Jeremia 34:8 - Uwumbɔr aagbaŋ

⁸ Ubɔr Sedekia ni Jerusalem aanib nan ŋa kimɔbaan ke

Jeremia 34:8 ပူးပေါင်းရင်းမြစ်များ

2 Bibɔrb 11:17

Utotoor Jehoyada nan cha Ubɔr Joas ni binib ngbaan nan puu tipuur tii Uwumbɔr ke bi ga li ye waanib la; u ni ubɔr ni binib ngbaan mu nan ki puu tipuur tii tɔb.

2 Bibɔrb Aabɔr 23:16

Utotoor Jehoyada nan cha Ubɔr Joas ni binib ngbaan nan kpee u pu, le bi puu tipuur ke bi ga li ye Uwumbɔr aanib la.

2 Bibɔrb Aabɔr 29:10

“Nima le m ŋa nlandak ke m puu tipuukpaan tii timi Israel yaab Aadindaan Uwumbɔr aan u taa ki gee ti pu liŋuul.

Nehemia 9:38

Tiwan ni mɔmɔk ŋa na pu, le timi Israel aanib sil do, ki ban ke ti di ibamɔn ŋmee kimɔbaan aakpaam aagbaŋ kimina; le timi aayidam, ni Liifai yaab, ni timi aatotoorb di biŋaal paan nkpaam ngbaan pu.

Aisaya 58:6

“Maah ban kimɔlul ki aaboln na sɔ: Chuu nyan man limukl aakululn ti ni di buu bigiim na, ni inyamɔn aatuln li ni di tun bi na bi pu, ki cha bi li chuun bibaa pu.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Jeremia 34:17

Le min Uwumbɔr bui ke ni yii maamɔboln, ke naan tii nina aabitiib Israel yaab lifuur li bi ban na. Kina pu na, m ga tii nimi lifuur, m ga tii nimi lifuur ke ni kpo butɔb ni, ni iween ni, ni nkon ni. Maah ga ŋa nimi pu na ga cha dulnyaa wee aatimbol mɔmɔk san ijawaan.

Liifai Yaab 25:10

Ni di libipiiŋmu aabiln siin gaa‑mbaa‑lii, ki tii kitiŋ ngbaan ni aanib mɔmɔk. Libiln ngbaan ni, unii yaa nan daa uken aakpaakon n‑yoonn mu jer na kan, u giin mu tii uwandaan, bee waamaal; bi yaa nan di unii ubaa kooh aan u ye unaagbiija kan, di u lii, u gir kun udo yaab chee.

Ikaal 15:12

“Nimi Israel yaab ponn ni, uja, bee upii yaa di ubaa kooh tii si, ke u li ye saanaagbiija, aan ni yaa nan saa ŋibin ŋiloob kan, aa di u lii, u li cha. N‑yoonn mu ŋibin ŋilole ti fuu na kan, aa cha u li cha.