Jeremia 4:21 - Uwumbɔr aagbaŋ

²¹ M ga li ŋun butɔb aafuuk pu ki ti saa bayoonn, ki li ŋun ikpiin aawiil pu kina ki cha?

Jeremia 4:21 ပူးပေါင်းရင်းမြစ်များ

2 Bibɔrb Aabɔr 35:25

Uwumbɔr aabɔnabr Jeremia nan naan nkpolahn tii Ubɔr Josia, le ni kpaln nkaal Israel aatiŋ ni ke uja ni upii mɔk yaa ban u wii waakpuul kan, udaan gaa nkpolahn ngbaan. Waalahn ngbaan bi ikpolahn aagbaŋ ni.

2 Bibɔrb Aabɔr 36:10

Unaalan yoonn, le Ubɔr Nebukadnesar nan chuu Jehoyachinn tinaagbiir di buen Babiloŋ aatiŋ ni, le ki yoor Uwumbɔr Aadichal ni aawangol mu buen. Nebukadnesar nan di Jehoyachinn aatewaa Sedekia kaan Juda aanaan, Jerusalem ponn ni.

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

2 Bibɔrb Aabɔr 36:3

Ijipt Aabɔr Neko nan chuu u tinaagbiir, ki cha Juda aanib pan tikunabr ti aanyunyuun ga pii njikaabim bɔtɔ piitaa ni kipiik ni biŋmu, ni salmaa ti aanyunyuun ga pii njikaabim kuruwaa piitaa ni kipiik ni biŋmu na, ke lampoo aamombil.

Jeremia 4:19

Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Jeremia 4:20

Libiil libaa dii liken la; kitiŋ ngbaan mɔmɔk ber doo a. Libuul ni le bi bii timi aadir doo; le ki gbaa wiil ti mɔmɔk.

Jeremia 4:22

Uwumbɔr bui ke, “Maanib ye bijɔrb la, baa nyi mi. Bi naahn mbim mu kaa kpa nlan na la; baa kpa ntafaŋum. Bi nyi titunwanbir aatuln sakpen, le kaa tee nyi tiwan ni ŋan na aaŋam.”

Jeremia 6:1

Benjaminn aanib, li san ban ŋŋmarm man. San nya Jerusalem ni man. Pii ukpiin Tekoa aatiŋ ni, ki tuur limɔkl aamii Bef Hakerem aatiŋ ni man. Tibɔbir ni libiil ban ni nya ni ŋŋangan wɔb ki dan la.