Jeremia 35:7 - Uwumbɔr aagbaŋ

⁷ U nan ki bui timi ke ti taa maa tidir, ki taa ko tisar, ki taa ŋum ndaan aasubil aasui ki taa daa i mu. U nan siin ke ti li koo igban aaboo ni, timi aamɔfal ni, aan ki li ye bicham kitiŋ kee pu n‑yoonn mɔmɔk.

Jeremia 35:7 ပူးပေါင်းရင်းမြစ်များ

Mpiin 25:27

Mbim ngbaan nan muun ki ŋa binib, le Esɔ nan nyi kikpaŋ aatuln pam, le ki nan gee chaa timoor ni sakpen, le Jakob nan ye unii u bi suuna na, le ki nan gee u li bi linampal.

Mpiin 36:7

Baah nan bi nin chee na aa nan ŋeer bimɔk kpaan ki li bi, kina pu le Esɔ nan nyan u chee; baawakor nan pɔr ti nyaŋ, le timoor aa ki fuu ti mɔmɔk.

Nnyam 20:12

“Aa li pak aate ni aana, nima kan, aa ga li bi ki yunn kitiŋ ki m ga di tii nimi na ni.

Jeremia 35:9

Taa maa tidir ke ti li koo, ti koo igban aaboo ŋmeen ni la, le kaa kpa ndaan aasubil aasar, kaa kpa ikpaakon, ni njikaabim mu. Ti kii tii ikaal i mɔmɔk tiyaaja Jonadab nan siin tii timi na.

Efesusi 5:18

Ni taa nyu ndaan ki gbii man. Ndaan ga bii nimi la. Cha Uwumbɔr Aafuur Nyaan li gbii nimi n‑yoonn mɔmɔk,

1 Piita 2:11

Maanigeekaab, ni ye biwɔwɔm ni bisachum dulnyaa wee ni la. Nima pu na, m gaŋ nimi, ni taa kii nisui aah gee pu na; ba pu? nisui aah gee pu na kiir nimi Uwumbɔr aasan ni.