Jeremia 37:7 - Uwumbɔr aagbaŋ

⁷ m tuk Sedekia ke, “Ijipt aajab choo ke bi nan ter si, tɔ, bi mu ga gir kun.

Jeremia 37:7 ပူးပေါင်းရင်းမြစ်များ

2 Bibɔrb 22:18

Min, Israel yaab Aadindaan Uwumbɔr aah kpa pu ki joo cha ubɔr wɔb na sɔ: ‘Aa pel tibɔr ti bi kigbaŋ ngbaan ni na,

2 Bibɔrb 24:7

Ijipt aatiŋ aabɔr ni waajab aa nan ki nyan Ijipt aatiŋ ni, ba pu? Babiloŋ aatiŋ aabɔr le nan gur joo lipepel li nan ye Ijipt aapepel na, ki nyan Yufrates Aamɔɔl mɔk ki ti saa Ijipt aaŋangan wɔb aatinaanmɔk.

Ŋiyataŋak 21:30

Unibɔn aalan ni ichiin aan ŋmaa nyaŋ Uwumbɔr.

Aisaya 30:7

Ijipt aaterm aa kpa tinyoor. Kina pu le m naan Ijipt aatiŋ liyimbinaankee ke, ‘Kipeewanbiik ki kaa ŋmaa ŋa nibaa na.’”

Aisaya 36:6

Ni ka dak ke Ijipt yaab le ga ter nimi, tɔ, kina mu ga li naahn unii u di likal di ŋa waajaangbeek na la, li ga koo le ki saa uŋaal. Ijipt aabɔrkpaan bi kina le ki tii umɔk mak u pu na.”

Jeremia 2:18

Ni dak ke ni yaa gir buen Ijipt aatiŋ ni ki ti nyun Nail aamɔɔl ponn ni aanyun kan, ni ga kan ba aanyoor? Ni dak ke ni yaa buen Asiria ki ti nyun Yufrates aamɔɔl aanyun kan, ni ga kan ba aanyoor?

Jeremia 2:36

Ni di nibaa ŋa dafir aanib, naah chuun dii ŋitimbol ŋiken aawaa pu na pu. Ijipt yaab ga jinn nimi inimɔɔn ke Asiria yaab aah nan ŋa nimi pu na.

Jeremia 2:37

Ni ga di inimɔɔn le fenn nipuwɔb tii Ijipt yaab. Min Uwumbɔr le yii naah tii binib bi naadii na; naan kan tinyoor tibaa bi chee.”

Jeremia 21:1

Juda aabɔr Sedekia nan tun ni Malkia aajapɔɔn Pasur, ni Maaseya aajapɔɔn Sefania, u ye utotoor na m chee ke,

Jeremia 21:2

“Ti gaŋ si ke aa len Uwumbɔr chee tibɔr tii timi, Babiloŋ Aabɔr Nebukadnesar ni waajab aah bi gob timi aatiŋ pu na pu. Nibaakan, Uwumbɔr ga tun waajinjiir aatuln libaa tii timi, ki cha Nebukadnesar gir upuwɔb.”

Jeremia 37:3

Ubɔr Sedekia nan di Selemia aajapɔɔn Jehukal ni utotoor Sefania, u aate nan ye Maaseya na tun ni ke bi nan bui mi ke m mee Tidindaan Uwumbɔr timi aatimbol pu.

Jeremia 37:5

Babiloŋ aajab nan beenin looni Jerusalem, le baah ŋun ke Ijipt aajab puur baatiŋ aanaanmɔk ki choo na, le bi gir chaa kun.

Jeremia 37:6

Le Uwumbɔr u ye Israel yaab Aawumbɔr na bui mi ke

Inandalahn 1:7

Jerusalem aatiŋ teer kaayaayoonn na aanyaan bɔr, le ki gur ber ki dɔ suuna. Kaah nan lir kaadim aaŋaal ni na, ubaa aa nan bi ki ter ki. Le binib bi nan nyaŋ ki na laa, kaah nan lir pu na.

Inandalahn 4:17

Ti lik ban nterm mu kaa choo na, le kaa ti ki ŋmaa lik. Ti nan kiir ban nterm litimbol li kaa kpa nterm li tii timi na chee, le kaa kan.

Esekiel 17:17

Hali Ijipt aatɔb aajab ni baapɔɔnsakpiin aan ŋmaa ter u, u jan Babiloŋ yaab buyoonn bi maa maa ŋibimbin tam Jerusalem aagon ki gbii ŋibuu ke bi ku binib pam na.

Esekiel 29:16

Israel aatimbol aan ki nyii bi pu daalbaadaal ki ban nterm. Ijipt aabimbin ngbaan le ga teer Israel yaab naah kaa ŋan pu ke bi nyii bi pu ki ban nterm na. N‑yoonn ngbaan le Israel yaab ga bee ke min le ye Bidindaan Uwumbɔr.”

Esekiel 30:22

Tɔ, min Dindaan Uwumbɔr aah len pu na sɔ: M ye Ijipt aabɔr aadin la. M ban m koo uŋaal ilee ngbaan mɔmɔk la, m ga koo mu pɔɔ na ni mu puun koo na, le kijaak aajuk nya uŋaal ni ki lir.