Jeremia 38:19 - Uwumbɔr aagbaŋ

¹⁹ Le ubɔr ngbaan gar mi ke, “M san tido yaab bi ti kpee Babiloŋ yaab pu na le ijawaan. Nibaakan, bi ga di mi tii bi le bi saan mi.”

Jeremia 38:19 ပူးပေါင်းရင်းမြစ်များ

2 Bibɔrb Aabɔr 30:10

Ituun ngbaan nan buen Efraim ni Manase aanibol aapepel aatim mɔmɔk ni, ki di kina ti nyan ŋŋangan wɔb Sebulunn aanibol ni, le binib ngbaan nan tee laa bi ki ŋani bi mbɔnyun.

Nehemia 4:1

Sanbalat aah ŋun ke timi Juu yaab ki bi maa ligoln ngbaan na, le liŋuul chuu u pam, le u piin ki bi ŋani timi mbɔnyun.

Job Aagbaŋ 31:34

Maa kee san binib aah ga len pu na aanimɔɔn; maa kee ka ŋmin, kaa kee bee kidiik ni, binib aalaar pu.

Ŋiyataŋak 29:25

Aa yaa dii binib aah dak aa pu pu na kan, naa ŋan. Aa yaa tii Uwumbɔr naadii kan, le aa ŋmar.

Aisaya 57:11

Uwumbɔr bui ke, “Ŋiwaa ŋi cha ijawaan chur nimi na ye ŋma, le ni tuk mi inyamɔn aabɔr ki suln m pu kookoo? Maah ŋmin suuna kaa ki gar nimi ni yunn sakpen na, le naa ki pak mi ii?

Jeremia 20:7

Uwumbɔr, aa ŋmann mi la, ki nan sil ŋmann mi. Aa pɔɔ ki jer mi, le ki nyaŋ mi. Unii mɔmɔk laa mi la, bi ŋani mi yaansara le nwiin ti lir.

Jeremia 38:22

Ti ponn ni, m nan kan bi joo bipiib bi gur Juda aabɔrchiln ni na cha Babiloŋ aajab aaninkpiib chee. Li pel baah nan cha ki len pu na: ‘Ubɔr aajɔtiib bi gee u sakpen na ŋmann u a, bima le gur joo u. Le waah ti chɔb bee tikpakpar ni na, le bi san cha u.’”

Jeremia 38:5

Le Ubɔr Sedekia gar bi ke, “Ni ŋan, kina kan, ŋa u naah gee pu na man; maan ŋmaa bui ke ni di cha.”

Jeremia 39:9

Kookoo na, Nebusaradann, u ye bijab ngbaan aayidaan na nan chur binib bi nan gur Jerusalem ni na, ki di kpee bi nan san ti kpee u pu na buen Babiloŋ ni, tinaagbiir ni.

Jɔnn 12:42

Tɔ, Juu yaab aaninkpiib pam nan gaa Yesu ki kii; Farisii yaab pu, le baa len lipaal ke bi gaa u ki kii. Bi yaa len ke bi gaa u ki kii kan, Farisii yaab ngbaan ga nyan bi mmeen aadiik ni.

Bibɔjirb 9:54

Le u ŋa mala ki yin unachipɔɔn u joo waajawan na ki nan bui u ke, “Fuur saajaak aajuk ki di ku mi. Maa ban ke bi nan len ke upii le ku mi.” Kina pu le unachipɔɔn ngbaan nan saa chaar u, le u kpo.

1 Samuel 15:24

Le Sɔɔl kii ke, “Een, m tun titunwanbir. M yii Uwumbɔr aamɔb, ni saah mɔk pu na. M san maajab le ijawaan, ki ŋa baah ban pu na.

1 Samuel 31:4

Le u bui unachipɔɔn u joo waajawan na ke, “Nyan saajaak aajuk ki ku mi, aan Filistia yaab bi kaa san Uwumbɔr na taa nan di kinanaŋ ku mi.” Le ijawaan nan chuu unachipɔɔn ngbaan sakpen, le waa kaa u ŋa kina. Kina pu le Sɔɔl nyan ubaa aajaak aajuk ki lir ki pu ki ku ubaa.