Jeremia 36:29 - Uwumbɔr aagbaŋ

²⁹ Uwumbɔr nan bui mi ke m tuk ubɔr ke, “Aa see kigbaŋ ngbaan mmii, le ki baa Jeremia ke ba ŋa u ŋmee kigbaŋ ke Babiloŋ aabɔr ga dan ki nan kuln kitiŋ kee ki ku kaanib ni tiwakor.

Jeremia 36:29 ပူးပေါင်းရင်းမြစ်များ

Job Aagbaŋ 15:24

tibɔbir ti bi ke ubɔrpɔɔndaan ubaa na dɔ kiir u ke ti tak u la.

Job Aagbaŋ 15:25

Unii u fik kiŋanbik mɔk ki sii Uwumbɔr Mpɔɔnsakpiindaan na aadoon le na.

Job Aagbaŋ 40:8

Aa ban ke aa mɔk ke maa bi chob, ki bui ke maabɔr bii le aa ma yaar ŋan aa?

Aisaya 29:21

Binib bi bii biken ki biini titunwanbirdam aatun pu kaa dar bitafal, ki mu geei inyamɔn aan bibamɔndam aa kani baabamɔn na, Uwumbɔr ga kuln bi.

Aisaya 30:10

Bi tuk Uwumbɔr aabɔnabr ke bi ŋmin. Bi len le ke, “Taa bui man timi mbimbin mu ŋan na aabɔr. Bui man timi taah ban ti ŋun pu na. Cha ti li joo timi aajoon.

Aisaya 45:9

Tiyakr aabuul li bi ke ŋibuu ŋiken na ga ŋmaa kpak uyakmaal kinikpakpak aa? Tiyakr aan ŋmaa baa uyakmaal ke u bi ŋani ba? Libuul aan ŋmaa bui unii u maa li na ke waa nyi nibaa.

Jeremia 21:10

M siin ke maan cha kitiŋ kee ŋmar, m siin ke m kuln ki la. M ga di ki tii Babiloŋ yaab aabɔr le u see ki mmii. Min Uwumbɔr le len kina.”

Jeremia 25:13

M ga di tibɔbir ti m nan cha Jeremia di faan ŋitimbol na daa Babiloŋ aatiŋ aatafal, tibɔbir ti mɔmɔk bi kigbaŋ kee ni na.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 26:9

Ba ŋa aa di Uwumbɔr aayimbil len ke Waadichal lee ga bii ke Silo na, aan kitiŋ kimina mu ga kuln, ubaa taa ki li koo nima?” Binib ngbaan nan mann goln mi.

Jeremia 28:8

Uwumbɔr aabɔnabr bi nan puen len tibɔr n‑yaajayoonn, waahr aan m ni sin nin fuu ni na, nan len ke butɔb, ni nkon, ni iween ga dan ŋitimbol ni bibɔrkpaam pam pu.

Jeremia 32:3

Ubɔr Sedekia nan di mi laŋ nima ki galn mi ke m moon ke Uwumbɔr bui ke, “M ga cha Babiloŋ aabɔr nyaŋ kitiŋ kee

Jeremia 33:12

Uwumbɔr Mpɔɔnsakpiindaan ki len ke, “Kitiŋ ki bi ke nteersakpiin na, binib ni tiwakor aa bi na ni, le bipihdam ga ki di baapiih buen mmoŋmɔpaan ni, nima chee.

Jeremia 36:23

Jehudi yaa ti karn ŋipepel ŋitaa bee ŋinaa doo kan, le ubɔr ti di kijuk chuu gii nima ki di mee lii mmii ni. U nan ŋani kina le kigbaŋ ngbaan mɔmɔk ti wun doo.

Lituln 5:28

“Ti tuk nimi ke ni taa ki tuk binib Yesu aabɔr, ki taa ki pur waayimbil. Le ni beenin mooni waabɔr Jerusalem mɔmɔk ni, ki len ke waasin bi tiŋaal ni la.”

Lituln 5:39

Ni yaa ye Uwumbɔr aatuln kan, naan ŋmaa nyaŋ bi. Ni yaa jan bi kijaak kan, ni li nyi man, nibaakan, ni ga kan ke ni jan Uwumbɔr le kijaak.” Bi nan kii Gamaliel aah len pu na.

1 Korenti 10:22

Ti ban Tidindaan li kpa lipiipoln ti pu uu? Ti kpa mpɔɔn jer u uu?

Ikaal 29:19

Ni mɔmɔk ubaa taa ŋmann ubaa ke naah si do din wee ki ŋun tipuur tee na, u ki pɔɔn usui, ki fenn dii ubaa aasan, ki bui ubaa ke nibaa aan ŋa u. Waabimbin ga bii ni mɔmɔk, bi ŋan na, ni bi kaa ŋan na doo.