Jeremia 4:20 - Uwumbɔr aagbaŋ

²⁰ Libiil libaa dii liken la; kitiŋ ngbaan mɔmɔk ber doo a. Libuul ni le bi bii timi aadir doo; le ki gbaa wiil ti mɔmɔk.

Jeremia 4:20 ပူးပေါင်းရင်းမြစ်များ

Ilahn 72:19

Li pak waayimbil li kpa kipak na n‑yoonn mɔmɔk man. Cha waapak gbii dulnyaa wee mɔmɔk. Amii, amii.

Nnyam 33:5

ba pu? Uwumbɔr le nan bui Moses ke u tuk binib ngbaan ke, “Nitafal pɔɔ pam. Nibaakan, m yaa ban m dii nimi foor siib kan, m ga kuln nimi kookoo. Tɔ, chuu nyan nimi aasalmaa aaleen, aan m dakl lik maah ga ŋa nimi pu na.”

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 15:5

Mpobil wu Moab yaab pu la. Binib ngbaan san buen Soar ni Eglaf Selisiya aatim ni. Bibaa san jon Luhif aasan pu, ki wii le ki cha; bibaa mu san ŋmar buen Horonaim, ki wii mpɔɔn pu.

Aisaya 33:20

Lik man Sionn, kitiŋ ki ponn ni ti ji Uwumbɔr aajim na. Lik Jerusalem man, kitiŋ ngbaan ga li ye nin chee ni ga li koo le tibaa aan ŋa na. Ki ga li bi ke libool li aadɔ aan ŋɔb daalbaadaal, aan laaŋmin mu aan kii na la.

Aisaya 47:9

Naan yunn, liwinbaal le aa ga lann tiwan nilee ngbaan mɔmɔk. Hali saah kpa inyɔk i na aan ter si, le aa ga lann chal ni mbim mɔmɔk.

Aisaya 54:2

Wii saadiik ki maa ki waa sakpen na, cha ŋipal li fɔk ki cha ilɔkdɔ mu li pɔɔ.

Jeremia 12:11

Bi cha ki kpaln kipɔɔk la; ki gur dɔ nkuun la. Kitiŋ ngbaan mɔmɔk kpaln nteersakpiin, le ubaa aatafal aa ki bi ki ponn ni.

Jeremia 17:18

Uwumbɔr, cha binib bi muk mi aa pu na ji inimɔɔn, ki tee cha m ŋmar. Cha ijawaan chuu bi, ki taa tee faan m ma. Cha tibɔbir dan bi pu ki kool bi yuk yuk.

Jeremia 4:21

M ga li ŋun butɔb aafuuk pu ki ti saa bayoonn, ki li ŋun ikpiin aawiil pu kina ki cha?

Jeremia 4:27

Tɔ, Uwumbɔr nan bui ke kitiŋ kee mɔmɔk ga kpaln nteersakpiin la, u mu aan tee bii ki doo.

Jeremia 4:6

Mɔk Sionn aatiŋ aasan man. Li san ban nimi aamɔfal man. Taa taan man. Uwumbɔr nyan ni ŋŋangan wɔb ki joo libiil choo.

Jeremia 9:18

Le binib ngbaan bui ke, “Bui bi ke bi ŋa mala ki gaa nkpolahn tii timi, aan tinyunyunn ti gbiin tinimbil ni, aan tinimbil aagban sɔŋ ikpowiil pu.”

Inandalahn 3:47

Ti koo tibɔbir, ni libiil ni, le ki nyan; ti bi linimaln, ni ijawaan ni.

Esekiel 14:21

Aadindaan Uwumbɔr aah len pu na sɔ: “M ga cha maatafadaan munaa mu bir sakpen na le dan Jerusalem aatiŋ pu. Muma le ye butɔb, ni nkon, ni ipeel i bir na, ni iween, aan ni nan kuln binib ni tiwakor mu.

Joel 1:15

Uwumbɔr aawiin peen ni a; nwiin mundaal Mpɔɔnsakpiindaan ga bii tiwan mɔmɔk doo na peen ni a. Ba aajawaan aaboln aan kina aawiin ga joo ni.

Liifai Yaab 26:18

“Le nimina mɔmɔk yaa pii nimi, ni beenin yiil maamɔb kan, m ga kpee nimi aatafadaan nfum mulole pu.

Liifai Yaab 26:21

“Le ni yaa beenin yiil maamɔb kan, m ga ki kpee nimi aatafadaan nfum mulole pu,

Liifai Yaab 26:24

m ga fenn lir ni pu ki kpee nimi aatafadaan nfum mulole.

Liifai Yaab 26:28

min mbaa le ga lir ni pu, ki ki daa nitafal ki kpee nfum mulole pu mu ga li bir ki jer njan yaan na.

Habakuk 3:7

M nan kan ke ijawaan nan chuu Kusann aanib, le Midiann aatiŋ aanib aawon gbaa.

Nkahm 16:21

“Ni foor binib ngbaan chee aan ki cha m ku bi mɔmɔk libuul lee ni.”

Nkahm 16:45

“Foor cha binib ngbaan ki sil nibaa man, aan m kpaan ku bi mɔmɔk libuul ni.” Le bi mɔmɔk bilee tar lir bipuu pu.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

2 Tesalonika 1:9

Tidindaan ga nyan bi unimbiin ni, waapɔɔn ni waawiihn sakpiin chee. U ga daa bitafal, ki cha bi ji falaa n‑yoonn mu kaa kpa ndoon na.