Jeremia 34:3 - Uwumbɔr aagbaŋ

³ Saan ŋmar; bi ga chuu si le ki di si tii u. Aanimbil ga kan u gbin gbin le aa ni uma len tɔb chee tibɔr; le bi di si buen Babiloŋ aatiŋ ni.

Jeremia 34:3 ပူးပေါင်းရင်းမြစ်များ

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Jeremia 27:22

Bi ga yoor li buen Babiloŋ aatiŋ ni ki ti saa n‑yoonn mu m ga fenn maalandak toŋ li wɔb na. Le m ga giin ni li ki nan di siin libuul lee ni. Min Uwumbɔr le len kina.”

Jeremia 32:28

M ban m di kitiŋ kimina tii Babiloŋ Aabɔr Nebukadnesar ni waajab la; bi ga nyaŋ ki,

Jeremia 32:3

Ubɔr Sedekia nan di mi laŋ nima ki galn mi ke m moon ke Uwumbɔr bui ke, “M ga cha Babiloŋ aabɔr nyaŋ kitiŋ kee

Jeremia 32:4

le Ubɔr Sedekia aan ŋmar. Bi ga di u tii Babiloŋ aabɔr; unimbil ga kan u gbin gbin, le ki len u chee tibɔr.

Jeremia 34:21

M ga ki di Juda Aabɔr Sedekia ni waaninkpiib tii binib bi ban ke bi ku bi na. M ga di bi tii Babiloŋ aajab bi di cha kaa ki bi tak nimi na.

Jeremia 34:4

Sedekia, li pel maah kpa saabɔr ti m len na. Baan ku si butɔb ni.

Jeremia 37:17

N‑yoonn mubaa Ubɔr Sedekia nan tun yin mi, le ki nan bui mi libɔrchiln ni nima, libɔɔl ni, ke, “Uwumbɔr kpa tibɔr u tii timi ii?” Le m gar u ke, “Ti bi. Bi ga di si ŋa Babiloŋ aabɔr aaŋaal ni.”

Jeremia 38:18

Tɔ, aa yaa yii kaa ti di aabaa tii bi kan, Uwumbɔr ga cha Babiloŋ yaab gaa kitiŋ kimina, ki see ki mmii, le saan ŋmaa ŋmar bi chee.”

Jeremia 38:23

Le m ki len ke, “Saapiib, ni saabim mɔmɔk ga koo Babiloŋ yaab aaŋaal ni, le sin aabaa aan ŋmar bi chee. Babiloŋ aabɔr ga chuu si tinaagbiir, le kitiŋ kimina ga wu mmii pel pel.”

Esekiel 12:13

le m ga taln maapɔɔk ki chuu u ki ponn ni, le ki di u buen Babiloŋ aatiŋ ni, nin chee u ga ti kpo, kaan kan kitiŋ ngbaan kpala na.

Esekiel 17:15

Juda aabɔr nan nyan upuwɔb, le ki buen Ijipt aabɔr chee ti ban itaan, ni butɔb aajab bi wiir na. U ga nyaŋ aa? U ga ŋmaa nya tibɔr ngbaan ni ii? Waan ŋmaa bii kimɔbaan ngbaan kaa kan ntafadaan.”

Esekiel 17:16

Tidindaan Uwumbɔr nan ki bui ke, “Maah ye Uwumbɔr u bi n‑yoonn mɔmɔk na pu, ubɔr ngbaan aah bii waah puu tipuur ti na, ni kimɔbaan ki u ni Babiloŋ aabɔr u di u kaan nnaan na nan ŋa na, u ga kpo Babiloŋ aatiŋ ni.

Esekiel 21:25

“Sin Israel yaab aajojoor, mbiindaan, saawiin mu ye saakookoo aatafadaan aawiin na choo.