Jeremia 38:7 - Uwumbɔr aagbaŋ

⁷ Tɔ, Kus aatiŋ aaja, u bi nan yin u ke Ebed Melek, ki ye uja u bi chuu lee nyan waajawan, aan u ye ututunn libɔrchiln ni na, nan ŋun ke bi di mi ti ŋa nnyunbun ngbaan ni. N‑yoonn ngbaan, ubɔr nan ka Benjaminn Aabisamɔb chee ji binib tibɔr.

Jeremia 38:7 ပူးပေါင်းရင်းမြစ်များ

2 Bibɔrb 24:15

Nebukadnesar nan chuu Jehoyachinn tinaagbiir le buen Babiloŋ aatiŋ ni. U nan chuu Jehoyachinn aana, ni upuutiib, ni waaninkpiib, ni Juda aasalolm mɔmɔk buen.

Ilahn 68:31

Bininkpiib ga nya ni Ijipt ki dan; Kus yaab ga yoor biŋaal paacham ki mee Uwumbɔr.

Ŋiyataŋak 29:10

Binikurb aa gee binib bi kaa kpa taani na, le uninyaan ga ŋmaa gaa kina aanii lii.

Aisaya 56:3

Uwɔwɔnja u kpaan Uwumbɔr aanib chee na taa bui ke, “Uwumbɔr aan cha m ni waanib kpaan doon u.” Baah kpaa uja u na taa dak ke waah kaan ŋmaa maa mbim na, waan ŋmaa ŋmal Uwumbɔr aanib ni.

Jeremia 13:23

Unii u aawon bɔn na ga ŋmaa kpeln ti ŋa ti man na aa? bee upeenaamuun ga ŋmaa nyan uwon aah tuur tuur pu na aa? Bi yaa ga ŋmaa ŋa kina kan, nimi bi tun titunwanbir ŋmeen na mu ga ŋmaa kpeln ki ŋa ni ŋan na.

Jeremia 20:2

le u bui ke bi gbaa mi, ki di tikululn baa mi kaan mbisamɔb mu bi Uwumbɔr Aadichal chee, aan bi yin mu ke Benjaminn Aabisamɔb na.

Jeremia 26:16

Le biyidam ni binib ngbaan bui bitotoorb ni bibɔnabr ngbaan ke, “Uja wee len ti chee tibɔr Tidindaan Uwumbɔr aayimbil pu la; naa ŋan ke ni ku u.”

Jeremia 29:2

Baah nan chuu Ubɔr Jehoyachinn, ni una, ni libɔrchiln ni aaninkpiib, ni Juda ni Jerusalem aayidam, ni bikpikpiib, ni biwanŋab mɔmɔk di buen tinaagbiir ni na aapuwɔb le m nan ŋmee kigbaŋ ngbaan.

Jeremia 37:13

Maah ti fuu mbisamɔb mu bi yin mu ke Benjaminn Aabisamɔb chee na, le bijab bi si kii nima na aaninkpel, aan bi yin u ke Irija, aan ute ye Selemia, u mu aate nan ye Hanania na, kiir mi ke m taa jer, le ki bui mi ke, “Aa san aa ti kpee Babiloŋ aajab pu la.”

Jeremia 38:8

Le Ebed Melek buen nima ki ti bui ubɔr ke,

Amos 5:10

Nimi le nan binib bi len ibamɔn kaa gee inyamɔn aabɔr na.

Sekaria 14:10

Lipepel ngbaan mɔmɔk ni, ki nya Geba aatiŋ ki bi ŋŋangan wɔb na, ki ti saa Rimonn aatiŋ ki bi ŋŋangii wɔb na ga ŋa taar. Kitiŋ ki mann Jerusalem ki ti ton na ga li waa ki. Kitiŋ ngbaan ga nya mbisamɔb mu bi yin mu ke Benjaminn Aabisamɔb na, ki ti saa mu bi yin mu ke Kilɔlɔŋ ni Aabisamɔb, nin chee mbisamɔb nan puen bi na, ki nya Hananel Aakikiib Aadifɔfɔk na chee ki ti saa libɔrchiln ni aasubil aadaan aabuu aah bi nin chee na.

Matiu 20:16

“Liyataŋakl limina aatataa le ye ke puwɔb yaab ga nan ŋa bisalolm. Bisalolm mu ga nan ŋa puwɔb yaab.”

Ikaal 21:19

ute ni una di u buen kitiŋ ngbaan ni aayidam chee, ki cha bi ji u tibɔr.

Josua 20:4

u san buen mbɔbɔryaan aatiŋ ngbaan kibaa ponn ni, ki buen kitiŋ ngbaan aabisamɔb, nin chee bi ji binib tibɔr na, ki ti kpiir len kitiŋ ngbaan aaninkpiib chee tiwan ni u ŋa na. Le bi ga cha u li koo kitiŋ ngbaan ni, ki tii u nibaa chee u li koo aan ki li bi nima.