Jeremia 4:1 - Uwumbɔr aagbaŋ

¹ Uwumbɔr bui ke, “Israel yaab, ni yaa ban ni fenn kan, ni fenn dan m chee. Ni yaa di cha nsan mu kpa tijɔŋ na ki kii maamɔb kan,

Jeremia 4:1 ပူးပေါင်းရင်းမြစ်များ

Mpiin 35:2

Le Jakob bui waamaal, ni binib bimɔk nan bi u chee na ke, “Chuu nyan ŋiwaa ŋi mɔmɔk ni kpa na ki di mee man; ki ŋa nibaa chain aan ki kpeln nimi aawanpeenkaan man.

2 Bibɔrb 23:13

Josia nan bii ŋiwaa aatork aabimbin ŋi Ubɔr Solomonn nan maa Jerusalem aatiŋ ponn ni aawipuul wɔb, ki bi Olif Aajool aaŋangii wɔb na, ŋiwaabimbin ngbaan pu le bi nan dooni tijɔŋ aawaa. Nima le ye Saidonn aawaapii Astaate, ni Moab aawaal Kemos, ni Amonn aawaal Molek.

2 Bibɔrb 23:24

Ubɔr Josia nan nyan Jerusalem aatiŋ ni, ni Juda aatim mɔmɔk ni, binib bi mɔmɔk bui ke bi ŋun bitekpiib aaliin na, ni bibɔɔb mɔmɔk, ni ŋidichal aawaa, ni ŋiwaa mɔmɔk, ni ŋiwaa aadoon mɔmɔk, ke u kan nsan aan ikaal i ŋmee kigbaŋ ki Utotoorninkpel Hilkia nan kan Uwumbɔr Aadichal ni na tun lituln.

2 Bibɔrb Aabɔr 15:8

Asa aah ŋun Oded aajapɔɔn Asaria aah di Uwumbɔr aabɔr ti nabr u na, le utaakpab pɔɔk. U nan di Juda ni Benjaminn aatim aawaa mɔmɔk mae. U nan di waah nyaŋ ntim mu aan mu bi Efraim aajoo aatiŋ ni na mu aawaa mae. U nan toor Uwumbɔr aatork aabimbiln li nan bi Uwumbɔr Aadichal aachiln ni na.

2 Bibɔrb Aabɔr 33:8

Le Israel aanib yaa ga kii maamɔkm ni ikaal i mɔmɔk maatutunn Moses nan di tii bi na kan, maan kii ke binib jenn nyan bi kitiŋ ki m nan di tii biyaajatiib na ni.”

2 Bibɔrb Aabɔr 34:33

Ubɔr Josia nan gbaa ber ŋiwaa ŋi sukr ponn ni na, Israel yaab aapepel mɔmɔk ni, le n‑yoonn mumɔk u nan bi limɔfal ni na, u nan cha binib ngbaan dii biyaajatiib Aadindaan Uwumbɔr.

Aisaya 31:6

Uwumbɔr ki bui ke, “Israel aanib, ni tun mi taani kaa si mpuwɔb; gir ni m chee man.

Jeremia 15:19

Uwumbɔr aah nan gar pu na sɔ, “Aa yaa fenn ki gir ni kan, m ga ki gaa si, le aa ki gir ŋa maatutunn. Aa yaa di cha bɔyɔlyɔl aalem ki yaa len maabɔnyaan kan, aa ga ki ŋa maabɔnabr. Le binib ngbaan ga gir ni aa chee, saan ki li ban ke aa buen bi chee.

Jeremia 15:4

Hesekia aajapɔɔn Manase aah nan ye Juda aabɔr ki ŋa pu Jerusalem ni na, kina pu le m ga cha dulnyaa wee aanib mɔmɔk aasui gar bi pu.”

Jeremia 18:11

Tɔ, bui Juda ni Jerusalem aanib ke m bi kpokl bi pu la, le ki gor ke m daa bitafal. Bui bi ke bi di cha titunwanbir aabimbin, ki kpeln baabimbin, ni tiwan ni bi ŋani na.

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 25:5

Bi nan bui nimi ke ni di cha nimi aabiin aabimbin mu ni bi na, ki di cha titunwanbir ti ni tun na, aan ki li beenin koo kitiŋ ki pu Uwumbɔr nan di tii nimi ni niyaajatiib, ke ki li ye nimi aawan n‑yoonn mɔmɔk na.

Jeremia 3:1

Uwumbɔr nan bui ke, “Uja yaa yii upuu, le u yaa fii ki ti mɔn uja uken kan, waan ti ki ŋmaa gaa ni u. Nimina ga bii kitiŋ kee kookoo la. Tɔ, Israel yaab, ni kan bɔtiib pam, le ki tee ki ban ke ni gir ni m chee.

Jeremia 3:12

U nan bui mi ke m buen ki ti bui Israel yaab ke, “Israel yaab bi nyan mpuwɔb na, gir ni m chee man. M ye unimbaasaln la, le maaŋuul aan fii; maaŋuul aan fii ni pu ki ti saa n‑yoonn mu kaa kpa ndoon na.

Jeremia 3:14

“Nimi bi nyan mpuwɔb na, gir ni man; ni ye maanib la. M ga nyan ni ponn ni ubaabaa kitiŋ mɔmɔk ni, ki nyan bilelee ntaŋaal mɔmɔk ni, ki di nimi giin ni Sionn Aajool paab.

Jeremia 3:22

Nimi bi mɔmɔk fenn nipuwɔb tii Uwumbɔr na, gir ni man; u ga tii nimi laafee, ki cha ni ki sil upuwɔb. Ni bui ke, “Mbamɔn, ti ban ti gir ni Uwumbɔr chee la, ba pu? uma le ye timi Aawumbɔr.

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 36:3

Nibaakan, Juda aanib yaa ŋun libiil li mɔmɔk m ban m joo ni bi pu na kan, bi ga di cha baabimbin mu kaa ŋan na. Le m ga di baatunwanbir ni baabiin aatuln cha pinn bi.”

Jeremia 4:4

Li joo man tipuur ti ni nan puu tii mi Uwumbɔr na. Nimi Juda ni Jerusalem aanib, di nibaa tii mi man. Ni yaa kaa ye kina kan, maaŋuul ga fii ke mmii na, titunwanbir ti ni tun na pu. Li ga fii, le ubaa aan li bi ki sɔŋ li.”

Jeremia 7:5

“Kpeln mbimbin mu ni bi na, ni tiwan ni ni ŋani na man. Ni li ŋani unii mɔmɔk tiŋann.

Jeremia 7:7

Ni yaa kpeln kan, m ga cha ni li koo kitiŋ ki m nan di tii niyaajatiib ke ki li ye baatiŋ ki ti saa n‑yoonn mu kaa kpa ndoon na.

Esekiel 11:18

Bi yaa gir ni kan, bi kuln baah kan tijɔŋ aawaa ŋi sukr ponn ni na.

Esekiel 18:13

ki pinni ŋimombil tii binib ki gaal tinyoor. U ga li kpa limɔfal aa? Aayii, waan li kpa. U tun ŋitun ŋi sukr ponn ni na mɔmɔk, kina pu na, u ga kpo. Uma le ku ubaa.

Esekiel 43:9

Dandana, bi di cha ŋiwaa aadiim ki kur baabɔrb aakpab. Bi yaa ŋa kina kan, m ga li bi bikaasisik ni ki ti saa n‑yoonn mu kaa kpa ndoon na.”

Hosea 14:1

Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Hosea 2:2

Maabim, nina aa ki ye mpuu, le u mu aachal aa ki ye mi, tɔ, ni mu tee gaŋ u man. Gaŋ u ke u di cha kidagook.

Hosea 7:16

Bi nya mpuwɔb n‑yoonn mɔmɔk, le ki dii liwaal li kaa kpa mpɔɔn mubaa na. Saan ŋmaa li kpa bi pu limakl ke butɔm bu gɔr na la. Baasalolm aah len tibɔr kigaak ŋmeen na, le bi ga kpo mpɔɔkun, le Ijipt yaab ga laa bi.”

Joel 2:12

Uwumbɔr len ke, “Hali dandana, kpeln nimi aabimbin mbamɔm man, ki lul bumɔb, ki li wii ikpowiil, ki gir ni m chee.

Sekaria 1:4

Ni taa li bi ke niyaajatiib na. N‑yaayoonn na le bibɔnabr nan di maabɔr tuk bi, ki tuk bi ke bi taa ki tun titunwanbir, ki taa ki li bi kinimbɔŋ aabimbin ni. Le baa ŋun tii mi, kaa kii maamɔb mu.

Ikaal 27:15

“‘Uwumbɔr aamɔpuur bi unii umɔk di litakpal, bee ndɔ, bee tikur naan liwaal ki looni dooni li na pu. Uwumbɔr aa gee ŋiwaa kpala.’ “Le binib ngbaan ga kpaan ki kii ke, ‘Amii.’

Ikaal 4:30

N‑yoonn mu ni ti kan limukl, aan tiwanbir ngbaan mɔmɔk pii nimi na, le ni ga fenn ban Uwumbɔr ki kii tii u.

Josua 24:14

Josua nan ki bui bi ke, “Kina pu na, ni li nyuŋni Uwumbɔr, ki gaa u iŋaal ilee, ki li dii u mbamɔm. Ni di ŋiwaa ŋi niyaajatiib nan dooni ŋi Mesopotamia, ni Ijipt aatim ni na lii, aan ki dii Uwumbɔr baanja.

Bibɔjirb 10:16

Bi nan di ŋiwaa lii, le ki dooni Uwumbɔr, le baapombiin aabɔr nan ki muk u.

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”