Jeremia 38:18 - Uwumbɔr aagbaŋ

¹⁸ Tɔ, aa yaa yii kaa ti di aabaa tii bi kan, Uwumbɔr ga cha Babiloŋ yaab gaa kitiŋ kimina, ki see ki mmii, le saan ŋmaa ŋmar bi chee.”

Jeremia 38:18 ပူးပေါင်းရင်းမြစ်များ

2 Bibɔrb 24:12

le Ubɔr Jehoyachinn, ni una, ni ujapɔtiib, ni waaninkpiib, ni libɔrdichal ni aaninkpiib di bibaa tii Babiloŋ aajab. Nebukadnesar aanaan aabiln lininiin ni, le u nan chuu Jehoyachinn tinaagbiir,

Jeremia 21:10

M siin ke maan cha kitiŋ kee ŋmar, m siin ke m kuln ki la. M ga di ki tii Babiloŋ yaab aabɔr le u see ki mmii. Min Uwumbɔr le len kina.”

Jeremia 27:8

“Litimbol, bee nnaan mubaa yaa kaa kii tii u kan, m ga di butɔb, ni nkon, ni iween daa litafal ki ti saa buyoonn m ga cha Nebukadnesar kuln li pel pel na.

Jeremia 37:8

Le Babiloŋ aajab ga gir ni ki nan tak kitiŋ kee, ki nyaŋ ki, ki see ki mmii.

Jeremia 38:23

Le m ki len ke, “Saapiib, ni saabim mɔmɔk ga koo Babiloŋ yaab aaŋaal ni, le sin aabaa aan ŋmar bi chee. Babiloŋ aabɔr ga chuu si tinaagbiir, le kitiŋ kimina ga wu mmii pel pel.”

Jeremia 38:3

M nan ki bi tuk binib ngbaan ke Uwumbɔr bui ke, “M ga di kitiŋ kimina tii Babiloŋ aajab, le bi ga nyaŋ ki.”

Jeremia 39:3

Baah nan gaa Jerusalem aatiŋ na, le Babiloŋ aabɔr aajab aaninkpiib mɔmɔk dan ki nan kal kal mbisamɔb mu bi yin mu ke Kaasisik ni Aabisamɔb na chee: Negal Sareser, ni Samgar Nebo, ni Sarsekim, ni Negal Sareser uken nan kpee bininkpiib ngbaan pu.

Jeremia 39:8

N‑yoonn mue na, Babiloŋ yaab ngbaan nan see libɔrdichal, ni binib aadichal mu lii, ki tur Jerusalem aagon lir.

Esekiel 12:13

le m ga taln maapɔɔk ki chuu u ki ponn ni, le ki di u buen Babiloŋ aatiŋ ni, nin chee u ga ti kpo, kaan kan kitiŋ ngbaan kpala na.

Esekiel 17:15

Juda aabɔr nan nyan upuwɔb, le ki buen Ijipt aabɔr chee ti ban itaan, ni butɔb aajab bi wiir na. U ga nyaŋ aa? U ga ŋmaa nya tibɔr ngbaan ni ii? Waan ŋmaa bii kimɔbaan ngbaan kaa kan ntafadaan.”