Jeremia 36:3 - Uwumbɔr aagbaŋ

³ Nibaakan, Juda aanib yaa ŋun libiil li mɔmɔk m ban m joo ni bi pu na kan, bi ga di cha baabimbin mu kaa ŋan na. Le m ga di baatunwanbir ni baabiin aatuln cha pinn bi.”

Jeremia 36:3 ပူးပေါင်းရင်းမြစ်များ

Nehemia 1:9

Le ni yaa fenn ki gir ni m chee ki ŋa maah bui nimi pu na kan, m ga giin ni nimi nin chee m lee ke ni li dooni mi na; le ni yaa po yaa yaa ki koo kitiŋ kee aadoon mɔk nin chee na kan, m ga giin ni nimi.’

Ilahn 139:24

Lik ke m kpa titunwanbir tibaa aan maa kpa, ki mɔk mi nsan mu nan bi n‑yaayoonn na.

Aisaya 6:10

Le u ki bui mi ke, “Cha binib ngbaan aasui taa li bi nibaa ni, ki cha bitafal kpaa, ki cha binimbil mu jɔb, aan bi taa li waa ki taa ŋun, ki taa bee nibaa. Ni yaa kaa ye kina kan, bi ga kpeln baabimbin ki dii mi aan m tii bi laafee.”

Jeremia 18:11

Tɔ, bui Juda ni Jerusalem aanib ke m bi kpokl bi pu la, le ki gor ke m daa bitafal. Bui bi ke bi di cha titunwanbir aabimbin, ki kpeln baabimbin, ni tiwan ni bi ŋani na.

Jeremia 18:8

aan litimbol ngbaan yaa yii laatunwanbir kan, maan ki kuln li ke maah bui ke m ga ŋa li pu na.

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 24:7

M ga tii bi lineen li ga cha bi bee ke min le ye Uwumbɔr na. Baah ga gir ni m chee ni bisui mɔmɔk pu na, le ga cha bi li ye maanib, le m mu ga li ye Baawumbɔr.

Jeremia 26:3

Nibaakan, binib ngbaan ga ŋun ki di cha baatunwanbir aabimbin. Bi yaa ŋun kan, m ga kpeln maalandak ki taa ki cha libiil li m ba ga joo ni bi pu, baabiin aatuln pu na, dan bi pu.”

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 36:7

Nibaakan bi ga mee Uwumbɔr ki fenn bipuwɔb tii baatunwanbir, ba pu? Uwumbɔr aaŋuusakpeln ni, le u puu ke u ga daa bitafal pam.”

Esekiel 12:3

“Tɔ, unibɔn, buu ukusann aatuln, ki nya waahr aan nwiin nin lir. Cha unii mɔmɔk kan ke aa nyan ki cha nibaa chee la. Nibaakan bimɔyiib ngbaan ga kan si.

Esekiel 18:23

Tidindaan Uwumbɔr baa ke, “Ni dak ke titunwanbirdaan yaa kpo kan, ni mɔ mi la aa? Aayii, m ga li gee ke u ba kpeln waabimbin ki li bi.

Sefania 2:3

Fenn gir ni Uwumbɔr chee, nimi binib bi mɔmɔk sunn nibaa taab ki kii waakaal na, fenn gir ni u chee man. Ŋa tiwan ni ŋan na man, ki sunn nibaa taab Uwumbɔr aanimbiin ni. Nibaakan, ni ga nan nya ntafadaan ni, bundaal aan Uwumbɔr ga nan nyan waaŋuul paacham na.

Matiu 13:15

Ba pu? binib ngbaan aasui aa bi nibaa ni. Bitafal kpaa la. Bi ŋub binimbil, kaa ban ke binimbil woln, kaa ban ke bitafal ŋun, kaa ban ke bisui bee Uwumbɔr aaliin aatataa, kaa ban ke bi kpeln baabimbin ki dii Uwumbɔr aasan ke u tii bi laafee.’

Tibɔnyaan ti Mak ŋmee ti na 4:12

‘Aan bi lik ki lik, kaa waa, ki pel ki pel, kaa beer naatataa. Bi yaa ŋun ki bee naatataa kan, nibaakan bi ga kpeln baabimbin, aan Uwumbɔr di cha baatunwanbir ki pinn bi.’”

Tibɔnyaan ti Luk ŋmee ti na 20:13

Le usadaan ngbaan bui ke, ‘M ga ŋa kinye? M ga di maabogeehn le tun bi chee. Nibaakan, bi ga pak uma.’

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

Lituln 26:20

Njan, m tuk binib bi nan bi Damaskus aatiŋ ni na, ke bi kpeln baabimbin ki dii Uwumbɔr aasan, ki tun lituln li ga mɔk ke bi sil kpeln baabimbin na. Njan, m nan tuk bi kina Damaskus aatiŋ ni, le ki nin buen Jerusalem, ki nin bɔ dii Judea aatim mɔmɔk ponn ni, le ki nin buen binib bi kaa ye Juu yaab na aatim ponn ni, ki ti tuk bi mu kina.

Lituln 28:27

Binib ngbaan aasui aa bi nibaa ni. Bitafal kpaa la. Bi ŋub binimbil, kaa ban ke binimbil woln, kaa ban ke bitafal ŋun, kaa ban ke bisui bee maaliin aatataa, kaa ban ke bi kpeln baabimbin ki dii maasan, aan m tii bi laafee.’”

Lituln 3:19

Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur,

Ikaal 30:2

Nimi ni niyaabitiib yaa fenn dan Uwumbɔr chee, ki di nisui mɔmɔk kii waakaal i m joo tii nimi din wee na kan,

Ikaal 30:8

Le ni ga ki gir kii waah len pu na, ki joo waakaal imɔk m di tuk nimi din wee na.

Ikaal 5:29

Bima yaa kpa nlandak ngbaan aaboln kina n‑yoonn mɔmɔk kan, ki yaa ga pak mi ki kii tii maakaal mɔmɔk kan, tiwan mɔmɔk ga li ŋan tii bi, ni biyaabitiib, ki cha n‑yoonn mu kaa kpa ndoon na.

2 Piita 3:9

Tidindaan aan taan ke u ŋa waah puu tipuur ti na, ke binib bibaa aah dak pu na. U ji limɔr ni pu la, kaa ban ke unii ubaa bii. U ban ke binib mɔmɔk kpeln baabimbin ki ŋmar la.

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”