Jeremia 33:4 - Uwumbɔr aagbaŋ

^4-5 Min Uwumbɔr u ye Israel yaab Aawumbɔr na, bui ke Jerusalem aadichal ni Juda aanaan aadichal ga ber. Naa kpa tinyoor ke ni buen ti jan Babiloŋ yaab bi gob nimi aatiŋ na kijaak. Nimina ga cha maaŋuusakpeln aah fii binib bi pu aan m ban m faa ku bi na aanikpol le gbiin kitiŋ kee ni. Kaanib aah tun titunwanbir ti na pu le m fenn mpuwɔb tii ki.

Jeremia 33:4 ပူးပေါင်းရင်းမြစ်များ

Aisaya 32:13

le ikokon ŋmeen le gur si maanib aakpaakon ni. Li wii man ŋidichal ŋimɔk ponn ni binib nan bi ni mɔ bi na pu, ni kitisakpeŋ ki nan gbii binib na pu.

Aisaya 32:14

Hali libɔrchiln na mu ga kpaln nkuun, le litiyil na mu ga kpaln nkuun, ubaa aan ki li bi li ni. Ŋidichal ni ŋigon ŋi kiir ŋi na mɔmɔk ga kuln, kaan ki fii daalbaadaal. Ibon i bi timoor ni na le ga li gur chuun nima, le ipiih mu kan nin chee i ga li ŋmɔ timoor na.

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Jeremia 6:6

Uwumbɔr Mpɔɔnsakpiindaan le cha bibɔrb ngbaan pir isui ki maa ŋibimbin ke bi gob Jerusalem. U bui ke, “Kitiŋ ngbaan ponn ni aah gbii limukl sakpen pu na, le m ga daa kitafal.

Inandalahn 2:7

Uwumbɔr yii waatork aabimbiln, le ki siir cha Waadichal li bi chain na. U cha bidim kan nsan ki gbaa wii laagon. Nin chee ti nan joo mpopiin dooni u na, le bi kpa linyaŋ aafuuk.

Esekiel 21:22

Tɔ, uŋangii joo mpiin mu mɔk ‘Jerusalem aatiŋ’ na la. Mu bui u ke u buen ti ban ŋidɔgen ŋi bi ga di wiil kaagon na, ki faa butɔb aakuun, ki di ŋidɔgen baŋ kaabisamɔi, ki kuun titan bil chur chur ki gbii ŋibugen.

Esekiel 26:8

Kijaak ngbaan ni le bi ga ku binib bi koo ntim mu duun nnyusakpem na. Baadim ngbaan ga gbii ŋibugen, ki maa ŋibimbin, ki ŋa kijaak aapen ti pɔɔ na ki kiir si.

Esekiel 4:2

Ŋa ŋibuu, ni ŋibimbin aawan, ki naan butɔb aajab aakpuk, ni ŋidɔgen ŋi bi ga di gbaa wiil kaagon na mann goln saah naan Jerusalem aatiŋ ki na. Nima le ga mɔk ke bijab gob ki a.

Habakuk 1:10

Bi lik seeni bibɔrb le ki laa baaninkpiib. Baah maa ŋigon kiir ntim mu aan mu pɔɔ na kibaa aa ŋmaa sil kiir bi, bi kuun titan le ti din kaagon, le ki nyaŋ ki,

Ikaal 20:20

Isui i gur na, ni ga ŋmaa gaa yaadɔ ki di ter nibaa butɔb ngbaan ni, aan ki ti gaa kitiŋ ngbaan.