Jeremia 4:11 - Uwumbɔr aagbaŋ

¹¹ N‑yoonn choo, le bi ga nan bui Jerusalem aanib ke libuln li ton sakpen na nyan nteersakpiin ni ki choo bi chee. Laan li ye libuln li bi suuna ki daar tigbengbir cha na.

Jeremia 4:11 ပူးပေါင်းရင်းမြစ်များ

Ilahn 11:6

U cha mmiisakɔn ni chirbil u gaal mmii na lir ni bibiindam pu; u joo libuln li ton na le dar bitafal.

Aisaya 22:4

Di cha mi man aan m wii maanib bimɔk kpo na pu. Taa sɔŋni nsui man.

Aisaya 27:8

Uwumbɔr cha waanib aadim chur bi tinaagbiir ki di bi buen ki ti daa bitafal. U cha libuln li pɔɔ ki bir ki nyan ni liwipuul wɔb na le di bi buen.

Aisaya 41:16

Ni ga di ki mee yaa paacham; le libuln ga daa ki buen, le kitaabuŋ daa ki yaa. Le ni ga mɔɔr nimi ke min le ye nimi Aawumbɔr; ni ga pak mi, nimi Israel yaab Aawumbɔr u bi chain na.

Aisaya 64:6

Ti mɔmɔk tun titunwanbir; hali tima aah dak ke taah tun pu na ŋan sakpen na ye tijɔŋ le ki ti doo. Timi aatunwanbir pu, ti naahn tifar ti kuur aan libuln daar cha na la.

Jeremia 13:24

Uwumbɔr ga yaa nimi ke nteersakpiin ni aabuln aah daar timoor yaani pu na la.

Jeremia 14:17

Uwumbɔr nan bui mi ke m tuk binib ngbaan maapombiin aah bi pu na ki bui bi ke, “M wii nwiin pu ni kinyeek la, taa cha m di cha iwiil, maanib aah kan titotonn sakpen, ni iween i na pu.

Jeremia 23:19

Waaŋuul ye kitaabuŋ la, li ye libupɔɔl li ga daa bibiindam aayil pu,

Jeremia 4:12

Libuln li Uwumbɔr ga cha li dan na ga li pɔɔ jer lima ngbaan. Uwumbɔr ubaa le bi dar waanib aatafal.

Jeremia 8:19

Li pel man, m ŋun maanib aawiil pu kitiŋ kee mɔmɔk pu, “Uwumbɔr aa ki bi Sionn aatiŋ ni la aa? Sionn aatiŋ aabɔr aa ki bi la aa?” Le Bidindaan Uwumbɔr, u ye baabɔr na gar ke, “Ba ŋa ni dooni nimi aawaa ki gbaani biwɔwɔm aawaa ŋi kaa kpa tinyoor tibaa na aanimbiin ni ki fiini maaŋuul?”

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Jeremia 9:7

Kina pu le Uwumbɔr Mpɔɔnsakpiindaan bui ke, “M ga pu maanib mmii ni ke tikur na, ki nyan baajɔŋ le ki tɔŋ bi ki lik. Maanib tun titunwanbir, m ni bima ki kpa bayaar?

Inandalahn 2:11

Iwiil pu le nnimbil ti foor koo; m bi ntoton ni la. Baah ku bii maanib pu na le mpombiin ban mu ku mi. Mbim ni mbipɔm fik le ki dɔ kitiŋ ponn ni.

Inandalahn 3:48

Baah kuln maanib pu na, le cha maanyunyunn puu ke ŋimɔɔ na.

Inandalahn 4:10

Tibɔbir nan dan maanib pu ki joo ni ijawaan; natiib bi nan gee baabim sakpen na nan di bi ŋa tijikaar ki ŋaan bi.

Inandalahn 4:3

Hali takɔ tiib kpiini baabim la, le maanib ma bi ke taataa tiib na, bi ŋani baabim mbiin la.

Inandalahn 4:6

Maanib kan ntafadaan ki jer Sodom yaab bi Uwumbɔr aaŋaal nan dan nan kuln bi liwinbaal na.

Esekiel 17:10

Mbamɔn, bi ŋum bu a, tɔ, bu ga li bi ki ŋa busub aa? Liwipuul wɔb aabuln yaa daa bu pu kan, bu aan yɔl aa? Bu aan yɔl bu aah si nin chee na aa?”

Esekiel 19:12

Tɔ, liŋuul aaŋaal nan daa ŋɔb bu, ki di bu mee bil kitiŋ. Liwipuul wɔb aabuln nan daa kuur bu aasubil. Bi nan bar bar bu aapan, le ŋi kuur aan bi di tuur mmii.

Hosea 13:15

Israel pɔr ke timoor na la, le m tee ga cha libuln li ton ki nyan ni liwipuul wɔb nteersakpiin ni na dan ki nan foor baayayak aanyunbun, ni ŋibun. Li ga yoor tiwanbankaan mɔmɔk buen.

Hosea 13:3

Kina pu le binib ngbaan ga wɔŋ ke kichakpiik ni aakpakpal na, ki wɔŋ ke limaln li wɔŋni kichakpiik ni na. Bi ga fii buen ke libuln aah daar kimook lipaal pu cha na la, ki naahn iŋmanyuu aah nya kidadiik aadipimoor ni pu na.

Hosea 4:19

Uwumbɔr ga di bi buen ke kinaakpaajabuŋ le aah daar bi cha na, le inimɔɔn ga chuu bi ŋiwaa aatork pu.

Habakuk 1:11

le ki chuun mala ke libuln na ki jer, titunwanbirdam bi aapɔɔn ye baawaal na le na.”

Habakuk 1:6

M ban ke m di mpɔɔn ŋa Babiloŋ aanib bi kpa mbiin kaa san nibaa na aaŋaal ni la. Bi chuun dulnyaa wee mɔmɔk ni ki ban ntim ke bi nyaŋ ki gaa mu la.

Matiu 3:12

U joo waayikpimbik uŋaal ni, u ti chaar waajikaar, ki ga di njikaabim ŋa lipil ni, ki di tigbengbir see mmii mu kaan junn na ni.”

Tibɔnyaan ti Luk ŋmee ti na 3:17

U joo waayikpimbik uŋaal ni, u ti chaar waajikaar, ki di njikaabim ŋa lipil ni, ki di tigbengbir see mmii mu kaan junn na ni.”