Jeremia 39:14 - Uwumbɔr aagbaŋ

¹⁴ nan ti nyan ni mi libɔrchiln ni. Bi nan di mi ŋa Gedalia, u aate ye Ahikam, aan uyaaja ye Safann na aaŋaal ni la, ke u li joo mi mbamɔm ti fuu linampal. Kina pu na, m nan gur koo maanib chee la.

Jeremia 39:14 ပူးပေါင်းရင်းမြစ်များ

2 Bibɔrb 22:12

le ki bui utotoor Hilkia ni Safann aajapɔɔn Ahikam, ni Mikaya aajapɔɔn Akbor, ni libɔrchiln ni aagbaŋmeer Safann, ni ubɔr aatutunn Asaya ke:

2 Bibɔrb 22:14

Ubɔr aamɔboln ngbaan pu le Hilkia, ni Ahikam, ni Akbor, ni Safann, ni Asaya nan buen upii u bi yin u ke Hulda na chee bi ti baa lik. Upii ngbaan nan ye Uwumbɔr aabɔnabr le ki koo baah laa maa Jerusalem ponn ni ŋidichapɔɔn lipepel li na ni. Uchal le nan ye Tikfa aajapɔɔn Salum. Salum aayaaja le nan ye Harhas. Uchal ngbaan le nan ye Uwumbɔr Aadichal ni aawanpeenkaan aaninkpel. Bi nan ŋeer tuk upii ngbaan tiwan ni ŋa na,

2 Bibɔrb Aabɔr 34:20

le ki bui Hilkia, ni Safann aajapɔɔn Ahikam, ni Mikaya aajapɔɔn Abdonn, ni libɔrchiln ni aagbaŋmeer Safann, ni ubɔr aatutunn Asaya ke,

Ilahn 105:19

ki ti saa n‑yoonn mu u nan puu ke tiwan ni ga ŋa na gbiin kina. Uwumbɔr aamɔboln nan mɔk ke u sil ye ubamɔndaan.

Jeremia 26:22

Le ubɔr Jehoyakim nan tun Akbor aajapɔɔn Elnatann ni bijab bibaa Ijipt ni, ke bi ti li joo ni Uria.

Jeremia 26:24

Tɔ, Safann aajapɔɔn Ahikam aah nan si nchaŋ ni na, le baa nan di mi tii binib ngbaan ke bi ku mi.

Jeremia 32:2

N‑yoonn ngbaan le Babiloŋ aabɔr aajab nan bi tak Jerusalem, le m mu laŋ libɔrdichal aachiln ni.

Jeremia 37:21

Le Ubɔr Sedekia cha bi di mi ti laŋ libɔrchiln ponn ni. M nan bi nima, le nwiin mɔk kan, bi joo boroboro likpiln libaa nya ni baah pu boroboro nin chee na nan tii mi, ki ti saa bundaal boroboro nan doo kitiŋ ngbaan pu na.

Jeremia 38:13

le bi daa nyan ni mi nnyunbun ngbaan ni. Nee aapuwɔb na, m nan gur bi libɔrchiln ni la.

Jeremia 38:28

M nan bi libɔrchiln ni ki ti saa nwiin mundaal bi nyaŋ Jerusalem na.

Jeremia 39:13

Le Nebusaradann ni bininkpiib, Nebusasbann, ni Negal Sareser, ni Babiloŋ aabɔr aaninkpiib mɔmɔk

Jeremia 39:15

Maah nan laa beenin bi kiyondiik ni libɔrchiln ni na, le Uwumbɔr nan bui mi

Jeremia 40:1

Babiloŋ aajab aayidaan Nebusaradann aah nan nyan mi lii Rama aatiŋ ni na, le Uwumbɔr nan len m chee tibɔr. Bi nan gbin mi tikululn ki di m ni Jerusalem, ni Juda aanib bi bi nan chuu bi tinaagbiir joo chaa Babiloŋ ni na buen nima chee.

Jeremia 40:5

Maah kaa nan gar na, le Nebusaradann bui ke, “Gir ki li cha Ahikam, u aate ye Safann na aajapɔɔn Gedalia, u Babiloŋ aabɔr di u ŋa Juda aatim aayidaan na chee. Aa ga ti li ŋmaa koo u chee, ki li bi saanib ni. Aa yaa kaa ti ki gee kina kan, aa ga ŋmaa buen saah gee nin chee na.” U nan tii mi ipiin ni tijikaar ke m li joo cha, le ki di mi lii.

Jeremia 40:6

M nan buen Mispa aatiŋ ni, le ki ti koo Gedalia ni binib bi gur kitiŋ ngbaan pu na ni chee.

Jeremia 40:7

Juda aaninkpiib ni baajab bibaa aa nan di bibaa tii Babiloŋ yaab. Bi nan ŋun ke Babiloŋ aabɔr nan di Gedalia ŋa Juda aayidaan, le u joo binib bi mɔmɔk nan gur kitiŋ ngbaan ni, baa nan di bi buen Babiloŋ ni, ki ye bigiim na.

Jeremia 41:1

Libinbaal ngbaan aaŋmalole ni, le Ismael, u aate ye Netania, aan uyaaja ye Elisama, ki nyan ni libɔrdichal ni, ki ye ubɔr aaninkpiib ponn ni ubaa na, nan di bijab kipiik buen Mispa ke bi ti kan Gedalia. Baah nan ti kpaan ki ka ji tijikaar na,