Jeremia 37:15 - Uwumbɔr aagbaŋ

¹⁵ Bisui nan fii m pu, le bi bui ke bi gbaa mi, ki di mi ti laŋ Jonatann do. U nan ye ubɔr aagbaŋmeer la, le bi nan di udo ŋa tiyondir.

Jeremia 37:15 ပူးပေါင်းရင်းမြစ်များ

Mpiin 39:20

le u cha bi chuu Josef ki di u ŋa kiyondiik ni, ubɔrkpaan aanaagbiib aah bi nin chee na; le u bi nima.

2 Bibɔrb Aabɔr 16:10

Nimina nan cha Asa aaŋuul fii Uwumbɔr aabɔnabr ngbaan pu sakpen, le u cha bi baa u tikululn. N‑yoonn baan mue, le Asa nan piin ki ŋani binib ngem mbiin.

2 Bibɔrb Aabɔr 18:26

Aa ti bui bi ke bi di u ŋa kiyondiik ni, ki li tii u tikonjiir ki ti saa bundaal m ga gir ni, ni laafee na.”

Jeremia 18:23

Tɔ, Uwumbɔr, aa nyi baah kpokl pu ke bi ku mi na. Taa di baatunwanbir cha pinn bi, ki taa di cha baataani. Buyoonn saaŋuul fii na kan, mee bi lii ki nyaŋ bi.”

Jeremia 26:16

Le biyidam ni binib ngbaan bui bitotoorb ni bibɔnabr ngbaan ke, “Uja wee len ti chee tibɔr Tidindaan Uwumbɔr aayimbil pu la; naa ŋan ke ni ku u.”

Jeremia 32:2

N‑yoonn ngbaan le Babiloŋ aabɔr aajab nan bi tak Jerusalem, le m mu laŋ libɔrdichal aachiln ni.

Jeremia 37:20

Tɔ, mpɔɔndaan, m gaŋ si ke aa ŋun tii mi ki ŋa maah tuk si pu na. M gaŋ si ke aa taa ki giin mi kiyondiik ki bi Jonatann do na ni. Aa yaa yii kan, ni ye mbamɔn le ke m ga ti kpo nima.”

Jeremia 37:4

N‑yoonn ngbaan baa nan kee chuu mi laŋ kiyondiik ni, le m nan beenin chuun binib ni maageehn.

Jeremia 38:26

Bui bi ke aa bi gaŋni mi ke m taa di si giin kiyondiik ni aan aa ti kpo nima la.”

Jeremia 38:6

Le bi nan yoor mi ki ti di iŋmin leen ŋŋaal ki di mi lii nnyunbun mu bi yin mu ke Ubɔrbo Malkia aanyunbun na ni, mu nan bi libɔrdichal aachiln ni la. Nnyun aa nan bi mu ponn ni, tikpakpar ŋmeen le nan bi mu ponn ni, le m chɔb sil ti ponn ni.

Jeremia 39:15

Maah nan laa beenin bi kiyondiik ni libɔrchiln ni na, le Uwumbɔr nan bui mi

Matiu 21:35

Le bikpaab ngbaan ti chuu waatutum ngbaan, ki gbaa ubaa, ki ku ubaa mu, ki yur ubaa mu ŋitakpal u ti kpo.

Matiu 23:34

Nima pu le m ga tun ni Uwumbɔr aabɔnabtiib ni bilankpalb ni bimɔmɔkb ni chee. Le ni ga ku bibaa, ki kpaa bibaa mu idɔpuinkee pu, ki gbaa bibaa mu ŋinaalab nimi aameen aadir ni, ki ŋa bi falaa ntim mɔmɔk ni.

Tibɔnyaan ti Luk ŋmee ti na 22:64

ki di likekeln poo unimbil, le ki baa u, “Uwumbɔr aabɔnabr, ulau faa si?”

Jɔnn 18:22

Yesu aah len kina na, le ututunn u si u chee na di uŋaal faa u, le ki baa u, “Uwumbɔr aatotoorninkpel chee le aa len kina aa?”

Lituln 5:18

le ki dan nan chuu bi, ki di laŋ kiyondiik ni.

Lituln 5:28

“Ti tuk nimi ke ni taa ki tuk binib Yesu aabɔr, ki taa ki pur waayimbil. Le ni beenin mooni waabɔr Jerusalem mɔmɔk ni, ki len ke waasin bi tiŋaal ni la.”

Lituln 5:40

Le bi yin Yesu aakpambalb ngbaan, ke bi gir koo ni, le ki gbaa bi, ki tuk bi ke bi taa ki tuk binib Yesu aabɔr daalbaadaal, ki taa ki pur waayimbil, le ki di bi lii.

Tibɔkpiirkaan 2:10

Ni ga ji falaa dandana wee; ni mu taa san ijawaan man. Kinimbɔŋ ga di ni ponn ni bibaa ŋa kiyondiik ni, aan ni kan ntɔŋ, le ni ga ji falaa iwiin kipiik. Ni li dii maasan mbamɔm ki nan saa nkundaal man. Le m ga nan tii nimi lipal li ye limɔfal li kaa kpa ndoon na.