Jeremia 39:16 - Uwumbɔr aagbaŋ

¹⁶ ke m tuk Ebed Melek, u ye Kus aanii na ke Uwumbɔr Mpɔɔnsakpiindaan, u ye Israel yaab Aawumbɔr na len ke, “Maah nan len ke m ga ŋa pu na, m ban m joo ni kitiŋ kimina libiil la, naan li ye nkam. Nimina yaa nan ŋa kan, aa ga li bi nima ki kan ni,

Jeremia 39:16 ပူးပေါင်းရင်းမြစ်များ

2 Bibɔrb Aabɔr 36:21

Kina pu na, Uwumbɔr aah nan cha waabɔnabr Jeremia len pu na gbiin ke, “Kitiŋ ngbaan ga doon nkuun ki ti saa ŋibin imonko itaa ni kipiik, ki teen Likpaakool daal aafuur li bi nan yii kaa kal fuur na.”

Ilahn 92:11

M kan maadim aah lir pu na, ki ŋun bibiindam aah wii pu na.

Jeremia 26:15

Tɔ, li nyi man kina: ni yaa ku mi kan, nimi ni kitiŋ kee aanib aabɔr ga bii ke ni ku unii u kaa tun taani ubaa na, ba pu? Uwumbɔr le tun ni mi ke m nan sak nimi.”

Jeremia 26:18

“Hesekia aah nan ye Juda aabɔr na, Uwumbɔr aabɔnabr Maika u nan bi Moresef aatiŋ ni na nan tuk binib mɔmɔk ke Uwumbɔr Mpɔɔnsakpiindaan len ke, ‘Bi ga kpar Sionn ke lisikpel na, le Jerusalem kpaln tilangbenn aakpuk, le Uwumbɔr Aadichal aagongoln ga kpaln kichook.’

Jeremia 26:20

Tɔ, uja ubaa mu ki bi, ki len Uwumbɔr aayimbil pu tibɔbir kitiŋ kee, ni litimbol lee pu, ke Jeremiah aah len pu na. U nan ye Semaya u nyan ni Kiriaf Jearim na aajapɔɔn Uria.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 35:17

Kina pu na, min Uwumbɔr Mpɔɔnsakpiindaan u ye Israel yaab Aawumbɔr na ga cha libiil li m puu ke li ga dan na, dan nimi Juda ni Jerusalem aanib pu. Maah len ni chee aan naa pel, ki yin nimi aan naa kii na, le ga cha m ŋa kina.”

Jeremia 36:31

M ga daa aatafal, ki daa aayaabitiib, ni saaninkpiib aatafal titunwanbir ti ni mɔmɔk tun na pu. Aa ni Jerusalem ni Juda aanib yii kaa pel maah sak nimi pu na, kina pu le m ga cha ni kan tibɔbir ti m puu ke ni ga kan ti na.”

Jeremia 40:3

le ki sil ŋa waah nan len pu na. Saanib aah tun Uwumbɔr titunwanbir, kaa kii waamɔb pu na, le cha nimina mɔmɔk ŋa.

Jeremia 44:27

Maan ki cha ni ponn ni ubaa kan nkam, le ki tee kuln nimi. Ni mɔmɔk ga kpoi, ni ga kpoi butɔb ni, ni iween ni, ki ti saa n‑yoonn mu ubaa aan gur na.

Daniel 9:12

Aa nan ŋa saah nan bui ke aa ga ŋa timi, ni binib bi joo timi na mɔmɔk pu na. Kitiŋ kibaa aa ki bi taab do ki kan ntafadaan mu aa nan di tii Jerusalem na.

Amos 9:4

Baadim yaa chuu bi kunn bido kan, m ga cha bi ku bi. M ban m kuln bi la, maa ban m ter bi.”

Sekaria 1:6

M nan cha maatutum bi ye bibɔnabr na tii niyaajatiib ikaal ni nsurm, le bi yii i, le ki jin falaa i pu. Le bi bee ke bi tun taani, ki bee ke min, Uwumbɔr Mpɔɔnsakpiindaan le daa bitafal ke maah nan puu ke m ga ŋa pu na, ki ŋeer baah tun pu na.’”

Matiu 24:35

Paacham ni taab ga jer. Maamɔbon ma aan jer.”