Jeremia 39:4 - Uwumbɔr aagbaŋ

⁴ Ubɔr Sedekia ni waajab aah nan kan tiwan ni bi ŋani na, bi nan pɔɔk bibaa ke bi loon kinyeek ki san nya kitiŋ ngbaan ponn ni. Bi nan dii libɔrdichal aasaak ni, le ki dii mbisamɔb mu bi ŋigon ŋilee ngbaan aakaasisik ni na, ki nyan, ki di toŋ Jɔɔdann aafataŋ wɔb.

Jeremia 39:4 ပူးပေါင်းရင်းမြစ်များ

2 Bibɔrb Aabɔr 32:5

Ubɔr Hesekia nan moo toor Jerusalem aagoln le ki maa tidifɔfɔŋ li paab, ki ki maa ligoln liken lima ngbaan aapuwɔb, ki moo tii kitiŋ ngbaan mpɔɔn. U nan ki ŋa tikpaatunn ni kijaak aapen mu pam.

Aisaya 22:11

ni gbii limɔɔl bil kitiŋ ngbaan ponn ni ke ni chuu nnyun mu nyan ni kibukpiik kpok na ni, kaa tee dak Uwumbɔr u kpokl tibɔbir timina mɔmɔk n‑yoonn mu jer na ki cha ti ŋa kina na ma bɔr.

Aisaya 22:3

Nimi aaninkpiib mɔmɔk san, kaa kee too mpiin mubaa, le baadim chur bi.

Aisaya 29:2

le Uwumbɔr ga di tibɔbir lii kitisakpeŋ ki bi yin ki ke “Uwumbɔr aatork aabimbiln” na pu. Ikpowiil ni iwiil ga li bi ki ponn ni, le kitisakpeŋ ngbaan mɔmɔk ga li gbii nsin ke kitork aabimbiln paab na.

Jeremia 32:4

le Ubɔr Sedekia aan ŋmar. Bi ga di u tii Babiloŋ aabɔr; unimbil ga kan u gbin gbin, le ki len u chee tibɔr.

Jeremia 32:5

Bi ga di Sedekia buen Babiloŋ ni, le u ga ti gaar nima ki ti saa buyoonn m ga chiin u na. U yaa jan Babiloŋ yaab kijaak kan, waan ŋmaa nyaŋ bi. Min Uwumbɔr le len kina.”

Esekiel 12:12

Ujojoor u joo bi na ga di waatuln buŋ ubɔgbiln pu ki loon dii liboln li bi chee ligoln ni tii u na libɔmbɔln ni ki san. U ga poo biin unimbil pu, kaan li waa waah cha nin chee na,

Esekiel 12:4

Nwiin aah kaa kee lir na, buu saatuln ki li cha kikusɔŋ yaan, aan bi li waa si, ki cha bi kan si kijook wɔb ke saah cha kikusɔŋ le na.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Liifai Yaab 26:36

“Nimi bi ga li bi tinaagbiir ni, ntiyayam ni na, m ga cha ijawaan chuu nimi sakpen, hali libuln yaa daa kifark aan ki dam kan, ni ga san. Ni ga san ke baah san dii nimi butɔb ponn ni le na. Nimi aadim aan li bi ni chee, le ni lir kitiŋ.

Amos 2:14

Hali, binib bi ŋmaa san sakpen na aan ŋmar; bipɔɔndam aapɔɔn ga doo, le butɔb aajab aan ki ŋmaa gaa bibaa lii.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.