Jeremia 33:22 - Uwumbɔr aagbaŋ

²² M ga cha maatutunn Ubɔr David aayaabitiib ni Liifai aanibol moo too pɔr, le unii aan ŋmaa kahn bi ke unii aah kaa ŋmaa kahn iŋmabi i bi kitaapaak na, ni litambol li dɔ nnyusakpem aagbaan na pu na.”

Jeremia 33:22 ပူးပေါင်းရင်းမြစ်များ

Mpiin 13:16

M ga cha aa maa ki pɔr pam, le unii ubaa aan ŋmaa kahn saamaal aanib; bi ga li wiir jer dulnyaa wee aatanbol mɔmɔk aah wiir pu na.

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 28:14

Bi ga li wiir ke kitiŋ aatanbol na. Bi ga yaa gbiin dulnyaa wee ni mɔmɔk. Le sin pu, ni aayaabitiib pu, m ga ŋa tinyoor ŋa ŋinibol mɔmɔk pu.

Ilahn 22:30

N‑yoonn mu choo na yaab ga nan tun tii u; binib ga len Uwumbɔr aabɔr n‑yoonn mu choo na yaab chee.

Ilahn 89:29

Uyaabitiib aan doo ke kitaapaak aah kaa door pu na; uyaabil ga li ye ubɔr n‑yoonn mɔmɔk.

Aisaya 48:19

Niyaabitiib ba ga li wiir ke limɔɔtambol na la, le m ba ga li kii bi, ubaa taa bii bi.”

Aisaya 66:21

M ga ŋa bi ponn ni bibaa bitotoorb ni Liifai yaab.

Jeremia 30:19

Binib bi koo nima na ga gaa kipak aalahn; mpopiin ga dan le bi li tar. M ga di ŋŋaal biin bi pu le bi pɔr kpee; le kina ngbaan tii bi liyimbil.

Jeremia 31:37

Bi yaa ga nan ŋmaa ŋaŋ kitaapaak, ki yaa ŋmaa koo kitiŋ aah baan nin chee na ki lik lik naah bi pu na daalbaadaal kan, le u ga yii Israel yaab baah tun pu mɔmɔk na pu. Uwumbɔr le len kina.

Jeremia 33:18

Le bitotoorb mu ga li bi ki nyan ni Liifai aanibol ni ki li tun maatuln, ki joo ni kitork ki ga see mmii ni na, ni njikaabim aapiin, ni titoor ti gur na.”

Jeremia 33:23

Uwumbɔr nan ki bui mi ke,

Esekiel 37:10

Kina pu na, waah nan tuk mi pu na, m nan nabr kina. Kifuurk nan koo tiwon ngbaan ni, le ti fikr ki fii sil. Bi nan wiir pam, ki ga ŋeer butɔb aajab.

Esekiel 44:15

Tidindaan Uwumbɔr nan ki len ke, “Bitotoorb bi ye Liifai aanibol ni yaab, ki ye Sadok aayaabitiib na ma nan beenin tun maatuln Maadichal ni mbamɔm, buyoonn Israel aanib bi gur na nan fenn bipuwɔb tii mi na. Kina pu na, bima le ga ŋmaa tun maatuln ki sil nnimbiin ni, ki di kitork aawakor aakpan ni nsin tii mi.

Hosea 1:10

Israel aanib ga li wiir ke nnyusakpem aatambol na la. Bi ga li wiir jer baah ga kahn, bee bi ŋaŋ bi pu na. Le Uwumbɔr bui bi n‑yoonn mue ke, “Naa ye maanib,” tɔ, n‑yoonn choo le u ga nan bui bi ke, “Ni ye min Uwumbɔr u bi na aabim la.”

Sekaria 10:8

M ga yin maanib, ki kuun bi nan kpaan. M ga gaa bi lii, ki cha bi ki wiir ke baah nan bi pu na.

Sekaria 12:8

N‑yoonn ngbaan kan, Uwumbɔr ga li kii binib bi bi Jerusalem ponn ni na, le ki cha udaburdaan u ŋmal bi ni na pɔɔk, ke David aah nan bi pu na. David aayaabitiib le ga loln bi pu nsan ke Uwumbɔr aatuun na. U ga loln bi pu nsan ke Uwumbɔr ubaa na la.

Sekaria 2:4

Le njan aatuun na bui uŋeen aatɔ na ke, “Li san ki ti bui unachipɔɔn u joo ŋŋmin mu bi joo ŋaŋni tiwan aafɔfɔk na, ke binib ni tiwakor ti ga li bi Jerusalem aatiŋ ni na ga li wiir pam, le Jerusalem aatiŋ ga li wiir ki jer baah ga ŋmaa maa ŋigon gob ki pu na.

Hiibru Yaab 11:12

Nima pu na, ujabaan u nan bi ke waah kpo le na, nan ma binib bi wiir ke iŋmabi aah wiir pu na. Bi wiir ke litambol li dɔ nnyusakpem aagbaan na. Ubaa aa ŋmaa kahn bi.