Jeremia 39:7 - Uwumbɔr aagbaŋ

⁷ Nee aapuwɔb, le u cha bi chuu lokr nyan Sedekia aanimbil, ki di tikululn gbin u ke bi di u buen Babiloŋ aatiŋ ni.

Jeremia 39:7 ပူးပေါင်းရင်းမြစ်များ

2 Bibɔrb 25:7

Sedekia nan si lik, le bi ku ujapɔtiib unimbil ni, le Nebukadnesar cha bi chuu lokr Sedekia aanimbil, le ki di tikululn gbin u, ki di u buen Babiloŋ aatiŋ ni.

Ilahn 119:8

M ga kii tii saakaal, kina pu na, taa di mi lii.

Jeremia 20:4

Uwumbɔr ubaa le len ke, ‘M ban m cha aa li ye ijawaan aawan ki tii sin aabaa ni aajɔtiib la, le baadim ga di kijaak aajum ku bi aanimbil ni. M ga di Juda aanib mɔmɔk di ŋa Babiloŋ aabɔr aapɔɔn ni; u ga chur bibaa tinaagbiir buen waatiŋ pu, le ki ku biken mu.

Jeremia 34:3

Saan ŋmar; bi ga chuu si le ki di si tii u. Aanimbil ga kan u gbin gbin le aa ni uma len tɔb chee tibɔr; le bi di si buen Babiloŋ aatiŋ ni.

Jeremia 44:30

M ga di Ijipt Aabɔr Hofra tii waadim bi ban ke bi ku u na, ke maah di Juda Aabɔr Sedekia tii waadin Babiloŋ Aabɔr Nebukadnesar u nan ban ke u ku u pu na la.”

Jeremia 52:11

Nee aapuwɔb, le u cha bi chuu lokr Sedekia aanimbil, le ki di tikululn gbin u ki di u buen Babiloŋ ni. Sedekia nan gaar kiyondiik ni Babiloŋ ni le ki ti saa nwiin mundaal u kpo na.

Esekiel 12:13

le m ga taln maapɔɔk ki chuu u ki ponn ni, le ki di u buen Babiloŋ aatiŋ ni, nin chee u ga ti kpo, kaan kan kitiŋ ngbaan kpala na.

Bibɔjirb 16:21

Filistia yaab nan chuu u, le ki chuu lokr unimbil. Bi nan di u buen Gasa aatiŋ ni, le ki ti di tikumann aakululn baa u, le u nan n‑yon kiyondiik ni.