Jeremia 39:8 - Uwumbɔr aagbaŋ

⁸ N‑yoonn mue na, Babiloŋ yaab ngbaan nan see libɔrdichal, ni binib aadichal mu lii, ki tur Jerusalem aagon lir.

Jeremia 39:8 ပူးပေါင်းရင်းမြစ်များ

2 Bibɔrb 25:8

Ubɔr Nebukadnesar aah nan ye Babiloŋ aatiŋ aabɔr pu na aabin kipiik ni liwawaer ponn ni aaŋmaŋmu aawiin ilole daal, le waasusur Nebusaradann, u nan ki ye waajab aayidaan na, nan koo Jerusalem aatiŋ ni.

2 Bibɔrb Aabɔr 36:19

U nan see Uwumbɔr Aadichal, ni kitiŋ ngbaan lii; u nan see kaabɔrdichal mɔmɔk ni laawangol lii, le ki gbaa wiil kitiŋ ngbaan aagon.

Nehemia 1:3

Le bi bui mi ke siib bi ŋmar ki bi linampal na bi limukl ni la, le biwɔwɔm bi bi ki duun bi na lik seen bi. Bi ki bui mi ke baah nan gbaa wii Jerusalem aagon ŋi na, baa kee ki maa ŋi, le ibisamɔi aajaaleŋ tiib bi mu bi nan see mmii na mu aa toor.

Ilahn 79:7

ba pu? bima le ku saanib; bi kuln saatingbaln a.

Aisaya 5:9

M ŋun Uwumbɔr Mpɔɔnsakpiindaan len ke, “Ŋidichanyaan sakpiin ŋimina mɔmɔk ga kpaln ŋidichakuun ki lir.”

Jeremia 17:27

See bi kii maamɔb, ki joo Likpaakool daal ke mu ye nwinyaan daal. Bi taa tu lituln libaa ki di dii Jerusalem aabisamɔi nwiin ngbaan daal; bi yaa ŋa kina kan, m ga see Jerusalem aabisamɔi mmii. Le mmii wu Jerusalem aabɔrchiln, le ubaa aan ŋmaa junn mu.”

Jeremia 21:10

M siin ke maan cha kitiŋ kee ŋmar, m siin ke m kuln ki la. M ga di ki tii Babiloŋ yaab aabɔr le u see ki mmii. Min Uwumbɔr le len kina.”

Jeremia 32:29

ki see ki mmii. Bi ga see ki ni tidir ti pu binib seer tulalee aayon tii liwaal Baal ti paab, ki joo ndaan toor kitork tii ŋiwaa, ki cha maaŋuul fii bi pu na mɔmɔk mmii ni.

Jeremia 34:2

Uwumbɔr u ye Israel yaab Aawumbɔr na, nan bui mi ke m ti tuk Juda Aabɔr Sedekia ke, “Min Uwumbɔr ga di kitiŋ kimina tii Babiloŋ aabɔr, le u see ki mmii.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 37:10

Aa yaa nyaŋ Babiloŋ aajab ngbaan mɔmɔk, le bi kan titotonn na baanja gur dɔ baaboo ni kan, bijabaab ngbaan le ga ki fii ki see kitiŋ kee aan ki wu pel pel.”

Jeremia 38:18

Tɔ, aa yaa yii kaa ti di aabaa tii bi kan, Uwumbɔr ga cha Babiloŋ yaab gaa kitiŋ kimina, ki see ki mmii, le saan ŋmaa ŋmar bi chee.”

Jeremia 5:10

M ga tun ni bidim le bi nan pir maanib aasubil aasui lir, ki taa tee kuln i kookoo. M ga bui bi ke bi pir isubon lir, ba pu? isubon ngbaan aa ye min yee.

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Inandalahn 1:10

Kaadim nan sun kaawangol mɔmɔk; kaanib nan kan baah koo Uwumbɔr Aadichal ponn ni pu na. Uwumbɔr aa tii nsan ke binib bi kaa ye Israel yaab na koo nima chee.

Inandalahn 2:2

Uwumbɔr nan kuln Juda aatiwaatiir na mɔmɔk, kaa san mu kinimbaak. U nan tur tijawan aadichal ŋi nan kii Juda aatiŋ na lir kitiŋ. U nan cha nnaan ngbaan ni binib bi joo mu na jin inimɔɔn.

Inandalahn 2:7

Uwumbɔr yii waatork aabimbiln, le ki siir cha Waadichal li bi chain na. U cha bidim kan nsan ki gbaa wii laagon. Nin chee ti nan joo mpopiin dooni u na, le bi kpa linyaŋ aafuuk.

Esekiel 16:41

Bi ga see saadichal lii, ki cha kipiipaak kan saatafadaan. M ga cha aa di cha kidagook aatuln, ki cha aa taa ki tii aabɔtiib ipiin.

Esekiel 23:47

Cha kina aanipaak yur bi ŋitakpal, ki di kijaak aajuk tak bi, ki ku baabim, ki see baadichal mmii lii.

Esekiel 33:21

Taah nan bi tinaagbiir ni pu na aabin kipiik ni lileler ponn ni aaŋmapiik aawinŋmu daal, le uja u nan san ŋmar Jerusalem aatiŋ ni na nan tuk mi ke kitiŋ ngbaan lir a.

Amos 2:5

Kina pu na, m ga cha mmii wu Juda ki wu Jerusalem yaab aah maa ŋidichal ŋi fɔk ki pɔɔ kiir bibaa na mɔmɔk.”

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.