Jeremia 38:16 - Uwumbɔr aagbaŋ

¹⁶ Le Ubɔr Sedekia nan loon ki puu tii mi ke, “M puu Uwumbɔr u bi, ki tii timi limɔfal na, ke maan ku si, kaan di si tii binib bi ban bi ku si na.”

Jeremia 38:16 ပူးပေါင်းရင်းမြစ်များ

Ulandaan 12:7

Timi aawon ga ki gir kpaln kitiŋ aatan, le limɔfal aafuurk ga gir buen Uwumbɔr u di li tii timi na chee.

Aisaya 42:5

Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Aisaya 57:16

M tii maanib limɔfal, kina pu na, maan ki galn bi ki gee liŋuul bi pu ki ti saa n‑yoonn mu kaa kpa ndoon na. M yaa ŋa kina kan, bi ga fik.

Jeremia 34:20

M ga di bi tii baadim bi ban bi ku bi na, le baanikpol ga li ye inyoon ni ipeel aajikaar.

Jeremia 37:17

N‑yoonn mubaa Ubɔr Sedekia nan tun yin mi, le ki nan bui mi libɔrchiln ni nima, libɔɔl ni, ke, “Uwumbɔr kpa tibɔr u tii timi ii?” Le m gar u ke, “Ti bi. Bi ga di si ŋa Babiloŋ aabɔr aaŋaal ni.”

Sekaria 12:1

Uwumbɔr aah nan len Israel aabɔr ti na sɔ. Uma le ye Uwumbɔr u taln kitaapaak na. Uma le naan kitiŋ, le ki tii unibɔn limɔfal. U len ke,

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

Nkahm 27:16

“Ndindaan Uwumbɔr, sin u ye umɔfadaan na, m mee ke aa nyan uja u ga ŋmaa joo binib bee na,

Jɔnn 3:2

Le u buen Yesu chee kinyeek ki nan bui u ke, “Umɔmɔkr, ti nyi ke aa ye Umɔmɔkr u nyan ni Uwumbɔr chee na la; ba pu? ubaa aan ŋmaa tun lijinjiir aatun ke saah tun pu na, see Uwumbɔr bi u chee.”

Lituln 17:25

Uma ubaa le tii binib mɔmɔk limɔfal, ni libuln li ti fuur na, ni tiwan mɔmɔk. Waah ban pu na, u kpa. Unii yaa tun lituln tii uma Uwumbɔr kan, naa kpae Uwumbɔr nibaa.

Lituln 17:28

Uma pu le ti fu, ki chuun, ki bi. N‑yaayoonn na, nimi aalankpalb bibaa nan len ke, ‘Ti ye Uwumbɔr aabim la.’ Baah len pu na, ti gbii.

Hiibru Yaab 12:9

Titetiib bi ma timi na nan dar titafal la, le ti pak bi. Nima le ni ŋan ke ti kii Tite Uwumbɔr u bi paacham na aamɔb ki jer kina, aan ki kan limɔfal.