Jeremia 36:4 - Uwumbɔr aagbaŋ

⁴ Le m yin Neria aajapɔɔn Baruk le ki nan ka len tibɔr ti mɔmɔk Uwumbɔr bui mi na, le u ŋmee. Baruk nan ŋmee ti mɔmɔk ŋa kigbaŋ ngbaan pu.

Jeremia 36:4 ပူးပေါင်းရင်းမြစ်များ

Aisaya 30:8

Uwumbɔr bui mi ke m ŋmee ŋa kigbaŋ ponn ni binib ngbaan aah bi pu na, aan ni li dɔ, kaan li kpa ndoon, baatunwanbir aah bi pu na.

Aisaya 8:1

Le Uwumbɔr ki bui mi ke, “Ban tiwaŋmeekaan ni pee na ki ŋmee ni pu aan ŋŋmeen ngbaan li filk aan unii mɔk li waa mu ke: ‘Maher Salal Has Bas’.

Jeremia 25:13

M ga di tibɔbir ti m nan cha Jeremia di faan ŋitimbol na daa Babiloŋ aatiŋ aatafal, tibɔbir ti mɔmɔk bi kigbaŋ kee ni na.

Jeremia 30:2

bui mi ke, “Ŋmee maah tuk si tibɔr ti mɔmɔk na ŋa kigbaŋ ni,

Jeremia 32:12

le ki ti di ti tii Neria aajapɔɔn Baruk, u aayaaja ye Mahseya na. M nan di ti tii u Hanamel ni biseeraadam bi nan nyii biŋaal na, ni bijab bi nan ka libɔrchiln ni na mɔmɔk aanimbil ni la.

Jeremia 36:14

Le bininkpiib ngbaan nan tun Netania aajapɔɔn Jehudi ‑ Netania aate le nan ye Selemia, u mu aate nan ye Kusi na ‑ ke u ti bui Baruk ke u li joo ni kigbaŋ ki u karn tii binib ngbaan na. Baruk nan joo ni kigbaŋ ngbaan nan tii bi.

Jeremia 36:21

Le ubɔr nan tun Jehudi ke u ti yoor ni kigbaŋ ngbaan. U nan ti yoor ni ki Elisama aadiik ni, le ki nan karn ki tii ubɔr ni waaninkpiib bi mɔmɔk si gob u na.

Jeremia 36:23

Jehudi yaa ti karn ŋipepel ŋitaa bee ŋinaa doo kan, le ubɔr ti di kijuk chuu gii nima ki di mee lii mmii ni. U nan ŋani kina le kigbaŋ ngbaan mɔmɔk ti wun doo.

Jeremia 36:26

Le u bui waabo Jerameel, ni Asriel aajapɔɔn Seraya, ni Abdeel aajapɔɔn Selemia ke bi chuu m ni maagbaŋmeer Baruk. Tɔ, Uwumbɔr nan bɔr timi, baa ŋmaa kan timi.

Jeremia 36:27

Ubɔr Jehoyakim aah nan di maah ŋeer tibɔr ti tuk Baruk aan u ŋmee ti na see mmii na aapuwɔb,

Jeremia 36:28

le Uwumbɔr ki bui mi ke m ki ban kigbaŋ ki ŋmee tiwan ni mɔmɔk m nan ŋmee ŋa njan yaak ni na.

Jeremia 36:32

M nan ki yoor kigbaŋ kiken tii maagbaŋmeer Baruk, le u ŋmee tibɔr ti mɔmɔk m di tuk u na. U nan ŋmee tibɔr ti mɔmɔk nan bi njan aagbaŋ na ponn ni na, ni kina aabɔr ti m nan tuk u ke u ŋmee na.

Jeremia 36:6

Tɔ, m ban ke binib ngbaan yaa ki bi lulni bumɔb bundaal na kan, aa buen nima. Aa ti karn kigbaŋ ngbaan mpɔɔn pu, aan bi mɔmɔk ŋun tibɔr ti Uwumbɔr di tuk mi aan m mu cha aa ŋmee ti na. Aa karn ki nin chee bi mɔmɔk ga ŋun na; cha Juda aanib bi nyan ni baatim ponn ni ki dan na mu ŋun.

Jeremia 43:3

Neria aajapɔɔn Baruk le saan si lii ti pu, ke Babiloŋ yaab kan ti pu mpɔɔn, ki yaa gee kan, bi ku timi, bee bi chur timi buen Babiloŋ aatiŋ ni.”

Jeremia 51:59

Ubɔr Sedekia aaninkpel le nan ye Seraya. Seraya aate nan ye Neria, le uyaaja ye Mahseya. Sedekia aah nan ye Juda aabɔr pu na aabinanar ponn ni, le u nan cha Babiloŋ le Seraya dii u. Le m nan di tibɔr tibaa tii u.

Jeremia 51:60

M nan ŋmee kigbaŋ ponn ni libiil li mɔmɔk ga dan Babiloŋ pu na, ni Babiloŋ aabɔr tiken.

Esekiel 2:9

M nan kan ŋŋaal mubaa taln mɔk ni mi, ki ŋub kigbaŋ ki bi kpae ki na.

Daniel 7:1

Belsasar aah nan jin nnaan Babiloŋ aatiŋ ni njan aabiln ponn ni na, le m nan daŋ tidaŋ kinyeek. M nan ŋmee tidaŋ ngbaan aah ye pu na bil.

Sekaria 5:1

M nan ki yaar lik, le ki kan kigbakpaikee ki laani na.

Rom Yaab 16:22

Min Tesius u ŋmee kigbaŋ kee tii Pɔɔl na, m mu dooni nimi Tidindaan pu.