Jeremia 33:18 - Uwumbɔr aagbaŋ

¹⁸ Le bitotoorb mu ga li bi ki nyan ni Liifai aanibol ni ki li tun maatuln, ki joo ni kitork ki ga see mmii ni na, ni njikaabim aapiin, ni titoor ti gur na.”

Jeremia 33:18 ပူးပေါင်းရင်းမြစ်များ

Esra 3:5

ki kpee na, bi nan ki toor kitork ki bi ga di kiwakomɔŋ ngbaan see mmii ni na aatork, ni Uŋmapɔɔn Aajim Aatork, ni kitork ki mɔmɔk ye ke bi kuun ki doon Uwumbɔr na, ni ipiin aatork ki bi nan tii Uwumbɔr, bisui aageehn pu na.

Aisaya 56:7

“M ga di nimi dan Sionn, maagongoln li bi chain na pu, ki tii nimi mpopiin Maameen Aadichal ni, ki gaa nimi aapiin aatork ki ni toor maabimbiln paab na. Bi ga yin Maadichal ke Mmeen Aadichal, nin chee ŋinibol mɔmɔk mee mi na la.”

Aisaya 61:6

Le binib ga li nyi nimi, ke ni ye Uwumbɔr aatotoorb, timi Aawumbɔr aatutum. Ni ga ji ŋitimbol ŋiken aawangol, ki li mak ke ni ye nimi yaan la.

Jeremia 33:19

Uwumbɔr nan ki bui mi ke,

Jeremia 33:22

M ga cha maatutunn Ubɔr David aayaabitiib ni Liifai aanibol moo too pɔr, le unii aan ŋmaa kahn bi ke unii aah kaa ŋmaa kahn iŋmabi i bi kitaapaak na, ni litambol li dɔ nnyusakpem aagbaan na pu na.”

Jeremia 35:19

Kina pu na, min, Uwumbɔr Mpɔɔnsakpiindaan u ye Israel yaab Aawumbɔr na, puu ke Rekab aajapɔɔn Jonadab ga li kpa yaabil u ga li tun maatuln n‑yoonn mɔmɔk na.”

Esekiel 44:15

Tidindaan Uwumbɔr nan ki len ke, “Bitotoorb bi ye Liifai aanibol ni yaab, ki ye Sadok aayaabitiib na ma nan beenin tun maatuln Maadichal ni mbamɔm, buyoonn Israel aanib bi gur na nan fenn bipuwɔb tii mi na. Kina pu na, bima le ga ŋmaa tun maatuln ki sil nnimbiin ni, ki di kitork aawakor aakpan ni nsin tii mi.

Esekiel 45:5

Ligeln li gur na le ga li ye Liifai yaab bi tun Uwumbɔr Aadichal ni aatuln na aawan. Ntim mu ponn ni bi ga li koo na ga li bi nima chee la.

Nkahm 3:5

Uwumbɔr nan bui Moses ke,

Rom Yaab 1:21

Bi nyi ke u bi, ki mu aa nyuŋni u waah ŋeer pu na, ki mu aa dooni u waaterm pu. Nima le baalandak bee fam. Bisui ni bɔɔn la, kaa kpa nlan.

Rom Yaab 15:16

ki ŋa mi Yesu Kristo aatutunn ke m tuk binib bi kaa ye Juu yaab na Uwumbɔr aabɔnyaan, ki di bi tii Uwumbɔr, ke kitork na. Waafuur Nyaan le ŋa bi chain ke bi piir usui.

Ikaal 18:1

“Liifai aanibol, bi ye bitotoorb na, aan li kpa ikpaakon ke ŋinibol ŋiken na. Baah ga li ji tiwan ni na le ye ipiin, ni kitork ki binib joo ni nan tii Uwumbɔr na.

Ikaal 24:8

“Ni ponn ni ubaa yaa kpa tiwon aaween i bir na kan, ni pɔɔn nibaa ki ŋa Liifai aatotoorb aah ga bui nimi pu na. Ni ŋa maah tuk bi ikaal i na mɔmɔk.

Josua 3:3

le ki bui ke, “N‑yoonn mu ni ti kan bitotoorb yoor Tidindaan Uwumbɔr Aakaal Aadakaa tun na kan, ni fii ki li dii bi man.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

Tibɔkpiirkaan 1:6

ki ŋa timi waanaan ni aanib bi ye bitotoorb na, ke ti li tun lituln tii Ute Uwumbɔr. Uma Yesu le ye uyimbidaan, ki kpa mpɔɔn mɔmɔk n‑yoonn mu kaa kpa ndoon na. Amii.

Tibɔkpiirkaan 5:10

Aa ŋa bi saanaan ni aanib bi ye bitotoorb na, bi ti tun lituln tii timi Aawumbɔr, le bi ga li joo dulnyaa mɔmɔk.”