Jeremia 34:14 - Uwumbɔr aagbaŋ

¹⁴ M bui bi ke libilolole mɔk ni kan, bi di baanaagbiib bi ye Israel yaab ki tun ŋibin ŋiloob tii bi na lii. Le niyaajatiib aa nan ŋun tii mi, kaa nan pel maah len pu na.

Jeremia 34:14 ပူးပေါင်းရင်းမြစ်များ

1 Bibɔrb 21:25

Ubaa aa nan ki neen titunwanbir aatuln Uwumbɔr chee ke Ahab na. Upuu Jesebel mu le nan pai u le u tun.

1 Bibɔrb 9:22

Solomonn aa nan di Israel yaab ŋa binaagbiib; bima le nan ye waatɔb aajab, ni waatuln aaninkpiib, ni bijab bi ŋaal itaan aatɔroku tiib na aayidam, ni bitandam.

2 Bibɔrb Aabɔr 28:10

Le ni ban ke ni di Jerusalem ni Juda aajab ni bipiib ŋa nimi aanaagbiib. Naa nyi ke nimi nibaa mu tun Nidindaan Uwumbɔr titunwanbir aa?

2 Bibɔrb Aabɔr 36:16

Tɔ, binib ngbaan nan ŋani Uwumbɔr aatuun ngbaan mbɔnyun, kaa gar waamɔboln, ki laa waabɔnabr ngbaan, ki ti saa n‑yoonn mu Uwumbɔr aaŋuul fii waanib pu ki ti nyaŋ, aan baa ki ŋmaa kan ŋŋmarm na.

Nehemia 9:30

Le ŋibin mɔmɔk aa ji suklaa bi pu ki sak bi, ki cha Saafuur Nyaan gbiini saabɔnabtiib ke bi sak bi, le bi yii ki kpaa bitafal, kina pu le aa cha baadim nyaŋ bi.

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Aisaya 58:6

“Maah ban kimɔlul ki aaboln na sɔ: Chuu nyan man limukl aakululn ti ni di buu bigiim na, ni inyamɔn aatuln li ni di tun bi na bi pu, ki cha bi li chuun bibaa pu.

Jeremia 11:7

Maah nan nyan ni biyaajatiib Ijipt aatiŋ ni na, m nan sak bi mbamɔm ke bi kii maamɔb, le ki beenin sakr bi ki nan saa din wee.

Jeremia 32:30

Ki nyan Israel yaab ni Juda yaab aapiin aabɔr ni, bi ŋani maah kaa gee pu na la, le baatun fiini maaŋuul.

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Esekiel 20:4

“Unibɔn, aa gor ke aa ji bi tibɔr ki siin bi maah ga ŋa bi pu na aa? Tɔ, kina kan, ŋa kina. Teer bi bitetiib aah nan tun ŋitun ŋi sukr ponn ni na bɔr.

Esekiel 20:8

Tɔ, bi nan lik mi fam ki yii; baan ŋun tii mi. Baa nan di ŋiwaa ŋi sukr ponn ni na ngbaan mee, kaa di cha Ijipt yaab aawaa na mu. Ijipt aatiŋ ni, le m nan gor ke m cha bi bee maaŋuul aah pɔɔ pu na.

Liifai Yaab 25:10

Ni di libipiiŋmu aabiln siin gaa‑mbaa‑lii, ki tii kitiŋ ngbaan ni aanib mɔmɔk. Libiln ngbaan ni, unii yaa nan daa uken aakpaakon n‑yoonn mu jer na kan, u giin mu tii uwandaan, bee waamaal; bi yaa nan di unii ubaa kooh aan u ye unaagbiija kan, di u lii, u gir kun udo yaab chee.

Amos 2:6

Uwumbɔr ki len ke, “Israel yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi joo bininyaam le kooh ke bi di teen baapɔln, hali bigiim bi kaan ŋmaa pa ŋinaatak aadaak na, bi kooh bi mu la.

Amos 8:6

Ti ga ŋmaa di tigbengbir kooh kidaak ki pɔɔ na. Ti ga kan ugiin u kaan ŋmaa pa waapɔln na, hali kaan ŋmaa pa ŋinaatak pu na ki daa u, ki di u ŋa unaagbiija.”

Rom Yaab 7:24

M kpa kinimbaak. Titunwanbir bi tiwon tee ni, ki ga ku mi. Ŋma ga nyan mi titunwanbir ngbaan ni?

Ikaal 15:1

“Libilolole ngbaan yaa nan jer aan nimi Israel yaab ubaa yaa joo uken aapɔln kan, umombidaan taa ki cha u pa.

Ikaal 15:12

“Nimi Israel yaab ponn ni, uja, bee upii yaa di ubaa kooh tii si, ke u li ye saanaagbiija, aan ni yaa nan saa ŋibin ŋiloob kan, aa di u lii, u li cha. N‑yoonn mu ŋibin ŋilole ti fuu na kan, aa cha u li cha.

Ikaal 15:9

Ni taa yii ki bui ke libiln li ni ga di cha pinn bipɔndam na peen a, naan ki tii u nibaa. Ni taa cha tilandakbir kina aaboln koo nisui ni. Ni yaa yii ke naan tii udaan kan, u ga wii ki yin Uwumbɔr naah ŋa u tiwan ni na pu, le Uwumbɔr ga chuu si taani.