Jeremia 34:16 - Uwumbɔr aagbaŋ

¹⁶ Tɔ, le ni ki kpeln nimi aalandak ki lik seen mi. Ni mɔmɔk ki gir chur nimi aanaagbiib bi ni nan di lii aan bi gee kina na, le ki ki chuu bi mpɔɔn ŋa tinaagbiir ni lelee.

Jeremia 34:16 ပူးပေါင်းရင်းမြစ်များ

Nnyam 20:7

“Ni taa yin maayimbil fam fam, min Nidindaan Uwumbɔr ga daa unii u yin maayimbil fam fam na aatafal.

Jeremia 34:11

le naa woln kitaak le bi ki kpeln baalandak, le ki ki chur bi mpɔɔn ŋa tinaagbiir ni lelee.

Esekiel 13:22

“Ni joo nimi aanyamɔn le yɔl bininyaam bi maa kpa nlandak ke m tii bi titotonn na aataakpab. Ni kii titunwanbirdam le baan ŋmaa di cha titunwanbir ki nya nkun ni.

Esekiel 18:24

“Tɔ, uninyaan yaa di cha waatunyaan aatum ki piin ki tun titunwanbirdam aatun ŋi mɔmɔk sukr ponn ni na kan, u ga li beenin kpa limɔfal aa? Aayii. Maan ki teer waatunyaan na mɔmɔk libaa bɔr. U ga kpo waah kaa dii maamɔkm pu na ni waatunwanbir pu la.

Esekiel 20:39

Tidindaan Uwumbɔr ki bui ke, “Tɔ, nimi Israel yaab mɔmɔk, li ŋani naah gee pu na man. Li toor nimi aawaa man. Tɔ, ni mu tee li nyi ke nimina aapuwɔb na, see ni kii maamɔb, ki taa ki toor nimi aawaa le maayimbil aabiim doo.

Esekiel 3:20

“Unibamɔnn ubaa yaa piin ki bi tun titunwanbir aan m di u siin mbimbin mu bir na ni, aan saa sak u kan, u ga kpo. Waatunwanbir pu le u ga kpo, maan teer waatunyaan na bɔr, le m ga chuu si taani waakun pu.

Esekiel 39:7

M ga cha maanib Israel yaab li nyi maayimbil li ye chain na, kaan ki cha maayimbil ji inimɔɔn daalbaadaal. Le ŋitimbol ga bee ke min Uwumbɔr le ye Israel yaab Aawumbɔr u bi chain na.”

Liifai Yaab 19:12

Ni yaa kaan ŋmaa giin tipuur kan, ni taa puu ti maayimbil pu. Mbimbin kina joo ni inimɔɔn le maayimbil pu. Min le ye Nidindaan Uwumbɔr.

Malakai 1:12

Le nima aa nyuŋni mi, ki bui ke maatork aabimbiln aa ye nibaa, le ki joo ni tijikaar ti ni lik seen ti na nan toor kitork li pu.

Malakai 1:7

Naah lik mi fam pu na sɔ, ni joo tijikaar ti kaa ŋan na le toor kitork maatork aabimbiln pu. Le ni baa ke, ‘Kinye aan ti yii kaa pak si?’ M ga bui nimi ke naa lik faar maatork aabimbiln.

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.