu.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.