Jeremia 4:16 - Uwumbɔr aagbaŋ

¹⁶ Bi dan bi nan sak ŋitimbol ki bui Jerusalem ke bidim nyani dandar ki choo. Bidim ngbaan ga gbaa ikaa Juda aatim pu,

Jeremia 4:16 ပူးပေါင်းရင်းမြစ်များ

Aisaya 34:1

Ŋitimbol mɔmɔk aanib, dan man. Kuun man tɔb chee ki pel. Cha kitiŋ kee, ni binib bi mɔmɔk bi ki pu na dan aan ki nan pel man.

Aisaya 39:3

Nee aapuwɔb le Uwumbɔr aabɔnabr Aisaya buen ubɔrkpaan Hesekia chee ki ti baa u ke, “Bijab ngbaan nyan ni la chee, bi len ke ba aa chee?” Hesekia nan giin kii u ke, “Bi nyan ni dandar la, bi nyan ni Babiloŋ aatiŋ ni la.”

Jeremia 1:15

ba pu? m bi yin ŋitimbol ŋi bi ŋŋangan wɔb na ke ŋi dan la. Ŋaabɔrb ga di baabɔrjal siin Jerusalem aabisamɔi chee, ki siin mann goln kaagon, ki siin mann goln Juda aatim muken na mu.

Jeremia 16:6

Biwankpadam ni bigiim mɔmɔk ga kpo kitiŋ kee pu, ubaa mu aan sub bi, kaan wii baakpuul. Ubaa aan daan ubaa, kaan kuu uyikpir ki mɔk ke usui aa piin.

Jeremia 2:15

Bi ŋuuni bi pu ke ichinn na la; bi cha baatiŋ kpaln nteersakpiin, le baatim kpaln tilangbenn, ubaa aa ki bi mu ponn ni.

Jeremia 31:10

Uwumbɔr ki bui ke, “Ŋitimbol, li pel m chee man, ki di maabɔr moon nnyusakpem aagbaan ni daa na. M nan yaa maanib, le m ga ki kuun ni bi, ki li kpaa bi ke upihkpaal aah kpaa waapiih pu na.

Jeremia 39:1

Sedekia aah nan ye Juda aabɔr pu na aabiwawaer aaŋmapiik ni, le Babiloŋ Aabɔr Nebukadnesar ni waajab mɔmɔk nan dan nan tak Jerusalem.

Jeremia 4:17

ki ga lul goln Jerusalem ke bijab bi si kii nkpaakon na; ba pu? kaanib nyan Uwumbɔr aapuwɔb. Uwumbɔr le len kina.

Jeremia 5:15

Israel aanib, Uwumbɔr ban ke dandar aatimbol le dan nan tak nimi. Li ye n‑yaayoonn na aatimbol le ki pɔɔ, le naa nyi laaliin.

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Jeremia 6:18

Le Uwumbɔr bui ke, “Nimi ŋitimbol, li pel man, ki bae tiwan ni ban ni ŋa maanib na chee.

Jeremia 6:19

Kitiŋ, li pel. Maanib aabeebee aatuln pu le m ban m joo ni libiil nan lii bi pu, ba pu? bi yii maamɔkm kaa tii maabɔr naadii.

Jeremia 6:22

Uwumbɔr len ke, “Bijab nyan ni ŋŋangan wɔb aatiŋ ni ki choo; litimbol ngbaan pɔɔ sakpen le ki gor kii butɔb.

Jeremia 6:23

Bi yoor baatɔi ni kijaak aajum; bi kpa mbiin kaa san kinimbaak. Baataan aafuuk bi ke nnyusakpem aafuuk na la. Bi gor ke bi to Jerusalem butɔb.”

Jeremia 8:19

Li pel man, m ŋun maanib aawiil pu kitiŋ kee mɔmɔk pu, “Uwumbɔr aa ki bi Sionn aatiŋ ni la aa? Sionn aatiŋ aabɔr aa ki bi la aa?” Le Bidindaan Uwumbɔr, u ye baabɔr na gar ke, “Ba ŋa ni dooni nimi aawaa ki gbaani biwɔwɔm aawaa ŋi kaa kpa tinyoor tibaa na aanimbiin ni ki fiini maaŋuul?”

Esekiel 21:22

Tɔ, uŋangii joo mpiin mu mɔk ‘Jerusalem aatiŋ’ na la. Mu bui u ke u buen ti ban ŋidɔgen ŋi bi ga di wiil kaagon na, ki faa butɔb aakuun, ki di ŋidɔgen baŋ kaabisamɔi, ki kuun titan bil chur chur ki gbii ŋibugen.