Jeremia 37:21 - Uwumbɔr aagbaŋ

²¹ Le Ubɔr Sedekia cha bi di mi ti laŋ libɔrchiln ponn ni. M nan bi nima, le nwiin mɔk kan, bi joo boroboro likpiln libaa nya ni baah pu boroboro nin chee na nan tii mi, ki ti saa bundaal boroboro nan doo kitiŋ ngbaan pu na.

Jeremia 37:21 ပူးပေါင်းရင်းမြစ်များ

2 Bibɔrb 25:3

Libinbaal ngbaan aaŋmanaa aawinwae daal, buyoonn nkon nan ti moo nyaŋ aan binib aa ki kpa nibaa bi ji na,

Job Aagbaŋ 5:20

Likpasiil yaa fuu ni kan, uma le ga tii si limɔfal, le ki kiir si aan butɔb aakun taa ku si.

Ilahn 37:19

N‑yoonn yaa kaa nan ki ŋan kan, baan ji falaa; le nkon aayoonn kan, bi ga li kpa ni ŋeer bi na.

Ilahn 37:3

Di naadii tii Uwumbɔr, ki li ŋani ni ŋan na; li bi kitiŋ kee pu ki li kpa limɔfal.

Ŋiyataŋak 16:7

Uwumbɔr aasui yaa piin aa pu kan, saadim ga kpaln aajɔtiib la.

Ŋiyataŋak 21:1

Uwumbɔr aah mɔk ubɔr aalandak ke i tun pu na, ni waah mɔk nkpen mu aah ga dii pu na aa pɔɔ u chee kpala.

Aisaya 33:16

Nima kan ni ga ŋmar; ni ga fuur ke naah bi lijool li pɔɔ ki fɔk na paab le na. Ni ga li kpa tijikaar ni ji, ki kpa nnyun mu ni nyu.

Jeremia 20:2

le u bui ke bi gbaa mi, ki di tikululn baa mi kaan mbisamɔb mu bi Uwumbɔr Aadichal chee, aan bi yin mu ke Benjaminn Aabisamɔb na.

Jeremia 32:2

N‑yoonn ngbaan le Babiloŋ aabɔr aajab nan bi tak Jerusalem, le m mu laŋ libɔrdichal aachiln ni.

Jeremia 32:8

Tɔ, Uwumbɔr aah sil len pu na, Hanamel nan dan m chee libɔrchiln ni nima, ki nan bui mi ke m daa nkpaakon ngbaan. Le m bee ke Uwumbɔr sil len m chee tibɔr.

Jeremia 33:1

Maah nan beenin bi kiyondiik ni, libɔrchiln ni na, le Uwumbɔr nan ki len m chee tibɔr.

Jeremia 38:13

le bi daa nyan ni mi nnyunbun ngbaan ni. Nee aapuwɔb na, m nan gur bi libɔrchiln ni la.

Jeremia 38:28

M nan bi libɔrchiln ni ki ti saa nwiin mundaal bi nyaŋ Jerusalem na.

Jeremia 38:6

Le bi nan yoor mi ki ti di iŋmin leen ŋŋaal ki di mi lii nnyunbun mu bi yin mu ke Ubɔrbo Malkia aanyunbun na ni, mu nan bi libɔrdichal aachiln ni la. Nnyun aa nan bi mu ponn ni, tikpakpar ŋmeen le nan bi mu ponn ni, le m chɔb sil ti ponn ni.

Jeremia 38:9

“Mpɔɔndaan, bijab bimina aah ŋa pu na aa ŋan. Bi di Jeremia di ŋa nnyunbun ni; tijikaar aah kaa ki bi kitiŋ kimina ponn ni na, nkon le ga ku u nima.”

Jeremia 52:6

Libiln ngbaan aaŋmanaa aawiin iwae daal, buyoonn nkon nan moo nyaŋ aan tijikaar tibaa aa ki gur binib ji na,

Inandalahn 5:10

Nkon cha fee fee ti ban u ku timi la, le tiwon ton jer kikpawuŋ.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Lituln 12:5

Piita aah laa bi kiyondiik ni na, le Yesu aanib mu nan bi mee Uwumbɔr linimaln, ki tii u.

Lituln 24:27

Ŋibin ŋilee nan jer. Le ubɔr u bi yin u ke Posius Festus na dan nan leŋ Feliks aaleleŋ. Feliks nan ban ke u piir Juu yaab aasui. Nima pu na, waa nan nyan Pɔɔl kiyondiik ni. U nan cha u beenin pii, le ki buen.

Lituln 28:16

Tɔ, ti nan ti fuu Rom aatiŋ ni. Taah fuu nima na, le bi cha Pɔɔl koo kidiik kibaa ni, le butɔb aaja ubaa si kii u.

Lituln 28:30

Pɔɔl nan bi kidiik ngbaan ponn ni ŋibin ŋilee. U nan pan ki pu, le ki bi ki ni. Le binib choo nan manni u nima. Le u gaa bi mɔmɔk ni mpopiin.

Efesusi 4:1

Min Pɔɔl, u bi kiyondiik ni Tidindaan pu na, m gaŋni nimi, ni li dii mbamɔm. Uwumbɔr aah yin nimi ke ni li dii u pu na, ni li dii u kina.

Efesusi 6:20

M si Yesu aasisiiyaan, ki bi kiyondiik ni, tibɔnyaan ngbaan pu la. Nima pu na, ni li mee Uwumbɔr ke u tii mi lipobil, ke m tuk binib tibɔnyaan ngbaan, maah ba ga tuk bi pu na.

2 Timoti 1:8

Nima pu na, tuk binib Tidindaan aabɔr, ki taa san inimɔɔn. Maah bi kiyondiik ni Tidindaan pu na, taa cha inimɔɔn li joo si kina pu. Aa mu li ji falaa Yesu aabɔnyaan tee pu, Uwumbɔr aah tii si mpɔɔn pu na.

2 Timoti 2:9

Tibɔnyaan tee pu, le m ji falaa. Le bi buu mi idɔribi kiyondiik ni, ke bakadaan na. Uwumbɔr aabɔr ma aa buu.