Jeremia 33:9 - Uwumbɔr aagbaŋ

⁹ Jerusalem ni le maamɔɔn, ni bunyuŋ, ni limakl ga li nya ni, le dulnyaa wee aatimbol li ŋun maah ŋani tiwanyaan ni tii Jerusalem aanib, ni nkam mu m joo ni kitiŋ ngbaan ni na pu kan, biwon ga li gbaa, le bi san ijawaan.”

Jeremia 33:9 ပူးပေါင်းရင်းမြစ်များ

2 Bibɔrb Aabɔr 20:29

Litimbol limɔk nan ŋun Uwumbɔr aah nyaŋ Israel yaab aadim pu na, ijawaan nan koo bi.

Nehemia 6:16

Timi aadim bi bi ŋitimbol ŋi mann goln timi na aah ŋun kina na, le bi bee ke bi jin inimɔɔn a, ba pu? unii mɔmɔk nan bee ke Uwumbɔr aaterm le tun kina aatuln.

Esta 8:17

Ntim mɔmɔk ni, ni ŋipepel mɔmɔk ni, nin chee bi nan karn ubɔr aakaal ngbaan na, Juu yaab nan kpa lifuur aawiin ki ji njim ki kpa mpopiin. Ibamɔn, binib bi kaa ye Juu yaab na pam nan kpaln Juu aanib; ba pu? bi nan gur san bi ijawaan la.

Ilahn 130:4

Le aa di cha pinn timi, ke ti li san si ijawaan.

Ilahn 40:3

U nan mɔk mi nlahnpɔɔn ke m gaa, nlahn mu m ga gaa pak uma Uwumbɔr na. Binib bi kan kina na pam ga li san u, ki di naadii tii u.

Aisaya 43:21

Bima le ye binib bi m naan ki di tii mbaa na, le bi ga gaa ilahn ki pak mi.”

Aisaya 55:13

Lisalaasiil aasui le ga li gur bi ikokon aah nan bi nin chee na; le ikpasɔi muun nin chee ikokon nan si na. Limɔkl limina ga li bi n‑yoonn mu kaa kpa ndoon na, ki teer nimi, min Uwumbɔr aah ŋa pu na.”

Aisaya 60:5

Aa ga kan nimina, le aasui piir chak chak. Aawon ga li gbaa aasui aah piir pu na pu. Bi ga li joo ni ŋitimbol aawangol ki nan tii si; ŋitimbol ngbaan aawangol ga puur nnyusakpem ki pii ni si.

Aisaya 62:1

M ga len ki pɔɔk Jerusalem yaab aataakpab; maan di cha limeel ni pu see ni ŋmar, le nimi aaŋann li wiin ke kinyeek aamii aah wiin pu na.

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Aisaya 62:4

Ubaa aan ki yin si ke, “Baah yii u na,” kaan ki yin saatiŋ ke, “Upii u aachal san cha u na.” Saayimbipɔln le ga li ye ke, Hefsiba. Le saatiŋ mu yoo li ye ke, Bula, ba pu? Uwumbɔr aanimbil gbiin si, ki ga li bi ke chal na le ki tii saatiŋ.

Aisaya 62:7

Bi taa cha u fuur kpala ki ti saa buyoonn u ga ki giin Jerusalem siin kaasisiiyaan, ki ŋa ki kitiŋ ki dulnyaa mɔmɔk pak na.

Aisaya 64:2

Ŋi ga li gii ke nnyuntom aah leer pu na la. Dan ki nan kpiir saapɔɔn mɔk saadim, ki cha ŋitimbol aawon li gbaa aanimbiin ni.

Jeremia 13:11

M ba ban ke Israel ni Juda aanib mɔmɔk li bub joo mi kin kin ke lichutageln aah ŋeer kichaŋ sab pu na la. M nan ŋa kina ke bi li ye maanib ki joo ni kipak ni inyuŋ nan tii mi la; le bi yii kaa kii maamɔb.”

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Jeremia 24:6

M ga li bi bi chee ki ki giin ni bi kitiŋ kee pu. M ga maa bi kaan, kaan ber bi; m ga di bi ŋum, kaan ki daa ŋɔb bi.

Jeremia 26:6

Ni yaa beenin yiil kan, m ga bii Maadichal lee ke maah nan bii Silo aatiŋ pu na, le dulnyaa wee aatimbol mɔmɔk ga li joo Jerusalem aayimbil puuni lir biken pu.”

Jeremia 29:1

M nan ŋmee kigbaŋ tii bitotoorb, ni bibɔnabr, ni binib ngbaan aayidam, ni bi mɔmɔk gur aan Nebukadnesar nan nyan bi Jerusalem ki di bi buen tinaagbiir ni Babiloŋ aatiŋ ni na.

Jeremia 3:17

N‑yoonn ngbaan yaa nan fuu ni kan, bi ga li gur yin Jerusalem ke ‘Uwumbɔr Aabɔrjal’ la, le ŋitimbol mɔmɔk ga kuun nima ki doon mi. Baan ki ŋa bisui i bir ki kpa maaŋuntafal na aah mɔk bi ke bi ŋa pu na.

Jeremia 3:19

Uwumbɔr bui ke, “Israel yaab, m nan ban ke m gaa nimi ke njapɔɔn na la, ki tii nimi mpopiin aatiŋ, dulnyaa wee ni aatiŋ ki ŋan ntim mɔmɔk ni na. M nan ban ke ni li yin mi ke nite la, ki taa ki fenn nipuwɔb tii mi daalbaadaal.

Jeremia 31:14

M ga cha bitotoorb ji tijikaar nyaan ki ti bab, ki tii maanib baah ban pu na mɔmɔk. Min Uwumbɔr le len kina.”

Jeremia 31:4

M ga ki gir maa nimi kaan. Ni ga ki gir yoor nimi aagangan ki waa mpopiin aawaal.

Jeremia 32:42

“Maah nan joo ni tibɔbir tee nan lii binib bee pu pu na, kina le m ga ki tii bi tiwanyaan ni mɔmɔk m nan puu tii bi na.

Jeremia 33:14

Uwumbɔr ki len ke, “N‑yoonn choo, le m ga cha maah nan puu tipuur ti tii Israel ni Juda yaab na gbiin.

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Jeremia 44:8

Ba ŋa ni dii ŋiwaa ki toor kitork tii ŋiwaa Ijipt ni do, nin chee ni dan nan koo na, ki ŋani mi liŋuul? Ni ŋani kina ke ni kuln, aan binib li lik nimi fam ki joo nimi aayimbil puuni lir biken pu la aa?

Jeremia 49:25

Kitisakpeŋ ki ponn ni nan kpa mpopiin na gur dɔ nkuun la.

Esekiel 26:20

M ga kunn si kitekpiitiŋ ni, le aa ni binib bi nan bi n‑yaayoonn na ti li koo. M ga cha aa bee taab aatiŋ aalangbenkpok ngbaan ni, aan aa ni bitekpiib ti li bi tɔb chee. Kina pu na, ubaa aan ki gir koo aa ponn ni aan aa ki kan saapepel binifuub chee.

Esekiel 36:35

Unii mɔmɔk ga len kitiŋ ki nan ye kipɔɔk sakpeŋ na aah kpaln tisar ke Edenn aatiŋ aasaak na, ki len ntim mu binib nan ber, ki yoor mu aawan ki cha mu tilangbenn na aah gur ye binib ŋmeen ki pɔɔk na aabɔr.

Esekiel 39:13

Kitiŋ ngbaan pu aanii mɔmɔk ga ter ŋinikpol ngbaan aasum, le bi ga kan bunyuŋ, maanyaŋ aawiin ngbaan daal. Min Dindaan Uwumbɔr le len kina.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Sekaria 1:17

Ntuun ngbaan nan ki tuk mi ke m moon ke: “Uwumbɔr Mpɔɔnsakpiindaan bui ke waatim ga ki kan nkam, ke u ga ki ter Jerusalem ki di ki ŋa ubaa aatiŋ.”

Sekaria 12:2

“M ga ŋa Jerusalem ke kidayikuuk na la. Ŋitimbol ŋi mann goln ki na ga nyu, le ki chuun gbeer ke bidagbiib na. Le bidim yaa nan gob Jerusalem kan, bi ga gob Juda aatim mu mɔmɔk gur na.

Ikaal 30:5

le ni ki gaa niyaajatiib aatiŋ. U ga ŋa tinyoor ŋa ni pu, ki kpee nimi liwangol, le ni ga moo pɔr ki li wiir jer niyaajatiib aah nan wiir pu na.