Jeremia 4:24 - Uwumbɔr aagbaŋ

²⁴ M nan lik ŋijoo, le ŋi mɔmɔk nan jii, le ŋigongon yuk ti nya do ki ti nya do.

Jeremia 4:24 ပူးပေါင်းရင်းမြစ်များ

1 Bibɔrb 19:11

Le Uwumbɔr bui u ke, “Nya ki ti sil nnimbiin ni, lijool ngbaan pu.” Le Uwumbɔr jer ki cha libupɔpɔɔl daa ki wiil ŋigongon ni ŋitakpal, Uwumbɔr mu aa nan bi libuln ngbaan ni. Libuln ngbaan nan ŋmin kaa ki daar, le kitiŋ dam ki puu, tɔ, Uwumbɔr aa nan bi kitiŋ aah puu pu na ni.

Ilahn 18:7

Le kitiŋ dam ki deŋ; ŋijoo aah baa nin chee na dam ki jii, ba pu? Uwumbɔr aaŋuul le nan fii.

Ilahn 77:18

Utaal aah tar pu na buen ni kookoo a, le utaal aah moor pu na cha dulnyaa mɔmɔk woln chain; le kitiŋ dam ki jii.

Ilahn 97:4

Waawiihn mu moor ke utaal na le wolni dulnyaa pu; kitiŋ kan kina le ki jii.

Nnyam 19:18

Le Sainai Aajool paab kpaln iŋmanyuu ŋmeen, ba pu? Uwumbɔr nan nyan ni paacham ki sunn ni li pu mmii ponn ni la. Le iŋmanyuu fii jon paacham ke mmii sakpiin aaŋmanyuu na, le binib mɔmɔk aawon gbaa sakpen.

Aisaya 13:13

Nwiin mundaal aan min Uwumbɔr Mpɔɔnsakpiindaan ga mɔk maaŋuul na, m ga cha kitaapaak deŋ, le kitiŋ mu ga dam ki nya kaah si nin chee na.”

Aisaya 24:20

Kitiŋ ga li deŋni ke udagbiir aah chuun gbeer pu na, ki yeŋni ke libool aah yeŋni kitaabuŋ ni pu na. Dulnyaa aatunwanbir nyɔɔn u lii kitiŋ; ki ga lir, kaan ki fii kpala.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Esekiel 38:20

Ujan mɔk, ni unyoon mɔk, ni kiwakork sakpeŋ ni kiwaatiir mɔmɔk, ni unibɔn u mɔmɔk bi kitiŋ pu na aawon ga li gbaa maatuln aajawaan pu. Ŋijoo ga lir, ŋijoomɔju ga wur lir, le ligoln mɔk ga lir.

Maika 1:4

Le ŋijoo ngbaan ga donn u taab ke tisikakpiin aah donni mmii ni pu na; ŋi ga puu ti lir tifatann ponn ni ke nnyun aah puu sunni ligongoln pu pu na.

Habakuk 3:10

Le ŋijoo kan si ki mur fenni. Nnyusakpem nyan ni paacham ki lir ni; le nnyun mu bi kitiŋ na puu mpɔɔn pu, le mu aanyunkpenn fii jon paacham.

Habakuk 3:6

U yaa sil kan, kitiŋ deŋni la; le u yaa yaar lik kan, ŋitimbol jii. Ŋijoo ŋi bi n‑yoonn mɔmɔk na wur la; le n‑yoonn mɔmɔk aagongon na mu ber lir kitiŋ. Ŋima pu le u nan chuun n‑yaayoonn na.

Tibɔkpiirkaan 6:14

Kitaapaak kpab ki buen ke baah kpai kikapeek pu na. Le ŋijoo ni ŋidik mɔmɔk fii foor.