Jeremia 39:1 - Uwumbɔr aagbaŋ

¹ Sedekia aah nan ye Juda aabɔr pu na aabiwawaer aaŋmapiik ni, le Babiloŋ Aabɔr Nebukadnesar ni waajab mɔmɔk nan dan nan tak Jerusalem.

Jeremia 39:1 ပူးပေါင်းရင်းမြစ်များ

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

Jeremia 32:1

Sedekia aah nan ye Juda aabɔr pu na aabin kipiik ni le Uwumbɔr nan len m chee tibɔr. Libiln ngbaan le nan ye Babiloŋ Aabɔr Nebukadnesar mu aabin kipiik ni ŋiniin nnaan ni.

Jeremia 34:1

Buyoonn Babiloŋ Aabɔr Nebukadnesar ni waajab, ki di kpee ŋitimbol ni ŋinibol ŋi mɔmɔk nan bi u taab na aajab, nan bi tak Jerusalem ni ntim mu bi gbɔk ki na, le Uwumbɔr nan ki len m chee tibɔr.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 42:18

Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Jeremia 52:1

Sedekia nan ye ŋibin moninko ni libaa aanii le ki jin Juda aanaan, le ki nan ka Jerusalem aatiŋ ni ki joo kitiŋ ngbaan ki ti saa ŋibin kipiik ni libaa. Una aayimbil le nan ye Hamutal. Hamutal aate le nan ye Jeremia u nan koo Libna aatiŋ ni na.

Jeremia 6:6

Uwumbɔr Mpɔɔnsakpiindaan le cha bibɔrb ngbaan pir isui ki maa ŋibimbin ke bi gob Jerusalem. U bui ke, “Kitiŋ ngbaan ponn ni aah gbii limukl sakpen pu na, le m ga daa kitafal.

Esekiel 33:21

Taah nan bi tinaagbiir ni pu na aabin kipiik ni lileler ponn ni aaŋmapiik aawinŋmu daal, le uja u nan san ŋmar Jerusalem aatiŋ ni na nan tuk mi ke kitiŋ ngbaan lir a.

Esekiel 4:3

Aa yaa ŋa kina doo kan, aa ban tikur aapeln li pee na ki di ŋum ke ligoln na, aa ni kitiŋ ngbaan aakaasisik ni. Fenn toŋ kitiŋ ngbaan. Bijab gob ki le na, sin le ye u bi gob ki na. Nimina le ga li ye limɔkl ki tii Israel yaab.

Esekiel 40:1

Taah nan bi tinaagbiir ni pu na aabipɔln li nan ŋa ŋibin moninko ni ŋiŋmu na aawiin kipiik daal, baah nan nyaŋ Jerusalem aatiŋ pu na aabin kipiik ni ŋinaa aapuwɔb le nan bi na. Liyaadaal ngbaan le m nan kan ke Uwumbɔr aapɔɔn sakpiin na koo mi, le u yoor mi di buen.

Esekiel 5:2

Butɔb aajab aah ŋa tiwan ni mɔmɔk ki gob Jerusalem aatiŋ na yaa nan jer kan, aa di liker libaa ŋa mmii ni, kitiŋ ngbaan ponn ni. Di saajaak aajuk chɔi chɔi liker liken buyoonn aa nyan kitiŋ ngbaan ni ki bi chuun na. Di liker li gur na yaa libuln ni, aan m di maajaak aajuk paan ti pu.

Sekaria 8:19

“Bumɔb aalulm bu ni lulni ŋmanaa, ni ŋmaŋmu, ni ŋmalole, ni ŋmapiik ni na ga kpaln mpopiin, ni mmɔɔn aajim le ki tii Juda aanib. Ni li gee ibamɔn ni nsuudoon.”

Ikaal 28:36

“Uwumbɔr ga cha bi di nimi, ni nimi aabɔr buen biwɔwɔm aatim ni, nin chee niyaajatiib, ni nimi nibaa aa kee buen na. Nima chee le ni ga ti li dooni idɔ ni ŋitakpal aawaa.