Jeremia 34:5 - Uwumbɔr aagbaŋ

⁵ Aa ga kpo nsuudoon ni la, le binib aah nan seer tulalee aayon pu aan bi sub aayaajatiib bi nan puen ye bibɔrb na, kina le bi ga see tulalee aayon mmii ni tii aa mu. Bi ga wii saakpuul le ki bui ke, ‘Timi aabɔr kpo a.’ Min Uwumbɔr le len kina.”

Jeremia 34:5 ပူးပေါင်းရင်းမြစ်များ

2 Bibɔrb 22:20

le kaan ki cha ntafadaan mu ba choo Jerusalem pu na dan see saakun aapuwɔb. M ga cha aa kpo nsuudoon ni la.’” Le bijab ngbaan nan di tibɔr ngbaan nan tuk Ubɔr Josia.

2 Bibɔrb Aabɔr 16:14

le bi di u sub waah nan lukr kitakpaluŋ ki kiir ubaa, David Aatiŋ ponn ni na ni. Bi nan di nnyɔknii ni nkpan mu nun mɔ na le toor uwon ki nin sub u. Bi nan see mmii sakpiin le ki di wii waakpuul.

2 Bibɔrb Aabɔr 34:28

le maan ki cha ntafadaan mu ba choo Jerusalem aatiŋ pu na dan see saakun aapuwɔb. M ga cha aa kpo nsuudoon ni la.” Bijab ngbaan nan di tibɔr ngbaan nan tuk Ubɔr Josia.

Jeremia 22:18

Le Uwumbɔr nan len Josia aajapɔɔn Jehoyakim, u nan ye Juda aabɔr na aabɔr ke, “Ubaa aan wii waakpuul, kaan len ke, ‘Ni kpa mpombiin sakpen, njɔ, ni kpa mpombiin sakpen a.’ Ubaa aan wii u pu, kaan moo u pu ke, ‘Maaninkpel, maabɔr.’

Jeremia 34:4

Sedekia, li pel maah kpa saabɔr ti m len na. Baan ku si butɔb ni.

Inandalahn 4:20

Bi nan chuu timi aabɔr u ye timi aamɔfal na; uma le Uwumbɔr nan lee, le ti nan kpa limakl u pu ke u ga li kii timi bidim chee.

Esekiel 17:16

Tidindaan Uwumbɔr nan ki bui ke, “Maah ye Uwumbɔr u bi n‑yoonn mɔmɔk na pu, ubɔr ngbaan aah bii waah puu tipuur ti na, ni kimɔbaan ki u ni Babiloŋ aabɔr u di u kaan nnaan na nan ŋa na, u ga kpo Babiloŋ aatiŋ ni.

Daniel 2:46

Le Ubɔrkpaan Nebukadnesar gbaan kitiŋ ki pak Daniel ki bui ke bi toor kitork ki see nnyɔknii tii u.

1 Samuel 31:12

le baapobidam fii kinyeek ki buen Bef Sann ni. Bi nan chuu kpaar Sɔɔl ni ujapɔtiib aawon ligoln ngbaan pu, ki di gir buen Jabes aatiŋ ni, ki ti see ti mmii nima,