Jeremia 33:17 - Uwumbɔr aagbaŋ

¹⁷ Min Uwumbɔr puu ke Ubɔr David aayaabitiib ga li bi n‑yoonn mɔmɔk ki ji Israel yaab aanaan.

Jeremia 33:17 ပူးပေါင်းရင်းမြစ်များ

2 Samuel 3:29

Waakun ngbaan aatafadaan lir Joab ni waadichal pu. N‑yoonn mɔmɔk kan, waamaal ponn ni aajab ubaa li kpa ulool aabuun, bee tiwon aaween i bir na ibaa, bee u li ye uja u ga ŋmaa tun bipiib aatuln baanja na, bee bi ku u butɔb ni, bee u taa li kpa u ji.”

2 Samuel 7:12

Aa yaa nan kpo aan bi sub si aayaajatiib chee kan, le m ga ŋa aajapɔɔn ubaa ubɔr, ki cha waanaan li pɔɔ.

2 Samuel 7:13

Uma le ga nan maa lidichal tii mi, le m ga cha waanaanjirb aan doo.

1 Bibɔrb 2:4

Aa yaa kii Uwumbɔr aamɔb kan, u ga li joo tipuur ti u puu ki tuk mi, ke n‑yaabitiib yaa di bipobil ni bisui mɔmɔk kii waah len pu na mɔmɔk, ki ŋani kina kan, bi ga li ye Israel yaab aajojoob ki cha.

1 Bibɔrb 8:25

Tɔ, Israel yaab Aadindaan Uwumbɔr, m mee ke aa ga li joo tipuur tiken ti aa nan puu tii nte, ki bui u ke uyaabitiib yaa joo saakaal ke waah joo i pu na kan, bi ponn ni ubaa ga li bi n‑yoonn mɔmɔk ki ye Israel yaab aabɔr, ki joo bi.

2 Bibɔrb 11:2

Ubɔr Ahasia aajapɔɔn Joas baanja le nan san ŋmar. Bi nan ban bi ku u ni biken la, le upuul Jehoseba gaa u lii. Jehoseba aate le nan ye Ubɔr Jehoram, le ute aabo ye Ubɔr Ahasia. Jehoseba nan di Joas ni waabiyoor koon Uwumbɔr Aadichal ni aadijɔk kibaa ni, le ki di u bɔr ke Atalia taa kan u ki ku u.

1 Bibɔrb Aabɔr 17:27

M mee si ke aa biin n‑yaabitiib pu aan bi ji saah lik ki faar bi pu na aamɔɔn. Sin Uwumbɔr le biin bi pu, le saanyoor ga li bi bi pu ki ti saa n‑yoonn mu kaa kpa ndoon na.”

Ilahn 132:12

Aajapɔtiib yaa dii mi mbamɔm, ki kii ikaal i m di tii bi na kan, bijapɔtiib mu le ga nan gaa nnaan, ki li ye bibɔrb n‑yoonn mɔmɔk.”

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 17:25

Baabɔrb ni mbɔrbim ga ŋmaa dii Jerusalem aabisamɔi ki li kpa nnaan aapɔɔn ke David aah nan kpa pu na. Juda ni Jerusalem aanib mɔmɔk ga koo itaan aatɔroku mam ni, ki diŋ itaan pu, le Jerusalem aatiŋ ga li gbii binib.

Jeremia 35:19

Kina pu na, min, Uwumbɔr Mpɔɔnsakpiindaan u ye Israel yaab Aawumbɔr na, puu ke Rekab aajapɔɔn Jonadab ga li kpa yaabil u ga li tun maatuln n‑yoonn mɔmɔk na.”