Jeremia 33:21 - Uwumbɔr aagbaŋ

²¹ Kina le m puu tipuur tii maatutunn Ubɔr David ke u ga li kpa yaabil n‑yoonn mɔmɔk aan u li ye ubɔr, le ki puu tii bitotoorb bi nyan ni Liifai aanibol ni na ke bi li tun maatuln n‑yoonn mɔmɔk; le tipuur ngbaan mu aa kpa ke ti bii.

Jeremia 33:21 ပူးပေါင်းရင်းမြစ်များ

2 Samuel 23:5

Kina le Uwumbɔr ga ŋa waanyoor ŋa n‑yaabitiib pu; ba pu? u puu tipuur ti kaa kpa ndoon na tii mi, kimɔbaan ki kaan bii na, tipuur ti kaan kpeln na. Kina baanja le m ban, nima le ga li ye maanyaŋ, le Uwumbɔr ga sil cha li dan.

2 Bibɔrb Aabɔr 21:7

Uwumbɔr mu aa nan gee ke u kuln David aanaan, ba pu? u nan puu tipuukpaan tii David ke u ga li kpa yaabil n‑yoonn mɔmɔk, u ji nnaan.

2 Bibɔrb Aabɔr 7:18

m ga li joo tipuur ti m nan puu tii David ki bui u ke uyaabitiib le ga li joo Israel aanib n‑yoonn mɔmɔk na.

Ilahn 132:17

Do le m ga ŋa David aayaabitiib ubaa ubɔrkpaan; do le m ga kaan ubɔr u m lee u na ki ti saa n‑yoonn mu kaa kpa ndoon na.

Ilahn 89:34

Maan bii maah puu tipuur tii u na, kaan bar tipuur ngbaan pu kibaa.

Ilahn 89:36

U ga li kpa yaabitiib n‑yoonn mɔmɔk, le m ga li lik waanaan pu ki ti saa dulnyaa aadoon.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Aisaya 66:22

“Kitaapaapɔŋ ni kitipɔŋ aah ga yunn maapɔɔn pu pu na, kina le niyaabitiib ni nimi aayimbil ga yunn.

Jeremia 33:18

Le bitotoorb mu ga li bi ki nyan ni Liifai aanibol ni ki li tun maatuln, ki joo ni kitork ki ga see mmii ni na, ni njikaabim aapiin, ni titoor ti gur na.”

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Matiu 24:35

Paacham ni taab ga jer. Maamɔbon ma aan jer.”

Tibɔkpiirkaan 5:10

Aa ŋa bi saanaan ni aanib bi ye bitotoorb na, bi ti tun lituln tii timi Aawumbɔr, le bi ga li joo dulnyaa mɔmɔk.”