Jeremia 37:13 - Uwumbɔr aagbaŋ

¹³ Maah ti fuu mbisamɔb mu bi yin mu ke Benjaminn Aabisamɔb chee na, le bijab bi si kii nima na aaninkpel, aan bi yin u ke Irija, aan ute ye Selemia, u mu aate nan ye Hanania na, kiir mi ke m taa jer, le ki bui mi ke, “Aa san aa ti kpee Babiloŋ aajab pu la.”

Jeremia 37:13 ပူးပေါင်းရင်းမြစ်များ

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Jeremia 20:2

le u bui ke bi gbaa mi, ki di tikululn baa mi kaan mbisamɔb mu bi Uwumbɔr Aadichal chee, aan bi yin mu ke Benjaminn Aabisamɔb na.

Jeremia 21:9

Unii umɔk gaar kitiŋ ngbaan ni na ga kpo butɔb, ni nkon, ni iween ni. Le uma nyan ki ti di ubaa tii Babiloŋ aanib bi bi tak kitiŋ ngbaan na kan, waan kpo, u ga ŋmar.

Jeremia 27:6

Min le di ŋitimbol ŋee mɔmɔk ŋa maatutunn Babiloŋ Aabɔr Nebukadnesar aapɔɔn ni, le ki cha ipeel mu tun tii u.

Jeremia 28:14

Uwumbɔr Mpɔɔnsakpiindaan, u ye Israel yaab Aawumbɔr na bui ke u ga di tikur aadɔ kina le leen ŋitimbol ŋee aasil ki cha bi li tun tii Babiloŋ Aabɔr Nebukadnesar. Uwumbɔr ki len ke u ga cha ipeel mu tun tii Nebukadnesar.”

Jeremia 36:12

Le u fii buen libɔrdichal ni ki ti koo libɔrchiln aagbaŋmeer aadiik ni, nin chee bininkpiib ngbaan mɔmɔk nan ka na. Ubɔr aagbaŋmeer Elisama, ni Semaya aajapɔɔn Delaya, ni Akbor aajapɔɔn Elnatann, ni Safann aajapɔɔn Gemaria, ni Hanania aajapɔɔn Sedekia, ni bininkpiib biken na mɔmɔk nan bi nima.

Jeremia 38:1

Matann aajapɔɔn Sefatia, ni Pasur aajapɔɔn Gedalia, ni Selemia aajapɔɔn Jehukal, ni Malkia aajapɔɔn Pasur nan ŋun ke m bi tuk binib

Jeremia 38:4

Le bininkpiib ngbaan buen ubɔr chee ki ti len ke, “Ni ŋeer ke ti ku uja umina. Waah bi len pu na ga cha bijab bi bi kitiŋ kee ponn ni na aataakpab yɔl, u bi ŋani unii umɔk gur kitiŋ kee ponn ni na tiwanbaan ngbaan la. Waa ban ke u ter binib ngbaan, u ban u tii bi tibɔr la.”

Jeremia 38:7

Tɔ, Kus aatiŋ aaja, u bi nan yin u ke Ebed Melek, ki ye uja u bi chuu lee nyan waajawan, aan u ye ututunn libɔrchiln ni na, nan ŋun ke bi di mi ti ŋa nnyunbun ngbaan ni. N‑yoonn ngbaan, ubɔr nan ka Benjaminn Aabisamɔb chee ji binib tibɔr.

Inandalahn 4:18

Bidim nan bi lik ban timi; le taa nan ti ki ŋmaa chuun kitiŋ ponn ni. Timi aayoonn nan doo; timi aamɔfal nan kuln.

Amos 7:10

Amasia, u nan ye utotoor ki bi Betel aatiŋ ni na, le nan tun ti tuk Israel aabɔrkpaan Jeroboam ke: “Amos chuun ban isan binib chee ke u nyan si nnaan ni la. Waabɔlen ga bii litimbol lee doo.

Sekaria 14:10

Lipepel ngbaan mɔmɔk ni, ki nya Geba aatiŋ ki bi ŋŋangan wɔb na, ki ti saa Rimonn aatiŋ ki bi ŋŋangii wɔb na ga ŋa taar. Kitiŋ ki mann Jerusalem ki ti ton na ga li waa ki. Kitiŋ ngbaan ga nya mbisamɔb mu bi yin mu ke Benjaminn Aabisamɔb na, ki ti saa mu bi yin mu ke Kilɔlɔŋ ni Aabisamɔb, nin chee mbisamɔb nan puen bi na, ki nya Hananel Aakikiib Aadifɔfɔk na chee ki ti saa libɔrchiln ni aasubil aadaan aabuu aah bi nin chee na.

Tibɔnyaan ti Luk ŋmee ti na 23:2

le ki piin ki bi galni u, ki bui ke, “Ti kan uja wee ŋmanni timi aanibol la. U tuk bi ke bi taa ki pa lampoo tii Ubɔrkpaan Siisa, ke uma ubaa le ye Kristo u ga gaa binib lii na, ki ye Ubɔr.”

Lituln 24:13

Bi bii mi la, ki mu aa ŋmaa mɔk ke baah len pu na gbii.

Lituln 6:11

Nima pu le bi tii bijab bibaa ŋimombil ke bi mɔln inyamɔn paan u. Le bijab ngbaan len ke bi ŋun u sii Moses ni Uwumbɔr.

2 Korenti 6:8

Binib bibaa nyuŋni timi, bibaa mu seei timi. Bibaa bii timi, bibaa mu pak timi. Bibaa len ke ti ŋmanni binib la. Le ti tee len ibamɔn.