Jeremia 34:17 - Uwumbɔr aagbaŋ

¹⁷ Le min Uwumbɔr bui ke ni yii maamɔboln, ke naan tii nina aabitiib Israel yaab lifuur li bi ban na. Kina pu na, m ga tii nimi lifuur, m ga tii nimi lifuur ke ni kpo butɔb ni, ni iween ni, ni nkon ni. Maah ga ŋa nimi pu na ga cha dulnyaa wee aatimbol mɔmɔk san ijawaan.

Jeremia 34:17 ပူးပေါင်းရင်းမြစ်များ

Esta 7:10

Kina pu na, bi nan leen Hamann iŋmin, ŋikpan ŋi pu u nan kpaa ke u leen Modekai na. Le ubɔr aaŋuul nin sɔŋ.

Jeremia 15:2

Bi yaa baa si ke bi ga buen la chee kan, tuk bi ke min le bui ke, Iween le ga ku bibaa, baah ga buen nin chee na le na. Bibaa mu ga kpo butɔb ni, baah ga buen nin chee na le na. Nkon le ga ku biken mu, baah ga buen nin chee na le na. Bidim ga chur biken mu buen tinaagbiir ni, baah ga buen nin chee na le na.

Jeremia 15:4

Hesekia aajapɔɔn Manase aah nan ye Juda aabɔr ki ŋa pu Jerusalem ni na, kina pu le m ga cha dulnyaa wee aanib mɔmɔk aasui gar bi pu.”

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Jeremia 29:17

Uwumbɔr Mpɔɔnsakpiindaan len ke, ‘M ban m cha butɔb, ni nkon, ni iween lir bi pu, m ga ŋa bi ke ŋikakan ŋi bur aan baan ŋmaa ŋmɔ ŋi na.

Jeremia 29:18

M ga li joo ni butɔb, ni nkon, ni iween le san dii bi, le dulnyaa wee aatimbol mɔmɔk ga san ijawaan, baah kan pu na pu. Nimɔk m cha bi yaa ki bi na, binib aapobil ga yuk, ki san ijawaan, baah kan tiwan ni mɔmɔk na. Binib ga laa bi, ki li joo baayimbil puuni lir biken pu.

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Jeremia 32:25

Tɔ, Ndindaan Uwumbɔr, Babiloŋ yaab ban bi nyaŋ kitiŋ kimina, sin mu le bui ke m daa nkpaakon ngbaan biseeraadam aanimbil ni.”

Jeremia 32:36

Uwumbɔr u ye Israel yaab Aawumbɔr na nan bui mi ke, “Jeremia, binib ngbaan bi len ke butɔb, ni nkon, ni iween le ga cha Babiloŋ aabɔr nyaŋ kitiŋ kimina. Tɔ, li pel maah ki kpa pu m len kpee na.

Jeremia 34:8

Ubɔr Sedekia ni Jerusalem aanib nan ŋa kimɔbaan ke

Jeremia 38:2

ke Uwumbɔr bui ke, “Unii umɔk beenin koo kitiŋ ngbaan ni na, ga kpo butɔb, ni nkon, ni iween aakun la. Le uma di ubaa ti tii Babiloŋ aajab na aan kpo; u ga minn nkun.”

Inandalahn 1:8

Kaanyuŋ doo a; ki gur nkuun la, le bi gur lik ki fam. Ki ker idun le ki bɔrni inimɔɔn pu. Jerusalem aatiŋ di titunwanbir le ŋa kibaa tijɔŋ.

Daniel 6:24

Le ubɔr bui ke bi chur binib bi mɔmɔk nan galn Daniel na, ki nan di bi mɔmɔk, ni bipuutiib, ni baabim mee ŋa mbuu ngbaan ni. Waahr aan bi ti lir mbuu ngbaan aataab na, ichinn ngbaan nan bib chur bi ki nyii kool baakpab.

Matiu 7:2

Naah galni binib pu na, Uwumbɔr mu ga galn nimi kina la. Naah tii binib pu na, Uwumbɔr mu ga giin kina le ki tii nimi.

Galantiya 6:7

Tɔ, ni taa ŋmanni nibaa; ni taa dak ke ni ga ŋmaa ŋmann Uwumbɔr; tiwan ni aa bun na, nima le aa ga nan chee.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

Tibɔkpiirkaan 16:6

ba pu? bi ku saanib ni saabɔnabtiib ki cha baasin nyan, le aa mu cha baanyun kpaln nsin bi nyu. Bi ŋeer kina la.”