Jeremia 36:11 - Uwumbɔr aagbaŋ

¹¹ Gemaria, u aate nan ye Safann na aajapɔɔn Mikaya nan ŋun Baruk aah karn kigbaŋ ni, Uwumbɔr aah len pu na.

Jeremia 36:11 ပူးပေါင်းရင်းမြစ်များ

2 Bibɔrb 22:3

Ubɔr Josia aanaan aabin kipiik ni lininiin ponn ni, le u nan tun libɔrdichal ni aagbaŋmeer, Asalia aajapɔɔn Safann, u aayaaja nan ye Mesulam na, Uwumbɔr Aadichal ni ki bui u ke:

2 Bibɔrb 25:22

Babiloŋ aatiŋ aabɔr Nebukadnesar nan di Ahikam aajapɔɔn Gedalia u aayaaja nan ye Safann na ŋa Juda aayidaan, le ki cha u joo Juda aanib bi mɔmɔk baa nan di bi buen Babiloŋ aatiŋ ni na.

2 Bibɔrb Aabɔr 34:20

le ki bui Hilkia, ni Safann aajapɔɔn Ahikam, ni Mikaya aajapɔɔn Abdonn, ni libɔrchiln ni aagbaŋmeer Safann, ni ubɔr aatutunn Asaya ke,

Jeremia 26:24

Tɔ, Safann aajapɔɔn Ahikam aah nan si nchaŋ ni na, le baa nan di mi tii binib ngbaan ke bi ku mi.

Jeremia 36:10

Tɔ, buyoonn binib ngbaan nan bi pel suuna na, le Baruk karn tibɔr ti mɔmɔk m nan tuk u na kigbaŋ ngbaan ni. U nan bi Safann aajapɔɔn Gemaria, u ye Uwumbɔr Aadichal aachiln ni aagbaŋmeer na aadiik ni le ki karn ki. Waadiik nan bi paacham aachiln ni, Uwumbɔr Aadichal aabisamɔb mu bi yin mu ke Mbisamɔpɔɔn na chee la.

Jeremia 36:13

Mikaya nan tuk bi tibɔr ti mɔmɔk u nan ŋun Baruk karn tii binib ngbaan na.