Jeremia 33:26 - Uwumbɔr aagbaŋ

²⁶ Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Jeremia 33:26 ပူးပေါင်းရင်းမြစ်များ

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

Esra 2:1

Binib bi nan nyan ni tinaagbiir ni ki gir ni na pam le nan nyan ni Babiloŋ aapepel ni, ki buen Jerusalem aatiŋ, ni Juda aatim muken ni, bi mɔmɔk cha bido aatim ni. Ubɔr Nebukadnesar aah nan chur bi tinaagbiir buen Babiloŋ buyoonn na, bi nan gur koo nima la.

Esra 2:70

Bitotoorb, ni Liifai yaab, ni binib ngbaan bibaa nan kal kal Jerusalem, ni kaatingbaan ni; le Uwumbɔr Aadichal ni aawangbaab, ni bilahngaab, ni bikikiib, ni laatutum kal kal ntim mu bi gbɔk Jerusalem na; le Israel yaab bi gur na kal kal biyaajatiib aatim ni.

Ilahn 126:1

Uwumbɔr aah nan di timi giin Jerusalem aatiŋ ni na, ni nan naahn tidaŋ la.

Aisaya 14:1

Uwumbɔr ga ki gir san waanib Israel yaab kinimbaak ki lee bi ke uyaab. U ga ki cha bi ki koo baatiŋ ponn ni, le biwɔwɔm ga dan nan li bi bi chee.

Aisaya 54:8

M nan di liŋuul le ki san cha si siib, le m ga di maageehm mɔk si ki ti saa n‑yoonn mu kaa kpa ndoon na.” Kina le Uwumbɔr u gaa si lii na len.

Jeremia 3:12

U nan bui mi ke m buen ki ti bui Israel yaab ke, “Israel yaab bi nyan mpuwɔb na, gir ni m chee man. M ye unimbaasaln la, le maaŋuul aan fii; maaŋuul aan fii ni pu ki ti saa n‑yoonn mu kaa kpa ndoon na.

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Jeremia 31:35

Uwumbɔr tii nwiin ke mu li wiin nwiin pu la, ki cha uŋmal ni iŋmabi tii nwiihn kinyeek. U kur nnyusakpem ni le mu ŋuuni, waayimbil le ye ke Uwumbɔr Mpɔɔnsakpiindaan.

Jeremia 31:37

Bi yaa ga nan ŋmaa ŋaŋ kitaapaak, ki yaa ŋmaa koo kitiŋ aah baan nin chee na ki lik lik naah bi pu na daalbaadaal kan, le u ga yii Israel yaab baah tun pu mɔmɔk na pu. Uwumbɔr le len kina.

Jeremia 33:24

“Saa kan binib aah bi len ke m yii ŋidichal ŋilee, ŋi ye Israel ni Juda aanib bi min mbaa nan lee bi na aa? Kina pu le bi lik maanib fam, kaa ki kahn bi sakni ŋitimbol ni.

Esekiel 39:25

Tidindaan Uwumbɔr nan ki len ke, “Tɔ, m ga san Israel yaab, Jakob aayaabitiib kinimbaak dandana, ki ki tii bi liwankpal. Maan cha maayimbil li ye chain na ji inimɔɔn.

Hosea 1:7

Tɔ, m ga li gee Juda yaab ma. Min, Bidindaan Uwumbɔr ga gaa bi lii, m mu aan di kijaak aajum, bee itɔi ni ipiin, bee itaan ni bitandam tun li.”

Hosea 2:23

M ga maa maanib kaan kitiŋ ngbaan pu ki tii bi liwangol. M ga mɔk baah nan yin bi ke “Maa‑neen” bi na ngeehm, ki ga bui baah yin bi ke “Baa‑ye‑maanib” na ke “Bi‑ye‑maanib” la, le bi ga kii ke, “Aa ye timi Aawumbɔr la.”

Sekaria 10:6

M ga tii Juda aanib mpɔɔn; m ga gaa Israel aanib lii. M ga san bi kinimbaak, ki giin ni bi mɔmɔk linampal. Bi ga li bi ke maah kaa kee yii bi daalbaadaal le na. Min le ye Bidindaan Uwumbɔr; m ga kii baameel.

Rom Yaab 11:32

U len ke Juu yaab ni binib bi kaa ye Juu yaab na mɔmɔk ye titunwanbirdam, aan u san bi mɔmɔk kinimbaak.