Jeremia 4:30 - Uwumbɔr aagbaŋ

³⁰ Jerusalem aanib, ni kuln a. Ba ŋa ni pee ŋikekenyaan? Ba ŋa ni gbin nleenyaan ki di nkpanyaan boon ninimbil wɔb? Ni toor nibaa fam la. Nibɔtiib yii nimi le ki ban bi ku nimi.

Jeremia 4:30 ပူးပေါင်းရင်းမြစ်များ

2 Bibɔrb 9:30

Jehu nan fuu Jesreel aatiŋ ni. Tɔ, Jesebel aah ŋun tibɔr ti ŋa na pu na, le u bal chaloo, ki chaal uyikpir mbamɔm le ki ti sil libɔrdichal ponn ni aatakolu ubaa chee, ki si lik kitiŋ ponn ni.

Ŋiyataŋak 6:25

Taa cha baanyaan chuu si, ki taa cha baadagoonimbil chuu si.

Ŋiyataŋak 7:10

Le upii ngbaan to u nsan ni; u nan buu ubaa ke upiidagoor na, le ki bi dak waalandak uyil ni.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 20:6

N‑yoonn ngbaan yaa nan fuu ni kan, binib bi koo Filistia yaab aatiŋ, nnyusakpem aagbaan chee na, ga bui ke, ‘Lik man tiwan ni ŋa binib bi ti nan di tibaa tii bi ke bi li kii timi Asiria aabɔrkpaan chee na. Ti ga ŋa kinye aan ki tee ŋmar?’”

Aisaya 33:14

Sionn aatunwanbirdam na aapobil yuk, le biwon gbaa. Le bi len ke, “Uwumbɔr aabɔjil naahn mmii mu wu kaan junn na la. Ti ponn ni, ŋma ga ŋmar mmii mumina aaboln ni?”

Jeremia 13:21

Binib bi aa nan dak ke bi ye aajɔtiib na yaa nan nyaŋ si ki joo si kan, aa ga len kinye? Aa ga nan li bi iween ni, ke upii u ban u maa na la.

Jeremia 22:23

Ni kaa santina bi bi joo ni bi nyan ni Lebanonn aatiŋ ni na ponn ni le ki fuur; tɔ, iween i wu ke upii aamalween na yaa nan pii nimi kan, le ni ga ŋa kinimbaak aanib.

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Inandalahn 1:19

M yin mmaantɔtiib, le bi yii, kaa dan nan ter mi. Le bitotoorb ni biyidam bi ban tijikaar, kaa kan, ki ti kpoi kitiŋ ponn ni.

Inandalahn 1:2

Kinyeek ni kitaak aawoln pu, kaanib wii la; le tinyunyunn puu dii bitakpin. Ubaa aa ki bi kijɔtiib mɔmɔk ponn ni ki ga sɔŋ kisui. Kimaantɔtiib di ki kooh a, le bi mɔmɔk gur ye kaadim.

Inandalahn 4:17

Ti lik ban nterm mu kaa choo na, le kaa ti ki ŋmaa lik. Ti nan kiir ban nterm litimbol li kaa kpa nterm li tii timi na chee, le kaa kan.

Esekiel 28:13

Aa nan koo Uwumbɔr aasaak Edenn ni la, le ki kpa ŋitakpanyaan mɔmɔk aabɔŋ. Aa nan kpa ŋitakpanyaan ŋi bi yi ŋi ke rubi, ni diamonn, ni topas, ni beril, ni kaneliann, ni jaspa, ni safir, ni emeral, ni ganet na. Aa nan kpa salmaa aaleen. Nwiin mundaal bi naan si na, le bi nan ŋa tiwan ngbaan mɔmɔk tii si.

Esekiel 28:9

Bi yaa nan dan ke bi ku si kan, aa ga li beenin len ke aa ye liwaal aa? Aa yaa nan sil binib bi ga ku si na aanimbiin ni kan, aa ga li ye unibɔn kaan li kpa liwaal aabimbin kpala.

Obadia 1:7

Nimi aamaantɔtiib ŋmann nimi la; le bi jenn nyan nimi, nimi aatiŋ ponn ni. Binib bi nan ye nijɔtiib na le nyaŋ nimi butɔb ni dandana wee na. Nijɔtiib bi nan ji ni chee tijikaar na le ŋmann nimi koon gaawɔb ni; bi baa le ke, ‘Baalan mu bi kpa na bi la?’

Hiibru Yaab 2:3

Nima pu na, ti yaa yii ŋŋmarkpaan ngbaan aaboln kan, taan nyan ntafadaan ni. Tidindaan ubaa le nan pue tuk binib ŋŋmarm ngbaan aabɔr. Le binib bi ŋun na mu tuk timi, ki mɔk timi ke ti gbii la.

Tibɔkpiirkaan 17:13

Bibɔrb kipiik ngbaan kpa kimɔbaan, ki di baapɔɔn ni baayiko tii upeel ngbaan.

Tibɔkpiirkaan 17:2

Dulnyaa aabɔrb gɔr chaa upiidagoor ngbaan chee. Dulnyaa aanib mu gɔr chaa u chee ki nyu waadagoor aadaan ki gbii.”

Tibɔkpiirkaan 17:4

Upii ngbaan nan pee tiwanpeenkaan nyaan, nibaa chee man, niken chee mu bɔn ke nsiin na, ki pee nleen mu ŋan ki kpa kidaak na uneen ni. Waawanpeenkaan pu nan ye salmaa ni ŋitakpabinyaan ŋi kpa kidaak na. U nan joo salmaa aasambil uŋaal ni. Tiwan ni kaa ŋan, ki ye waadagook aawan, ki kpa tijɔŋ na nan gbii waasambil ngbaan ni.