Jeremia 33:24 - Uwumbɔr aagbaŋ

²⁴ “Saa kan binib aah bi len ke m yii ŋidichal ŋilee, ŋi ye Israel ni Juda aanib bi min mbaa nan lee bi na aa? Kina pu le bi lik maanib fam, kaa ki kahn bi sakni ŋitimbol ni.

Jeremia 33:24 ပူးပေါင်းရင်းမြစ်များ

Ilahn 71:11

Bi len le ke, “Uwumbɔr siir cha u a; cha ti li dii u man ki ti chuu u, ubaa aa bi ki ga gaa u lii.”

Ilahn 83:4

Bi len le ke, “Dan man aan ti ti bii doo Israel yaab aatimbol, aan ubaa taa ki teer bi pu ki ti saa n‑yoonn mu kaa kpa ndoon na.”

Ilahn 83:5

Bi kpokl le ki kii tii tɔb, le ki ŋa limaantɔl ki fii sil aa pu;

Ilahn 94:14

Uwumbɔr aan siir cha waanib; waan suln binib bi ye waanib na aabɔr.

Aisaya 11:13

Israel aanaan ni aanib aan ki li kpa lipiipoln Juda yaab pu, le Juda yaab mu aan ki li ye Israel yaab aadim.

Aisaya 7:17

“Uwumbɔr ga di tibɔbir aayoonn lii ni aa ni saanib pu, ni nnaan aadichal mɔmɔk pu. Ti ga jer tibɔbir ti dan nnaan ngbaan ni, buyoonn Israel yaab ni Juda yaab nan yakr tɔb chee ki nan saa din na. U ban u yin ni Asiria yaab aabɔrkpaan la.

Jeremia 3:7

M nan dak ke bi yaa ŋa nimina mɔmɔk kan, bi ga ki gir ni m chee. Le bi yii, kaa gir ni, le bina aabitiib Juda yaab bi kaa kpa gaakii na kan ni mɔmɔk.

Jeremia 3:8

Juda aanibol mu nan kan ke m yii Israel aanibol, ki jenn u lii; ba pu? u nan fenn upuwɔb tii mi ki kpaln udagoor. Le Juda, u ye Israel aana aabo u nyan mpuwɔb na aa nan san ijawaan. U mu nan kpaln udagoor,

Jeremia 30:17

Ni yaa po ye ke nimi aadim len ke, ‘Bi di Sionn mee a; ubaa aatafal aa ki bi u ni’ kan, m ga ki cha ni pɔɔk, m ga cha nimi aabuun yann. Min Uwumbɔr le len kina.”

Jeremia 31:36

U puu ke tiwan aah naan pu na aah ga yunn pu na, kina le Israel aatimbol ga yunn.

Jeremia 31:37

Bi yaa ga nan ŋmaa ŋaŋ kitaapaak, ki yaa ŋmaa koo kitiŋ aah baan nin chee na ki lik lik naah bi pu na daalbaadaal kan, le u ga yii Israel yaab baah tun pu mɔmɔk na pu. Uwumbɔr le len kina.

Jeremia 33:23

Uwumbɔr nan ki bui mi ke,

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Jeremia 51:5

Hali Israel ni Juda yaab aah tun mi Israel yaab Aawumbɔr u bi Chain na titunwanbir na, min Bidindaan Uwumbɔr Mpɔɔnsakpiindaan aa yii bi.

Inandalahn 4:15

Binib nan teen ke, “Li cha man. Ni kpa tijɔŋ. Taa meeh mi.” Kina le ubaa aa nan gaa bi, le bi chuun kpak ki nya litimbol lee ni, ki ti saa lee ni.

Esekiel 25:3

Tuk bi ke bi li pel min Bidindaan Uwumbɔr aah len pu na ke: Nisui nan piin ke ni kan baah ŋa Maadichal fam pu na, ki kan Israel aatiŋ aah gur nkuun pu na, ki kan Juda aanib aah cha tinaagbiir ni pu na.

Esekiel 26:2

“Unibɔn, Taya aatiŋ ni aanib aah laa mpɔɔn pu tibɔr ti pu na sɔ. Bi tar ke, ‘Jerusalem aatiŋ yaa a. Kaah nan kpa kinyanpuuk ki na doo a. Kina pu na, ti ga kan liwangol.’

Esekiel 36:2

min Dindaan Uwumbɔr aah kpa pu m tuk ŋi na: Israel aatiŋ aadim nan di kikumɔŋ lik ki, ki len ke, ‘Timi gur yeh n‑yaayoonn na aagongon ngbaan.’

Esekiel 36:20

Baah nan buen nin chee mɔmɔk na, bi nan jinn maayimbil li bi chain na inimɔɔn la; ba pu? binib nan len le ke, ‘Uwumbɔr aanib sɔ, tɔ, ni nan ŋa ke bi nya waatiŋ ni.’

Esekiel 37:11

Uwumbɔr nan ki bui mi ke, “Unibɔn, Israel aanib bi ke ikpab imina na la. Bi len ke bi kuur la, ke baa ki kpa limakl libaa, kaa kpa fen u choo na.

Esekiel 37:22

M ga cha bi ŋa unibaan Israel aajoo pu, kitiŋ ngbaan ni. Ubɔrbaan le ga li joo bi, le baan ki yakr ki li ye ŋitimbol ŋilee, kaan ki yakr nnaan mulee pu.