Jeremia 4:19 - Uwumbɔr aagbaŋ

¹⁹ Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Jeremia 4:19 ပူးပေါင်းရင်းမြစ်များ

Mpiin 49:6

Naah kpokl tibɔr libɔɔl ni pu na, maa bi ni chee, ki mu aa kii kina. Ni ku binib liŋuul ponn ni la. Le nimi aageehn ni, ni bii tiwakor.

2 Bibɔrb 4:19

Libuul ni le u faa nkuun ki bui ute ke, “N‑yil wu la. N‑yil wu la.” Le ute bui waatutunn ubaa ke, “Yoor ubo ngbaan ti tii una.”

2 Bibɔrb 8:11

Le Elaisa nan lik u ijawaan aanimbil libaa le inimɔɔn ti chuu Hasael. Libuul ngbaan ni le tinyunyunn gbiin Elaisa aanimbil ni.

Ilahn 103:1

M joo nsui mɔmɔk pak Uwumbɔr la. M joo nwon mɔmɔk pak waayimbil li bi chain na la.

Ilahn 116:7

Uwumbɔr aah kpa m pu tiŋann pu na, le m kpa nsuudoon.

Ilahn 119:136

Binib aah yii saakaal pu na cha m wii, le maanyunyunn ti puu ke limɔɔl na.

Ilahn 119:53

M yaa kan bibiindam bi bii saakaal kan, maaŋuul fiir la.

Ilahn 146:1

Pak Uwumbɔr man. M ga pak Uwumbɔr.

Ilahn 16:2

M bui Uwumbɔr ke, “Sin le ye Ndindaan; tiwanyaan nimɔk m kpa na nyan ni aa chee la.”

Aisaya 15:5

Mpobil wu Moab yaab pu la. Binib ngbaan san buen Soar ni Eglaf Selisiya aatim ni. Bibaa san jon Luhif aasan pu, ki wii le ki cha; bibaa mu san ŋmar buen Horonaim, ki wii mpɔɔn pu.

Aisaya 16:11

M ker idun ni mpombiin, Moab ni Kir Heres aatim aanib pu.

Aisaya 21:3

Maah kan ki ŋun tibɔr ti tibɔkpiirkaan ngbaan ponn ni na tii mi ijawaan ni iween, iween i wu ke imalween na.

Aisaya 21:4

N‑yil gaar la, le ijawaan cha nwon gbaa. M nan ka dak ke kijook fuu ni mala, le ni tee joo ni mi ijawaan ŋmeen.

Aisaya 22:4

Di cha mi man aan m wii maanib bimɔk kpo na pu. Taa sɔŋni nsui man.

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 20:9

Le m yaa tee bui ke, “M ga suln Uwumbɔr bɔr, kaan ki len tibɔr waayimbil pu” kan, le saabɔr bi ke mmii na ki wu nsui ni. M pɔɔni mbaa ke m taa len ti, le kaa ti ki ŋmaa joo ti.

Jeremia 23:9

Nsui mɔmɔk bii a, le m si jii. Uwumbɔr pu, ni waabɔnyaan pu, le m gur bi ke udagbiir, ki bi ke unii u nyun ndaan sakpen na.

Jeremia 4:21

M ga li ŋun butɔb aafuuk pu ki ti saa bayoonn, ki li ŋun ikpiin aawiil pu kina ki cha?

Jeremia 4:5

Pii ikpiin kitiŋ kee mɔmɔk pu man. Teen mpɔɔn pu aan unii mɔmɔk ŋun. Tuk Juda ni Jerusalem aanib libiil li choo Juda pu na ke bi san buen ntim mu bi maa ŋigon gob mu na ni.

Jeremia 49:2

Tɔ, n‑yoonn choo, le m ga cha Amonn aatiyil Raba aanib ŋun butɔb aafuuk pu, le ki gur tilangbenn, kaatiwaatiir wu mmii. Le Israel yaab ga ki gaa baatiŋ ki bi nan gaa ki na bi chee.

Jeremia 50:22

Bi ŋun butɔb aafuuk pu kitiŋ ngbaan pu, le libiil sakpeln bi.

Jeremia 6:24

Le Jerusalem aanib bui ke, “Ti ŋun tibɔr ngbaan, le tiwon yɔl ti lir kitiŋ, ijawaan ni iween chuu timi ke upii u ban u maa na aamalween aah wu pu na la.

Jeremia 8:18

Maapombiin aan ŋmaa sɔŋ; nsui bii sakpen a.

Jeremia 8:21

Maanib kuln le nsui bii. M wii ikpowiil la, nsui mɔmɔk bii a.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Inandalahn 1:16

Kina pu le tinyunyunn nya nnimbil ni ki puu lir. Ubaa aan ŋmaa sɔŋ nsui, ubaa aan ŋmaa pɔɔk ntaakpab. Bidim nyaŋ mi, bi yoor maanib aawan mɔmɔk a.

Inandalahn 1:20

Uwumbɔr, lik maah bi ntoton mu ponn ni na. Maatunwanbir bii nsui mɔmɔk doo. Bi ku binib kitiŋ ponn ni, hali tidir mu ni, bi ku binib la.

Inandalahn 2:11

Iwiil pu le nnimbil ti foor koo; m bi ntoton ni la. Baah ku bii maanib pu na le mpombiin ban mu ku mi. Mbim ni mbipɔm fik le ki dɔ kitiŋ ponn ni.

Daniel 4:19

Daniel, u bi ki yin u ke Beltesasar na, aah ŋun kina na, ijawaan nan chuu u sakpen, le waa ki ŋmaa len tibaa. Le ubɔr bui u ke, “Beltesasar, taa cha ijawaan chuu si, tidaŋ ngbaan pu.” Le Beltesasar gar u ke, “Mpɔɔndaan, m ba ga li gee sakpen ke tidaŋ timina ni taatataa li ye saadim yaan ki taa li ye sin yaan.

Daniel 7:15

Tiwan ni m nan daŋ tidaŋ ki kan ni na nan chuu mi ijawaan, le ki muk mi pam.

Daniel 7:28

Maah nan ŋmee pu bil na le na. Ijawaan nan chuu mi sakpen, le nwon yɔl, le m nan di tibɔr ngbaan mɔmɔk ŋa nsui ni.

Daniel 8:27

Tidaŋ ngbaan pu, le min Daniel aataakpab nan yɔl, le m nan buŋ ni ti yunn pam. Le m nan pɔɔk ki ki piin ki tun lituln li ubɔr nan di ŋa ŋŋaal ni na. Tidaŋ ngbaan nan gar mi pam, le maa bee taatataa.

Amos 3:6

Ukpiin yaa wii kitiŋ ni kan, ijawaan chur binib mɔmɔk la. Tibɔbir aan ŋmaa koo ni kitisakpeŋ ni kaa nyan ni Uwumbɔr chee.

Habakuk 3:16

M ŋun timina mɔmɔk pu le mpobil gbaa, le mmɔgban jii ijawaan pu, le nwon mɔmɔk kpo, le ntaa jii. Le m tee ga mɔr ki li kii nwiin mundaal Uwumbɔr ga daa binib bi tak timi na aatafal na.

Nkahm 10:9

N‑yoonn mu ni bi nimi aatiŋ ni, ki buen butɔb ni, ki ban ni gaa nibaa lii nimi aadim bi lir ni pu na kan, ni pii kakaan tiib ngbaan baah ban bi piin butɔb pu na, le min Nidindaan Uwumbɔr ga ter nimi, ki nyan nimi, nimi aadim aaŋaal ni.

Rom Yaab 10:1

Nnaabitiib, m mee Uwumbɔr tii maanib Israel yaab ke bi ŋmar. M ban kina le nsui mɔmɔk.

1 Korenti 14:8

Unii yaa pii ukpiin, kaa pii mbamɔm kan, baan kuun tɔb chee ke bi ti to butɔb.

Galantiya 4:19

Maabim, ni wu mi ke imalween aah chuu upii kan, ni wu pu na, ki nan saa buyoonn ni ga chikr Kristo aasan ni na.

Bibɔjirb 5:21

Kisonn Aamɔɔl ni aawam le nan ŋar bi ŋŋaan buen, Kisonn Aamɔɔl aanyunja le nan di bi buen. M ga chuun buen, m ga di mpɔɔn chuun buen.